وش رايكم يارجاجيل وأنتم يانسوان

[الـــجازي]

السلام عليكم ورحمة الله وبركاته

أرحبوا وماجورين ؟؟

إخواني وخواتي

بغيت آخذ رايكم في موضوع قريته بأحد المنتديات

ماراح أكتب الموضوع كامل ( عاااجزه )


الزبده تقول ////////////////////////////////////


وش رايكم في البنات اللي يكتبون نكاتهم بأسماء قبايلهم ؟؟

هل هو عار للقبيله ولا انتقاص من شأن القبيله ولا جهل ولا مدري ويش ؟؟؟


وبصراحه اللي فاقع كبدي

إن فيه عضو رد على الموضوع ويقول


أي بنت تتكتب إسم قبيلتها هاذي بايعتها ووووووو كلام واجد ( وشدراه يمكن البنت محترمه )


وبعدين هي بتكتب اسم القبيله والقبيله كم فخذ فيها , بالله عليكم ( الحين عرفوا من هي )


المهم أختكم الجازي الذربه من النحاسه رحت أسجل بإسم القبيله أبغى أغايض صاحب الموضوع ( يقولون عنييده خخخخخخخ )


ورديت عليه برد يثلج الصدر ويرفع راس قبيله مال أنا


وأخيراً

إخواني وأخواتي

ماوجهة نظركم بشأن الفتيات اللي يسجلون بنكات قبائلهم ؟؟

[عليل المحبه]

بإسم القبيله أبغى أغايض صاحب الموضوع ( يقولون عنييده خخخخخخخ )

حي الله الجازي
وحسيت من خلال السطور عوابه او لكاعه . . مدري

ولكن اللي اشوفه انه يبقى مجرد نك
وكل بنت بأبيها معجبه


ولكن اشوف ان النكات واجد شمعنى القبيله
يابا الفيت اني من القبيله الفلانيه . . !

االا اذا الموضوع تحول الى عناد ويباسة راس
شي ثاني . . .



تقبل ردي برحابة صدر
وبلى عصبيه


< يتلفت

[مانع الوعيلي]

انا اشوف انه عااادي انها تسجل باسم قبيلتها
ولاهنتي اختي الجازي على الموضوع

[الـــجازي]

وحسيت من خلال السطور عوابه او لكاعه . . مدري

ليييه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ولكن اشوف ان النكات واجد شمعنى القبيله
يابا الفيت اني من القبيله الفلانيه . .

لا صدق وش الغلط في إن البنت تكتب اسم قبيلتها يمكن إنها مفتخره ولالااااااااااا وشدراني


االا اذا الموضوع تحول الى عناد ويباسة راس


لا إن شاء الله مب عناد لكن شوي توضيح علشان مايكون فيه سوء فهم عند البعض إن اللي تكتب اسم قبيلتها بايعتها ( عسى ماشر على طول نحكم من أول الطريق )
ترى قذف المحصنات عاقبته وخيمه في الدنيا قبل الآخره

ويعطيك العافيه ع التفاعل

[الـــجازي]

مانع الوايلي
يعطيك العافيه ياخوي ماقصرت

[ظـبـي الـسـلآطين]

اشوف ان الامر هذا عادي وانا ملاحظه مسبب ازمه عند الشباب هذا الموضوع بصراحه

شنو المشكله اذا دخلت باسم القبيله

مايأثر اسم القبيله ولا يزيد ولا ينقص عادي
وانتي طريتي علي النك والله ودي اغيبره .....شراايج؟؟؟؟ ههههههه
<<<لعاانه

لاهنتي يافلبي ع الموضووع

[سمو الرووح]

السلام عليكم ورحمة الله وبركاته

هـــلا وغـــلا


بـالجــــازي


سبحان الله : كلٍ له راااايــه وطبيعــي الآرائ تختلـف من واحــد للأخــر

وصـراحـة مـن وجهـة نظـري اشــوف مافيـه شيء بالمـره يعني حطت اسم قبيلتها

حد عرفها من هي ذي ولا ويش اسمها وأكـيد إنها تفتخر بأسم قبيلتها ولذلك وضعت هذا النك

أما الطعن في فتياة الإسلام هذا لا يجوز وليتقوا الله من يقولوا هذا الكلام فالدائره تدور .. استغفر الله وأتوب إليه.


شكرا لكِ عزيزتي على طرح هذا الموضوع للمناقشة ولاهنتي


حفظكِ الله .

[الـــجازي]

مسبب أزمه وبس إلا مسوي قلق عند أغلب الشباب
فبعضهم يقولون إن الشباب يتعايرون مع بعضهم بذا الموضوع يعني إذا صارت مشكله ولا حاجه
قالوا ///// شوفوا بناتكم يشاركون في المنتديات والشات


أنا مع اللي قال هذا الشي خاااصه الشات ( وش اللي مدخلها !!! مافيه إلا مضيعه للوقت وكله سوالف واعتقد عندها مسؤوليات أهم بكثير من الهايط وقط الميانه مع الرجاجيل )
الشات مادخل مزاجي شفته مره وحده ولاعت كبدي من السخافه

اما المنتديات أشوف عادي نشارك نبي نستفيد ,, نثقف ,, ناخذ أفكار منا ومنا سواء للبيت ولا الشغل


أختي لا لا تغيرين النك تقديرا لمشاعر أخوانا الرجال

ولاهنتي على التعليق

[الـــجازي]

المشاركة الأصلية كتبت بواسطة سمو الرووح

السلام عليكم ورحمة الله وبركاته

هـــلا وغـــلا


بـالجــــازي


سبحان الله : كلٍ له راااايــه وطبيعــي الآرائ تختلـف من واحــد للأخــر

وصـراحـة مـن وجهـة نظـري اشــوف مافيـه شيء بالمـره يعني حطت اسم قبيلتها

حد عرفها من هي ذي ولا ويش اسمها وأكـيد إنها تفتخر بأسم قبيلتها ولذلك وضعت هذا النك

أما الطعن في فتياة الإسلام هذا لا يجوز وليتقوا الله من يقولوا هذا الكلام فالدائره تدور .. استغفر الله وأتوب إليه.


شكرا لكِ عزيزتي على طرح هذا الموضوع للمناقشة ولاهنتي


حفظكِ الله .

هذا مربط الفرس أخوي
أهنيك على العقلانيه في إبداء الرأي
لاهنت يالقرم

[سمو الرووح]

عفواً أختي الجازي لست برجل


هنــا :

أختكِ في الله

( سمو الرووح ) ههههههههه