∫Ξ∫ᆻᆻ|[ قصائد المبدع متعب التركي / بصوت مجهول الرياض حصري في قلب مجالس |ᆻᆻ∫Ξ∫�

[محمد ال سالم اليامي]

	السلام عليكم ورحمة الله وبركاته مساء بعبق الزيزفون هو دائماً هكـذا .. .... يأتي بلا مقدمات ..! اول مشاركه لي هنا أنا شاء الله تنال ع رضاكمـ . . هو ( متعب فهد خضير تركي.. من العبيات من مطير) مدرس مقيم في حفر الباطن شاعر كبيرمن اكثر الاسماء الشعريه قرباً الى ذائقتنا اختفى عن الساحه حيث انه ترك مساحه لايستطيع احد ان يسده سوا الشاعر المبدع/ متعب التركي شخص حاضر بقلب كل متابع ومحب للشعر لانه كان يمثل حاله خاصه بشعر لايمثل الا متعب التركي فكيف ننسى هذا المبدع الذي اصبح غيابه خساره لنا كمتابعتين له هذي من بعض قصائد للشاعرالغايب الحاضر /متعب التركي من أجمل وارق الشعراء الذين قرأت لهم قال عنه كاتب.../ متعب التركي حاله شعريه لن تتكرر ونهج ..ومداده الصدق..والرقه وعدم التكلف متعب التركي أحد الذين أعطوا للشعر قيمته فاخلص للشعر ووهبه الشعر تألقه متعب التركي بدأ بوضع اسس لمدرسة شعريه وأدت بعد تركه الشعر نسال الله ان يثبته ع الطاعه وقد أستقم وترك الشعر ....ومالكم في طويله بصوت /مجهول الرياض قصيدة /نسيتني علمني شلون أبنساك نسيتني علمنـي وشلـون ابنسـاك=في هالزمن نسيان الأحباب عادي شلون لأمرت علي البـال ذكـراك=وطيفك سرق مني لذيـذ الرقـادي وشلون لاقالوا لي الناس وش جاك=من كنت في لـذة منامـك تنـادي شلون أعيش اللـي بقالـي بليـاك=لامن غدينـا كـل واحـد بـوادي لو قلت أداوى جرحي اللي تباطاك=ماكل جرح يفيـد فيـه الضمـادي أعلنت حبـك ليـن كـلٍ تمنـاك=غلطه وغيري من خطاي استفادي لولي مثل قلبـك تمنيـت فرقـاك=واكيد قبلك بالجفا صـرت بـادي حلوه عذاريبـك وحلـوه مزايـاك=حتى بيوم فرا قنـا كنـت هـادي كن الليالي ودها تكسـب رضـاك=وآنا يطول مـع الليالـي جهـادي في ذمتي ماهي غريبـة خطايـاك=مبطي وقلبك لـو تنبهـت غـادي سهله علي من كان مثلك وشرواك=مثـل الثيـاب يغيـرون المبـادي علمني اكره ذكرياتـك وطريـاك=وانسى من الليلة صدوق الـودادي ولاني بقايل عقبهـا ويـن ابلقـاك=راضي ولو إن جروح قلبي جدادي وإلا القصايد جعلها مـن فدايـاك=لبستهـا مبطـي ثيـاب الحـدادي باكر علي المخطي يدورون الأفلاك=ونشوف من يصعب عليه البعـادي قصيدة مشكور مشكور يا بايع مشاعرك مشكـور=العام ذنب وهالسنـه ذنـب ثانـي وش عاد اقول ولا بقى شي مستور=ما طعتني يوم ابتسم لـي زمانـي لا تعتذر لو خاطري منك مكسـور=لا تفتكرنـي دام قلبـك نسـانـي لا لا تقـول ان الليالـي لهـا دور=شف من هو اللي كان فينا أنانـي مدري تصنعت الغلا زور فـي زور=مدري انا اللي حيل كنـت متفانـي مثل العما ما تنفعه طلعـة النـور=النور بعيـون العمـا مـا يبانـي عندي خبر لو جاك من يمي قصور=لأقول انا مخطـي وربـي جزانـي لو شفتني قاسي عليك انت معـذور=شفني من أول جرح لا زلت أعاني انا بشر مثلك لي احساس وشعـور=واغتاظ لا مـس الكـلام بكيانـي حتى وانا في قمة الغيـظ مقهـور=بعض الحكي عيـا يقولـه لسانـي بقولها