(( سجـل حـضورك ببيت قصـيدة أو حـكمة ))

[][ .. خــجــل .. ][]

تلوح البشاير مثـل بـرق الحيـا لالاح = بغرّ المـزون اللـي مطرهـا يبشرنـي
عن الغايب اللي من سنه عن عيوني راح = ولا ادري وش اللي في غيابه مصبرنـي
هجرني وانا وافي معه والقلوب صحـاح = تغيـر وانـا عمـر الزمـن مايغيرنـي
عليه ارتكي لاضاق صدري وسدي بـاح = احسه مـن قيـود المواجـع يحررنـي
عطيته حياتـي كلهـا ماجنيـت أربـاح = ولوماكسبـتـه ماهقيـتـه يخسـرنـي
به أدخل من أية بـاب أريـده بلامفتـاح = لوإنـه علـى لوعـات همّـه يسورنـي
جميله علي إنـي أحلـق بـدون جنـاح = لياشفـت مقعـادي بـالارض يتعذرنـي
افضفض بملفي داخلـي داخلـه وارتـاح = عسى الله علـى رد الجمايـل يقدرنـي
لأن العمـر يفقدحلاتـه بـدون كـفـاح = لوإن الغيـاب بـدون داعـي يدمرنـي
لأنه علي أقسى من الحـظ لامـن طـاح = عن الحظ لامـن طـاح ياليـل خبّرنـي
مضى عام ياعدّالروى ماقـدرت امتـاح = حلا جمّتـك ياللـي غيـابـك محيّـرنـي
ورغم الغياب اللي مخلـف وراه جـراح = ولاقصى منافي غربـة الـروح هجّرنـي
تلوح البشاير مثـل بـرق الحيـا لالاح = بغرّالمـزون اللـي مطرهـا يبشـرنـي

فمان الله

[حـــوران]

تسجيل حضور

/
/

يامجهول ابـن جاهـل .. عسـى الله يبـارك فيـك=على شـان بـعـض الـنـاس .. والا على شـانـي !!
قبل لأعرفك من وجهك .. أعرفـك مـن طاريـك=(وجاني من أنـواع الحكـي عنـك مـا أكفانـي)
وزعـلان مــن ثنتـيـن .. والثالـثـه بتجـيـك=عسـى الله يعـدي سمعتـك سلـطـة لسـانـي
الأولـى بعديـهـا علـشـان (ذيــك وذيــك)=وشرهـة فــلان .. / وخـاطـر فــلان وفـلانـي
والأخـرى ماترضـي وجـه ربـي ولا ترضيـك=تهـز القلـوب .. وتقشـعـر منـهـا الأبـدانـي
بأبيعـهـا وأبـيـع ماقبـلـهـا وأشـريــك=وبأعطيـك فـي اللـي بعدهـا درس مجـانـي
تعففـك فـي نظـرة عــدوك قـبـل مغلـيـك=بطاقـة عبـور لهيـئـة حـقـوق الإنسـانـي
[ لامنـه سقـط وجـه الكرامـه تحـت رجلـيـك=مايمديـك تقلبهـا عـلـى وجهـهـا الثـانـي ]
ولـو أنـك ليـا غسلـت ثوبـك تغسـل يديـك=بسجـدة شكـر تختـم بهـا عمـرك الفـانـي
فـالارقـاب والله مانسـوقـك ولا نصـخـيـك=نزعـل بـك الأقصـى ونفـرح بــك الـدانـي
لكنـك علـى سقـط المتـاعـات وش رامـيـك=الا يستحـي دمـك عـلـى عـرقـه الحـانـي !؟
مع انـك مـن الله فـي سعـه .. مالله بحاديـك=لكـن نزغـة الشيـطـان خلـتـك شيطـانـي

[ابوعبدالرحمـن]

عسى الله يجير صويحبي من بعض الأجناس = ابو خدةٍ لو تنكشف كنها الشمعه
إذا جت مراسيله تقبلتها بإحساس = وإذا جاه مرسولي تقبّله بالدمعه

[هادي بن فهاد]

يامرحبا بك

يامرحبا عـد مافاحـن الاطيابـي=يالشاعر اللي حروفك لاحت اضويها

[someone]

مل قلبٍ من هوى الخدرات عيّا

باقيّ له من هو خلّه بقايا

لابغيت أسجّ من سمح المحيّا

شفت من وصفه على غيره حلايا

فز قلبي وانتبه عقب النسيّا

وانحرف فكري وجارن الكوايا

راح يشرفني على نور الثريّا

لين وردني على حوض المنايا

وانّ بغيت أجيه وصله ماتهيّا

صاروا العربان من دونه حمايا

ياوليفي لاتسويبي كذيّا

الخطايا لاتلحقها خطايا

مايبور بصاحبه عقب البغيّا

كود ناسٍ مالها بالله عنايا

كلّ شيٍ أعمله كود الجفيّا

الجفا يزعل وسيعين النهايا

[هادي بن فهاد]

سلالالالالالالالالالالالامـــ

الليل يسري والهواجيس تسـري=والصبح قرّب مادخل عيني النـوم

[بنت النشاما]

ياهـم! أشوفـك (معتلـي) راس (القلـوب الطيّبة)
هو مالقيـت بـ هالزمن لك بيـت غيـر الطيبين؟!

رح للقلـوب اللـي (مباديهـا) غَـدت .. (متسيّبة)
(يمكـن) تحـس بقسـوتك ياهـمْ وبلحـظة تلين!

[هادي بن فهاد]

لوأني أكتب بالبحر جـف حبـري=شعرٍ عليه اسمي موقّع ومختـوم
لاشك أخاف مْن المقابيـل وادري=ماقل دلّ وكايف الشعـر محشـوم

[عابرة سبيل]

أمانه..يالنجوم اللي معايه تسهريـن الليـل = أبي سهره لذيذه..تبعد الهوجاس والضيقـه
أبي سهرة شعر..كفو السهر والليل والتعليل = على نور القمر..والا ظلام الليـل ماطيقـه
أمانه..خاطري يشهد علي ربي مكدّر حيـل = تعالي سامريني..ودّي ابسهـره وترويقـه
أمانه..سامريني والله ان العب وازيد الكيل = واخلّي من حكى يحكي..يعلّه مابلـع ريقـه
وُبَعَدْها..باتسنن واذكر الله واكْثر التهليـل = يَغَفْر..اذنوب من يقرأ..حْروفه كل ذوّيقـه

.



.

[عمر الرشيدي]

مسآء الخــير \ صبأح الخيـر

تـدري وش اسـوي اذا شفــتك زولـك ... اضحـك على نفـسي ولقيـك ظهـري