كتاب ٍ قد قراه اللي بعض يام وبعض خله = مثل ما قد تخلي في حفظ نسل القبيله يام

[علي ابن نهايه]

بسم رب الملا واللي جمعنا بالهدى والله = علا ما اقول جمّلني الهي في علوم همام
علّمها من علوم تعلمها عليم به = نسل ربعي نسل ربعي نسل واحد عليه هشام
عود ٍ صلب من _ حزمه _ سند من هدة عزومه = ذخر من ضامته دنياه لا من لي ورى الدمام
علا حبونا وثار والحصينيه مع يدمه = وكل ما مرها شهيب ابن هادي ساقها قدام
منير اخو منيره وانت يابن نوره وصمعان = وذيب هو علا اسمه ذيب للمهان صوب لجام
علا زايد من وعيل المشاهير اللي ازكاهم = مواقفهم من االساده شيوخ القوم له بحزام
تحزم كل ٍ بمنهو جنابه من ولد عمه = الى من ساقوا الذود المجاهيم بزمان اجرام
اصور كيف ممساهم بعد مايصبح اولهم = صباح الخبز والتمره صباح الرمث ونبت ثمام
في فكري من الفكره اقدمها علا صيغة = قصيدة شاعر تسهل عليه حروفه بنظام
وانا اشهد للحروف انها تقول انها معي قدام = علا توضيح سيرتنا وشهرتنا مع الإعلام
بإن اللي اجيبه في مثال استو عند اللي = رفع قدره مثل غيره وكل مثّله برسام
بعض نسل يقدينا ويفهّم من رفع صوته = علا العراف يوم قال له واحد فلان دام
في متسلسل الأسماء زعل من قال له عجمي = وهو يجهل وش العجمي يحسب ان الفخذ له خام
وش الاجمل اسم قبل المسمى بإنه قال بإنه جا = بفخذ من فخوذ عجيم يحسب هو اخير حزام
من اعوام القبايل تجهل الإسلام وسلومه = بشر تحيى لأجل تآكل ولو انها تجيب عظام
زمن قاسي من اول ماوضح فينا = مع بعض الفخوذ اللي معزتها مثل هندام
رجل ما د رى منهو سوى انه ذاك ابو طقه = بلا قول الشماته في خليقة ربي العلام
انهم كفوا اسم عجيم في وقع غدى له شان = مثل قالوا الألمان هم قوم عداها شام
من جرّب مصاقلها في سيف اللي علا خيله = تساوت حدة الفيصل مع شد يسمى _ لجام
وضح من كان راعيها ومن هو بالسبب صاير = ومن المخطي علا المعفي او الكل به اجرام
اكيد ان االكثير اوضح علا ما صار بالحسبان = سباع تصمك الحدباء وقايعهم مثلها دام
لزوم الوقع يوقع به زعيم اللي غزاهم في = مكان الحرب والهية من اللي حي او اعدام
مثل ما سوو التاريخ في كل المدارس هو = اسدنا بالجزيره عبد من سموه عبد دام
علا حكم السعود الأولي كل نزح بأسباب = حكمنجد بإسمهم نجد لي حد اليمن والشام
امور ٍ نحمد اللي حدنا نترك طواريها = كتاريخ يهمش به ضعيف الهرج والنمام
حشا والله من يذكر قبايل فعلها وش هو = وحلف وعيل مع قحطان عقب سنين فيها ركام
من ارواح الطرف الاول مع الثاني وخلصهم = اله الكون يومه دام شيخ للقبيله حام
امير للقبيلة شيخها لليوم هو بو ساق = عقيد للعلوم وعنده الشيخة من الحكام
مثل ماقالوا ان الفارس من عجيم هو راكان = تمنوا ينجبون الفرس والرومان منه فقام
ما له كود من غنى مثل قال من راحت = عقب سجنه بدار الترك سبع او ثمان اعوام
ثم قال لي صاحب يخالفني علا النيه = واثرة قد قضى له حاجة من دون علم اعلام
قبل ليل الدويش اللي حرم غدى عم ٍ مع مثل راكان =وثم~ قال يا ليته صبر عامين والا عام
علا كاعبه جاب اثنين اصل مطران وسماهم = علا من عزوته نوره تعزوى بإسمها الإنعام
وقال اما قعد راكان ذيب ٍ بالسرايا له = من اللي له من فعوله تمنوا يضرب المادام
من الترك واللي من بعض عربان من هم نو = بعيون العرب كل العروبه فيها دين اسلام
بقى صيته مثل ماقالوا انه فارس العجمان = وشاعر وقت كل ٍ وقتها علّم به بعض اقلام
ياكيف حروفه اللي له كشاعر ما تخيب الظن = بكتاب صدر من دار ابو مبارك والضرغام
هي دار الوفاء دارك يابو متعب عريب الخال = بني شمر علا السمعه نعم والله وست انعام
وكل البدو لا من جاء مجال المدح لا يمكن = احدد دون ما نشمل جميع المسلمين ارحام
مابين البعض والبنيان مثل اللي معلمنا = رسول الله عليه الله صلاة الله عدد من صام
وحج وكمل اركانه ووحد ربنا الوالي = وسلم في طواف البيت والمسجد بعد الأحرام
كتاب ٍ قد قراه اللي بعض يام وبعض خله = مثل ما قد تخلي في حفظ نسل القبيله يام
ومعلومه مثل ما نعلم رجال القبايل به = من فجوج العرب قحطان ومن همدان واللي حام
مابين الجو ذكره في مواقف وقتنا الأول = او شعورٍ تنومسنا مثل بيتك يابو تمام
ما بين اللي يذوق الشعر في وصفي له بظله = مشاعر شاعر ٍ يحسب حساب الحلم والاحلام
من ربوع القبيله او من افراد لنا تعرف = لنا سلوم تجمعنا علا الفزات والدرهام
علا جيوش ٍ عسفها علا هشام يسمى وعيل = يسمونه راع الضيقا الوعيلي هو ولد لهشام
اخو لعجيم ولد هشام عقب ما قالوا انه من = تسمى راعي الضيقاء قال عجيم وهو منضام
في موضوع من سموا بإسم الأنثى هي غصنه = شقيقة غصن من قالوا قطع صيبه او مات دام
ياكود موسع الحدان من سمى عجيم لسان = نصف درب الرياض اللي ترك من سبة الأكوام
مما سبب اللي سبب الأسباب بإسبابه = نزح من سمي عجيم وبقى وعيل ماكانه عام
عام اللي بعد ما صار ت الهيه من الهيه = تباعد كل منهم قد تعدى ساحل الدمام
من ديار ٍ مع العجمان قد صارت شهود اعيان = من العرفاء علا سوقان للي لا طم اللطام
علا ما دار بحومة من النقيان ال = حدود ديار قصوان علا نجران دق خيام
وفي عصر البني اميه شهد من كان بالكوفه = يسمون السلال لسيفة اللي سله الحجاج بانها يام
قبيلة مابهم من كان هو فيهم جبان الا = قتل من هو يفشلهم او الروح له بإعدام
وش اعني بالقصيده ذي وش اللي صاير عله = يبيّن ما ورى الشاعر من افكارعلي مثل تمام
علا وصل الفكر مني مابينه لأجل ٍ يدله = من شعور ٍ تخلا من بعض ما هازه التمتام
انا عقب الجلاله ربي اللي شاف ما يجهل = بعض ناس ٍ يزودون الحكي بسنين عصر عام
تواريخ ومعلومه من الكتاب والشعار = يسّهل في سلالتنا علوم سلسلات همام
من ازمان التواريخ المؤرخ حطها بديوان = فارس في قبيلة يام عز الفكر فيه صتام
سطى مفعولها ضي ٍ علا ذكر الرجال اللي = يجمل بعضهم في بعض مثل الغيم وطير ٍ حام
مع بحر الشعر والا من سلالة من العلام = مراجع تنذكر لكن مراجع خافية الاعلام
علا من لا يفصل في قبيلة يام من بعده = من اللي خلّف بنسله من اللي ما حظه الاعدام
من اللي بعد يام ٍ من هو هشام عليه اربع = ثلا ث رجال لأسماهم معاني تسمية
بعض ما يحوي الشاعر يحدد من قبيلة يام = وكل اللي يمثلنا من الفارس من المقداام
اقول ان يام ابن يصبأ ابن دافع وإبن مالك = علا من سمي انه جشم ابن حاشد ابن عظام
قوم ٍ سمي الألمان لا قالوا هم الالمان = بإسم الالمان لامنهم علا خيول بليل عتام
شياطين علا الممشاء سلاطين علا من الإكرام = نفس الرجل ما تقنع الى من صارت الاحلام
ان اللي يمثل قومه يعز القبيله به = علا فعل يديره مثل انك يالمصلي امام
تقرا مثل مايقرا ولو انك مطوفهّا = بشر حنا تساوينا علا عز العرب الاسلام

