لا زل ثلثين ٍ من الليل هاضت.. عيني و عين مدله القلب نايمه...

[عبدالله بن دريب]

السلام عليكم و رحمة الله و بركاته ...

قصيدة لي .. و عسا إن تنال إعجابكم ...

وا كبدي اللي عافت الزاد صايمه=كنّ الهنادي بالمعاليق حايمه
و اللي لجابي كم لجا جاش غيري=و أنا همومي في خفا الجوف عايمه
لا زل ثلثين ٍ من الليل هاضت=عيني و عين مدله القلب نايمه
جلست أفكر في الزمن ذاك الأول=و الليل موحش و الهواجيس هايمه
لامن طرى لي ما طرى قلت ليته= يرجع زمانٍ ما حضرت بقدايمه
حتى يبيّن كل وافي و هافي=يوم الفتى تغني يمينه عزايمه
ما ألوم وقتٍ بأوله ما غرني=تاليه كالهيب الثقيلة قوايمه
كنه حلال القوم عاقت ولدها=لا خلّته يمشي ولاهيب رايمه
قشرى بطن للغير حلو ٍ حليبها=عزاه لو امسك خطام الظايمه
و أنا ادري إن تحت السواهي دواهي=تالي زمنّا عايذٍ من و خايمه
و الوقت وقت البوم و التبع و المره=و نفسي عن الهزلات و الهون شايمه

دمتم بود

:3rbe70: حجز اول فاخر .

[مهرة النسيان]

وا كبدي اللي عافت الـزاد صايمـه=كـنّ الهنـادي بالمعاليـق حايـمـه
لا زل ثلثيـن ٍ مـن الليـل هاضـت=عيني و عين مدلـه القلـب نايمـه

صح لسانك يالشيخ وش اقول روووعه ..

تشكراتي ..

[الفرس]

الاخ عبداله بن دريب ...

تعجز عباراتي تفي عباراتك .... وتعجر كلماتي عن ايفاء حق كلماتك ..


اخوي عبدالله من اول بيت الى آخره استلذ بقرائته ... بجد عجزت في اختيار ما استلطفته اجد في كل بيت ابداع ..

تقبل مروري بازكى تحيه ..

تقبل

[الشيخه]

عبدالله صح اللسانك مليووووووووووووووون

ولاهنت على طرح الرائعه

بانتظارك من جديد

تقبل منى خالص التحيه

الشـــــــــيــــــــخه

[مسعطر]

ما ألـوم وقـتٍ بأولـه مـا غرنـي=تاليـه كالهيـب الثقيلـة قوايـمـه
كنـه حـلال القـوم عاقـت ولدهـا=لا خلّتـه يمشـي ولاهيـب رايمـه
قشرى بطـن للغيـر حلـو ٍ حليبهـا=عزاه لـو امسـك خطـام الظايمـه

صح لساااااانك يا ابو متعب ..

إبداع إبداع إبداع ..

تقبل مروري ..

وانا ادري ان تحت السواهي دواهي / تالي زمنا عايذ من وخايمه ..
والوقت وقت البوم والتبع والمره / ونفسي عن الزلات والهون شايمه .

لاتعليق ياابن دريب

وقفت شعر راسي في ذا القصيده ..

صح الله لسانك إلين ترضى . وبيض الله وجهك

جعل تسلم يمينك ..
سلام

[عبدالهادي ال كحله]

ابن دريب مرور للقراءه والمتابعه


صح السانك

[بندر العجمي]

صح الله لسانك



وجززززل وحضووورك جزل ولاعدمناك




وووجهك ابيض يالمبدع




اخووووووووكـ

[عبدالله بن دريب]

المشاركة الأصلية كتبت بواسطة محمد بن دسمه

:3rbe70: حجز اول فاخر .

مرحبا بالحجز و راعيه