انقلعــــــــي ....!!!!!!!!(((ارجو الدخول للجميع)))

[الشقاويه]

انقلعــــــــي ....!!!!!!!!(((ارجو الدخول للجميع)))

--------------------------------------------------------------------------------

هذي مقاله قرأتها في احدى المنتديات

وفيها عظه وعبره لكل بنت .....

اتمنى من الجميع الاستفاده من الموضوع

وجزاكم الف خير .........

بسم الله الرحمن الرحيم ،،

والصلاة والسلام علي اشرف الانبياء والمراسلين نبينا محمد وعلي اله وصحبه اجمعين ،،


الموضوع اسمه انقلعي وصدق ياختي انقلعي ،،


بس انقلعي لوين ،، من خلال الموضوع راح تعرفين ماهو المقصود ولاتقف هنا فقط لااتمني ان تكملي قراءة الموضوع الا هناك شي مهم تعرفه وقصة وربي حدثت وسمعته بنفسه ،،


احب ان اطرح هذا الموضوع والذي اتمني ان تجعل الفائدة عامة ولاتجعل فقط اشخاص يقولون جزاك الله خير وكلام وهو في الاصل يفعله او فقط مجرد مشاركة لا اكثر ،،


اختي يادره مصووونه ياجوهره غالية ليش بعضكم تضيع نفسها بنفسها القصص ماتفيدك المواضيع ماتحذركم ،،

سوف اقول لكم اقسم بالله العظيم انها حقيقة وربي تبكي الدم لمن له قلب فقط دخلت يوم من الايام شات وجلست انصح جاني علي الخاص بنت ماذكر اسمها المهم قالت الاسم خوفني وكان الاسم هل من توبة قبل الموت فقالت وربي اني ابي التوبة وكل يوم اقول بتوب وكل يوم بقول بتوب وماصار شي الله يرحم والديك ابي التوبة الذنوب ضيقت صدري ولعبت في حياتي قلت وش مشكلتك ياختي قالت وياليتها ماقالت وياليتني مادخلت قالت لي ياخوي انا في السابق كنت ملتزمه كنت ابكي في الليل انا احسنت الظن قلت يمكن صارت تسمع اغاني يعني مثل هالشي قالت انا صارت لي علاقات محرمة وهي الزنا والعياذ بالله انا ضاق صدري قالت ياخوي انا متزوجه

اقسم بالله جاتني صدمة المهم عطتني ايميلها واضيفت البنت عندي في الايميل وقالت لي ياخوك ارجوك ارجوك ساعدني وربي اني مهمومه وخايفة من ربي جلست انصحها واذكرها بالتوبة بالترغيب والترهيب قالت لي ياخوي في شي ابيك تعرفه والله انها حقيقة وابي منك المساعدة مابيك تقول عني حقيرة قلت انا تفضلي قالت تدري فعلت الزنا مع مين ؟؟ قالت مع مين ؟؟ قالت مع اخو زوجي اقسم بالله حقيقة انا مسكت راسي قلت اخو زوجك كيف وشلون ،،
قالت بقول لك القصة وارجوك انشر القصة تقول كنت مع زوجي وكان اخو زوجي يشوف اخباري من عنده امه اللي هي تصير خالتي يعني ام زوجي المهم تقول زوجي صارت لك مشكلة ودخل السجن علشان هالمشكلة وتقول انا رحت لاهلي في الجنوب تقول وانا عند اهلي اتصل اخو زوجي تقول انا احسبه رجل يتطمن علي عيال اخوها جلس يكلمني وتقول استحيت منه وتقول شوي شوي شوي قالها بكل صراحة انا معجب فيك اقسم بالله وصوتك يذبحني مره وماقدر اعيش بدونك ومن هالكلام .. دقيقة الان بتقول اللي تشوف المووضوع والله ياسعد انا مو مثلها انا غير هاذي غبيه تصدق اقول لك ياختي الله عزوجل وضع هالشي العاطفي في المراة وتجيني انتي وتقول انا مو مثلها والله ماضعفك المهم البنت بنت تميل له هالشخص في ظل ان زوجي بينها شوي مشاكل تقول وربي خطوات خطوات صارت اشوفه في بيتي يوم طلع زوجي في الليل وحينما ارد الزنا قلت له مستحيل لاحد هنا وخلاص قال له المجرم اقول اسمعي تبين والا انقلعي عني بنات الناس واجد حسبي الله عليك بنات الناس واجد وين بتروح من ربك وربي سوف تسال عن هالشي المهم قالت له مستحيل ابعد عني خلاص وتقول فتره ورجعت له وحدث ماحدث ياخواتي هالمجرم فعل معها الحرام اكثر من 15 مره وتقول عقب هالشي ماتت امه وقال له خلاص انا مابيك انا خربتك انا الذي وصلت لهاذي الدرجة ابي منك اخر شي اطلعي مع في استراحة العيال يامجرم كانه مو زوجة اخوك تقول عقبها قلت له لا قال لي بالحرف الواحد انقلعي واتحداك تتعرفني علي غيري وتعرفت علي غيره وحدثث ماحدثث ،، هاذي القصة اقسم بالله حقيقة

اختي الغالية ابيك دقيقة بس تفكرين في نفسك وفي حياتك دخول الانترنت ودخول المنتديات مافي مشكلة ان شاء الله لكن المشكلة ان هناك فئة من الشباب وربي ماتخاف الله وتحاول ان تجعلك فرصة سهله لهم وللاسف وربي تم صيد كثير من الفتيات باسم الحب وباسم العلاقات وربي مافي شي اخطر عليك يابنت الناس كثر هالعلاقات ،،

