قصيدة رثاء مدرس لاحد طلابة الصغار..

[الشاعر المبدع]

قصيدة رثاء مدرس لاحد طلابة الصغار..



في باب فصله وقفت وطالـت النظـرة
اناظـر الطاولـة والكرسـي الخالـي
متذكر ٍ للقلم في كفّ . . وش صغـره
يخـط فـي دفتـره احـلامْ وآمــال ِ
جـدران فصلـه تكـاد تنـزّل العبـرة
وتقول وينه ( فهد ) ظريـف الاقـوال ِ
وسبورة الفصل شالت للحـزن نبـرة
تقـول يامـا جلـس ووجهـه قبالـي
ومعلمـه افتقـده وطالتـه حـسـرة
قد كـان عنـده مميـز جـداً وغالـي
يودعـه كـل يـوم ويرقبـه بـكـرة
ويقابله بـا بتسامـة قدرهـا عالـي
واليوم ما جا من الغايب سـوى ذكـره
قالـوا توفـى وراح وعكـروا بالـي
الحزن في القلب يا حـره ويـا كبـره
يا كيف باهله عسى ربي لهـم والـي
فلا لمـن يبكـي الا يحتسـب صبـره
ان كان يبغى الجنـان بيومـه التالـي
ياليت الايام مـا نلقـى بهـا حسـرة
وياليـت الارواح نفديهـا بالامـوال ِ
هذا القدر ما مع الانسـان بـه قـدرة
والموت حكمه على الشايب والاطفال ِ !



وسلامتكم

[الشيخه]

الشاعر المبدع

لاهنت على الطرح للقصيده المحزنه

والله يرحم فهد ويصبر اهله

تقبل منى خالص التحيه

الـــــــشــــــيـــــــخه

[الفرس]

قصيده محزنه للغايه ..

الله يجبر كسر كل من له فقيد يارب ..

لاهنت على الاختيار الموفق اخوي المبدع ..

تقبل مني كل التحيه ..

[الشاعر المبدع]

مشكورين على المرور

[الملكة]

هذا القدر ما مع الانسـان بـه قـدرة---والموت حكمه على الشايب والاطفال
الله يعطيك العافيه..الشاعر المبدع..
والقصيدة مؤثرة وشجية..

[محمد الغيثاني]

قصيده محزنه للغايه ..

الله يجبر كسر كل من له فقيد يارب ..


ولاهنت على القصيدة

[الشاعر المبدع]

ياليت الايام مـا نلقـى بهـا حسـرة
وياليـت الارواح نفديهـا بالامـوال

مشكور اخوي الغيثاني على المرور...

[أبعاد]

مؤثره جدن والله العظيم...*
الله يرحمه ويصبر أهله ان شاء الله ..*
وصح الله لسان من قالها ولسانك يا ناقلها..*

..*أبعاد..*

[عـسـاه خـيـر]

الشاعر المبدع شكرا لك على هالنقل وقصيده مؤثره ,

[الشاعر المبدع]

مشكورين واللة على مروركم ..