لو قلت لي صابـك غـرور=ما فيه احد ياخـذ بقلبـك مكانـي العام قلبي فيـك هايـم ومجبـور=العـام لا منـي جفيتـك عصانـي واليوم حبك فـي حنايـاه مقبـور=لو ما دعيتـه للمفـارق دعانـي ذاك الهوى ما عاد لك فيه مقـدور=ابعد من ايـام الرشـي والسوانـي ما دمت راضي عن عذابي ومسرور=ملعون ابو قلـب ٍ عليـك يحدانـي قصيدة ماقلت لي شي ماقلت لـي شـي وش خليـت ماقلتـه=اسكت وخل الكـلام لجرحـي الدامـى لوغيـرك اللـي يسولـف ماتحمّلـتـه=لكن على شـان عينـك هانـت ألامـى للحـب مفهـوم عـمـرك ماتخيلـتـه=ماأظـن يستوعبـه تفكيـرك السامـى هذا الفـراق الطويـل وهـذي أسئلتـه=هـذا حصـاد السنيـن وهـذي أيامـى يامـا ويامـا عليـك البـال طولـتـه=والعمرعدى وأنا عايش علـى أوهامـي حتى طريـق الفـراق اللـي تساهلتـه=لقيته أصعب على نفسي مـن أقدامـى اصبرلـي شـوي لـودمـي تثاقلـتـه=بحاول أستوعب اللـي صـار قدامـي الحب ضحكـة بعينـك بـس ماطلتـه=عمرك بهالكون شفت أبسط من احلامي! القلـب لوماخفـق لـك كـان ماشلتـه=ولوماأنت ملهم قصيدي جفـت أقلامـي هـذا قصيـدي بعينـك لـو تجاهلتـه=ينزف على شأن يروي قلبك الضامـى العـام طــاري غيـابـك ماتقبلـتـه=واليوم حرماني أصبح مصدر إلهامـى لاتعتذرلـي وابنسـى كــل ماقلـتـه=وش ينفع العذر لامن ضاعت أيامـى ؟ قصيدة ياوسيع البال يـا وسيـع الـبـال .. ضيّـقـت الـصـدور =رحـت مـا علمتنـي ويـن انـت ســاري فـي غيابـك.. مــا لخـلـق الله حـضـور =وفي حضورك.. ما لهم بالبـال طـاري لـيــه مـــا تـخـتـال يـــا بـــدر الـبــدور =و القصايـد لــك وصيـفـات و جــواري لـــك بـنــات الـفـكـر ربـــات الـخــدور =يكشفـنّ إلثامهـن.. و الـجـرح عــاري جعـل قـلـب ٍ مــا مــلاه الـصـدق نــور =عنـد وجـه الريـح.. مـا يلقـى مــذاري التغـاضـي عـجــز لا طـــال الـقـصـور =ليـه أداري و انــت عـنـي مـنـت داري الـزمــان قـصـيـر .. والـدنـيــا تــــدور =كـل يـوم يضـيـق فــي عيـنـي مــداري صاحبـي محتـاج لـك شـعـر و شـعـور =و إحتياجـي شـي.. مـا هـو بإختـيـاري مـن متـى و الغـصـن يخـتـار الطـيـور =مـن مـتـى و الـبـال يخـتـار الـطـواري لا تسـمـي صمـتـي الـبـارح .. غــرور =إنكسـاري خلـف هالصمـت امـتـواري في غياب الشمس وش ذنـب الزهـور =و المطر لا شح وش ذنـب الصحـاري الـلـقـا لـحـظــات و الـغـيـبـه شــهــور =تقصـر الخـطـوات و يـطـول انتـظـاري لــو قـريـت المنكـتـب بـيـن الـسـطـور =مــا كتـبـت لغلـطـة العـمـر اعـتــذاري صمـت هالمينـا.. مثـل صمـت القـبـور =ما رسى مركب.. ولا لاحت صواري!! مع تحيات أخوكمـ ابوحمد خادم الموروث الشعبي خَلعت اَلْبَاب بأكمَله .. لِولوج اَلْزُوَار فَمرحَباً بِكُم يَارفَاق

[عين ابوي]

صح الله لسـان الشاعـر التركي


يعطيك الف عافيــه علي المجهود الكبير


ولاخلا ولاعدم

[محمد ال سالم اليامي]

هلابك ولاهنت ع المرور وتعليق ودمت بخير

[ابن ثابت]

متعب التركي شاعر الرومانسيه

[king الوادي king]

لاهنت يامحمد ال سالم على القصايد وبيض الله وجهك