اختي هل شفتي القبر وربي يخووف لايغرك ابليس ويقول لك انتي مسلمة انتي عربيه انتي بتدخلين الجنة انتي تصلين ومافي مشكلة الاغاني والعلاقات وبعدين انتي احسن من غيرك انتي فقط مكالمات والله غفور رحيم والحمد الله انتي احسن من غيرك وامورك طيبه ،،

اختي والله وعلي نفس الحديث (وعزتي لا أجمع على عبدي خوفين وأمنين إذا خافني في الدنيا أمنته يوم القيامة وإذا أمنني في الدنيا أخفته يوم القيامة). فالخوفان هما خوف العبد في الدنيا وخوفه يوم القيامة، فإذا خاف الله تعالى وعمل بطاعته أمنه مما يخاف يوم القيامة. والأمنان هما الأمن في الدنيا والأمن يوم القيامة فإذا أمن مكر الله تعالى في الدنيا وعمل بمعصيته ولا يأمن مكر الله إلا القوم الخاسرون. أخافه الله يوم القيامة. والله تعالى أعلم. كيف وربي يقسم بعزته ان الذي لايخاف في الدنيا سوف يخاف في الاخرة طيب اسالي نفسك ياشاطره اللي تسمع اغاني وتكلم بالجوال خافت الله ؟؟ يابو عبدالمجيد لاتصير موسوس وشلون طيب اصدقك واترك الحديث صدقني الامر عظيم ياختي لاتغرك المنتديات لاتضيع اخرتك بسبب كم معصية تتوقع في بالك صغيرة وتكون عنده سبحانه كبيره لا انتظرك منك مدح وكلام في الحقيقة لا اتمني اشوفه كثر الله من امثالك او من هالكلام ،،

اختي ملكين اشالكهم سواد عيونهم زرقاء راح تشوفهم في قبرك راح تجاوب او لا ماندري طيب تدري ان ملك الموت يجي علي غفلة تدري ان الشيخ عبدالمحسن الاحمد شاف امامه 24 حالة سكرات موت كم تتوقع منها قال لا اله الا الله وربي وربي فقط واحده والباقي لا ليش ياربي هي صعبه خانتهم العبايات خانتهم ماسنجرات اخر الليل والتمليح خانتهم مكالمات خانتهم الاغاني ،،

الخوف من الله مايظهر في صلاة ليل لا وربي الخوف من الله يظهر في الخلوات ..



يقول صلى الله عليه وسلم ( لأعلمن أقواما من أمتي يأتون يوم القيامة بحسنات أمثال جبال تهامة بيضا فيجعلها الله عز وجل هباء منثورا قال ثوبان يا رسول الله صفهم لنا جلهم لنا أن لا نكون منهم ونحن لا نعلم قال أما إنهم إخوانكم ومن جلدتكم ويأخذون من الليل كما تأخذون ولكنهم أقوام إذا خلوا بمحارم الله انتهكوها ) رواه ابن ماجة بسند صحيح .



يعني جالسة في الصالة مع اهلها ونعم فيها وفي الغرفة مغازل بالماسنجر والجوال تقابل الله بالمعاصي امام الناس فلانه ونعم عبير ونعم ساره ونعم حنان ونعم لكن في الخلوات تعصي الله ،،



نصحية ياختي قبرك اقسم بالله مظلم نوره بالتوبة وبالعمل الصالح لا تسوده بالاغاني وقطع الرحم وعقوق الوالدين ونوم عن الصلوات والمعاكساات وعدم ارضا الزوج ،،

http://media.islamway.com/lessons/awady//76_alQlawat.rm
محاضرة رائعه لنبيل العوضي اسالك بالله تسمعي هاذي المحاضرة ياختي ..
ذنوب الخلوات....اسال ربي ان يجعل هالموضوع خالص لوجهه يارب صدقني ياختي نخاف عليكم من بعض الشباب الذي اسال الله ان يمن عليهم بهداية او يكيفكهم شرهم يارب ،،
__________________




لا تحزن فرزقك مقسوم ..وقدرك محسوم..واحوال الدنيا لا تستحق الهموم ..لانها كلها لاتدوم.
اذا آوى اليك الهم فآوي به الى الله والهج بذكره .

[الفرس]

نسال الله العافيه ..


الله يهدي امة محمد ..لاحول ولا قوة الا بالله ,, انا لله وانا اليه راجعون ..

[مسفر مبارك]

الله يعطيك العافيه يالشقاويه

[عـسـاه خـيـر]

الشقاويه .. الله يعطيك العافيه على هالمقال.

[سعود الخويطري]

الشقاويه



لاهنتي على المقاله الطيبه




والله يهدي الجميع لما يحبه الله ويرضاه



وتقبلي سلامي

[بطاح]

نسال الله العافيه ..

الله يعطيش العافية يالشقاوية

[عبدالعزيز ابن شاقي]

الشقاويه

لاهنتي على المقاله الطيبه

والله يهدي الجميع لما يحبه الله ويرضاه

تــــحيتي لكـ،،،،،،

[الخليفه]

لاهنتي أختي على هذا الموضوع
وبارك الله فيش
ووفقش الله

[الشقاويه]

الله يجزاك خير يابن زريق
واسأل الله الهدايه لي ولك ولجميع عيال وبنات المسلمين

[الجنادري]

بارك الله فيش



ويتبع لموضوعش
http://www.alajman.ws/vb/showthread.php?t=22508