مـــــــســـــاحة خـــــــاصـــــة....((إلــــى أمـــــــــي))...!!

[روح الم ــــطر]

هذي قصيده مهداة إلى مــــــــلاذي
إلى مني كتبت فيها تضيع مني الأفكار
وتضيع مني كل كلمة نويت أقولها فيها
تضيع مدري وين تروح أحس باألم واحتار
ياكيف في الغاليه بكتب وانا اجهل معانيها
قدرت وماقدرت أوصف شيء بداخلي وانهار
بي لو كلمة وحده تحقق بعض امانيها
لها داخلي بحر أمواجة كتب واشعار
كلام مايطوله لسان كله في أساميها
فديتك يالوجه الصبوح فديتك ياشبية الأزهار
فديت قلبك وروحك حياتي لاجل اماريها
فديتك لحظه فيها حكيتي عن ماكان وماصار
سوالف عن زمان أول قد ولت مواريها
فديتك كثر ماقلتي يدمه والكواكب وثار
وكثر مايفز قلبي لنجران وطواريها
فديت ممشاك في الرمضاء وفديت فيتك في الغار
وفديت مسراك على ارض رب الليل طاويها
فديتك كثر مارحتي تجمعين الحطب للنار
وكثر ماشتبت وشاخت ضوء يعيش ضاويها
فديتك يامنى عمري كثر مانصاك الجار
يبي النخوة يبي الفزعه ويعرف انه ملاقيها
فديتك كثر مايحمل لك خفوق الناس مقدار
وكثر ماهيبتك تعز نفوس جروحها فيها
فديتك كثر مايحمل كون الرب من الأسرار
وكثير مامياة الأنهار تجري في مجاريها
فديت جلالك الطاهر وفديت صلاتك بالاسحار
وفديت أقدامك يوم الله وصى في مواطيها
يمة وحلاة اسمك نقوله من وحنا صغار
نحفظ ثغرك الباسم وعيونك نخاويها
ريحتك ريحة الحنا والخزامى والأزهار
كيف نضيع يايمه وعباتك ريحتك فيها
طلبت الله ياربي تجعل دربها انوار
وتجعلها سيدة الحور وجزاها شوف باريها
وصايا الله ومرسوله من المعلوم والاخبار
وصايا فيك نسمعها لزم انا نلبيها
وختامها صلوا على النبي المصطفى المختار
عدد ماطاف عبيد الله على الكعبه وحواليها