( أستاذنك يا خاطري ) و ( التجافي ) شيلتين رائعة للشاعر: سلمان الميزاني

[عبدالله آل عامر]

الله يسلمش ويعافيش أختي نجلا قحطان
:

[فـهـيـد الــHــتــلانــي]

عبدالله آل عامر

اشكرك على تقديم هذه الشيلات المميزة

[عبدالله آل عامر]

العفو أخوي فهيد وتسلم على تشريفك المميز
:

[ليــه يازمـــن]

لاهنت

والله يعطيك العافيه

تقبل تحيتي

[عبدالله آل عامر]

لاندمت والله يعافيك يالغالي
:

[شلفا تراحيب]

المشاركة الأصلية كتبت بواسطة عبدالله آل عامر

بسم الله الرحمن الرحيم
:
أسعد الله أوقاتكم بكل خير اخواني وأخواتي مرتادي مجالس قبيلة العجمان
:
أقدم لكم في هذا الموضوع شيلتين رائعة من كلمات الشاعر: سلمان الميزاني
:
وبصوته كذلك.. راجياً من الله أن تحوز على رضاكم واعجابكم
:
شيلة: أستاذنك يا خاطري
:

:
للتحميل اضغط هنا
:

لا خير في رجلٍ قصـارٍ شبوحـه=ولا خير في سيفٍ نثـر دم راعيـه
ما جيت أبي مد اليدين الشحوحـة=ولا جيت ضامي في رجاء الغير يسقيه
سرتني أقدار الليالـي اللحوحـة=لو كان مسراي على شـي ما أبيـه
والهم وطعون الزمان وجروحـه=تجمعت في خافقي وسكنت فيـه
واللي غموضه يختلف عن وضوحه=أجبرني أركب مركب التيه وأتيـه
أستاذنـك يا خاطـري والسموحـة=لا عاد تلحقنـي مـلام ومشاريـه
سري وسرك لازم إنّـا نبوحـه=ونودعـه توديـع غالـي لغاليـه
لو إن دمعات الموادع فضوحه=تطري علي البعد وأنا ما أدانيه
لكن يا سرٍّ توفّى طموحه=نقلك يعذبني ولاني بقاويه
ركزت في صدري سهوم ذبوحه=وعلمتني في شي ماني بناسيه

:
:
شيلة: التجافي
:

:
للتحميل اضغط هنا
:

وش ذنب قلب اللـي يـودك ويغليـك؟!=لا صـار ما بيـن الوهـم والحقيـقـة
مـدري يوقـف مـعـك ولا يخلـيـك؟=عجزت ألاقي لـك أسلـوب وطريقـة
البارحـة ليلـي قضـى فـي تحرّيـك=لين أشرقت شمـس الصبـاح الشريقـة
وأنا أصنع الأعذار وأعذرك وأعفيك=وأقـول دمحات رفيـق لرفيـقـه
لين أنكشف لـي كـل سـرك وخافيـك=اللـي مـا يرضـاه العشيـق لعشيقـه
تبغاني لا من رحـت و أقفيـت أناديـك=الله ولا ذل الـنـفـوس الـعـريـقـة
إن جيت .. لك فالقلب عرشك وكرسيك=وإن رحت .. مثلك مثل باقـي الخليقـة
لأنـي تعلمـت القسـى مـن تغلـيـك=يومـي علـى لامـاك نفسـي شفيقـة

:
تقبلوا تحياتي واحترامي
:

بيض الله وجهك يالقرم

من جد شيلات رائعه

[عبدالله آل عامر]

ووجهك أبيض يا شلفا تراحيب
:
تسلم على المرور الأروع
: