يا زماني كل ما خلت مرزمة الغيوم.. رائعة خليل بن هدلان بصوت سعد اليامي

[عبدالله آل عامر]

بسم الله الرحمن الرحيم
:
أسعد الله أوقاتكم متصفحي مجالس قبيلة العجمان الكرام بكل خير
:
أقدم لكم شيلة من كلمات الشاعر: خليل بن ذيب بن هدلان
:
وقام بإنشادها المبدع: سعد اليامي
:
أرجو أن تحوز على اعجابكم؛؛؛
:

يا زماني كل ما خلت مرزمة الغيوم =استخالت وأبعدت والعيون تلدها
والرجا من جاير الياس عيّا لا يقوم =وضيّق صدور الهقاوي وبيّح سدها
قال لي لا تتعب النفس والوضع محسوم =ولا تعنّا والمقادير ما أحدٍ ردها
قلت له لا تندب الحظ وتشيل الهموم =وكل حاجة في الزمن فيه حاجة ضدها
التحلي بالصبر والمثابر والعزوم =توصل النفس لمناها وغاية ودها
والتجارب مدرسة والتعلم كل يوم =والدروس تشيب الروس يوم نعدها
والحياة بحور يغرق بها اللي ما يعوم =كل نوبٍ يصطفق جزرها مع مدها
والمراجل صرح يبنى على طيب السلوم =والغبي اللي ليا من بناها هدها
وللظروف سياسةٍ بالدفاع وبالهجوم =مرةٍ نغزي عليها ونوب نصدها
بين لافوح المشاتي ولاهوب السموم =نسبر لشرد الفرص والحظوظ نهدها
والسباع تصوم لو كان ما تنوي تصوم =الزمان يحدها والحمى محتدها
ما بقى إلا تسهر الليل كله ما تنوم =وتقنب بعال الجبل والسنون تحدها
وكل سبعٍ صار في تالي أيامه خدوم =لو جمع بين القسا والشجاعة والدها

:

:
للتحميل اضغط هنا
:
تقبلوا تحياتي وتقديري
: