السلام عليكم ورحمة الله وبركاته
وكل عام وانتم بألف خير
يكرم جنابي ماهوب يشرفه قربك=ارفع مقامي عن الرفقه وصاحبها
عقَبني البنَ لو ياطا القدم دربك=مع منهج اهل المعرفه رجلي اتعبها
ولا انت بطراف قدمك ناثرن غربك=من دون ريع المراجل ماتويقبها
تنهج على جرة اهل الهون ودَربك=وخلفت لجاويد لابالله نجنبها
اهل الردى ياردي الراس تفخربك=واهل الوفا كرمت عنك شواربها
راسك ملاه الردى وأول ردى حربك=وآخر هداياك صح السان كاتبها
الشاعر اللي شطر بيته تباشربك=تحشم حثال العرب من شان طيبها
والعرق سيحت دمه عن وصل قربك=صحيح اقارب عباد الله عقاربها