[/poem]

[علي ابن نهايه]

اهداء الى منتدى قبيلة العجمان


علي ابن نهايه


آل رشيــــــــد

[ماجد العجمي]

الشاعر/ علي بن نهايه .
صح الله لسانك ولاهنت قصيده وافيه من وافي .
تقبَّل تحياتي .

[العجمي 1]

مشكور يابن نهايه على القصيدة الجزله

[فهد بن محسن]

الاخ الشاعر

علي ابن نهايه


صح الله لسانك ياعلي وبيض الله وجهك على هذه القصيده الرائعه


تحياتي لك ولا هنت


فهد بن محسن

[بندر العجمي]

صح الله لسانك ياعلي ابن نهايه





ولاهنت قصيده وافيه من وافي






وبيض الله وجهك على هذه القصيده الرائعه

[مسفر مبارك]

صح الله لسانك وصحت يمين كتبة القصيده ولك تحياتي

[@زايد بن ألغز@]

علي بن نهايه صح الله لسانك وبيض الله وجهك على القصيده الجزله والرايعه اللي ما تجي الا من رجال جزل0

تحياتي لك @زايد الغزي@

[سعود الخويطري]

علي بن نهايه



شاعر جزل وحضوره دائما جزل





صح الله لسانك ولاهنت مليار . . . ونترقب حضورك لنا



وتقبل سلامي واشواقي

[راكان اليامي]

صح الله لسانك ولاهنت قصيده وافيه من وافي .