مساجله قديمه بيني وبين الشاعر زيد بن زياد الشمري
وهذي قصيدتي
أبدأ بذكر الولي بأول مباديها=سبحانة ألهنا علام الأحوالي
يا الله يا خالـق الأنفـس ومفنيها=أنك تصخر لسانـي لخيـر الأقوالـي
من بعد ذكر الولي ما سـال واديهـا = سلام منـي عـدد مـا هـل همالـي
تكفون عندي رسالـه مـن يوديهـا = للطيب اللي عزيـز ~عندنـا غالي
زيد أبـن زيـاد قاضيهـا ومفتيهـا = للعقده اللي بـراس الحبـل حلالي
السالفه يا عزيز النفـس مخفيها =لكن زادت وحدتنـي علـي الجالـي
احمولهـا كائـده مانيـب قاويـهـا = وألا أنت شلت الحمول أخفاف وأثقالي
وانارفيقـك علـي المـره وحاليهـا = العشره اللي مضت لا أتروح بطالـي
فكر وشوف القضيـه ويـش تاليهـا = هي شمس وألا خيال أيزول وأظلالـي
عساك تلقي العـلاج اللـي يداويهـا = وأنت المجرب وذقت المـر والحالـي
عالـج وحـذرا تكحلهـا وتعميـهـا =العلـه الخافيـه تثـر علـي حالي
والنار ماتحـرق ألا رجـل واطيهـا = وأنا أتصبر لكن الصبـر مـا جالـي
بركـان ثائـر ونـاره مـن يطفيهـا = من راس عالي تفجر يشعل أشعالـي
أمنـول~ بالخفـي أطـرب لطاريهـا = واليوم صارت معي وأقرب من أعقالي
جتني تخطي وتشر لـي بايـا ديها= قامت تغزل وتكشف لي عن الشالي
يا ليتني ما مسكت الـدرب أماشيها =النوم يا مسندي مـا عـاد يهنالـي
القافيـه غايتـي مغـرم وهاويـهـا = عندك خبر والعواذل تشغـل البالـي
أن شدت أرحالهـا مانـي مخاويهـا = أقعد ولو ما صرفت اجنيـه وريالي
وللي قرا بأكشف الدعـوي لقاريهـا = والرزق عند الكريم الواحـد العالـي
أنا كتبت الشعـر مأعـرف قوافيها =وأصبحت شاعر يجيب ألوان وأشكالي
يا الشمري رائـك ألنفسـي قديهـا = وضح بحور الشعر أقصار وأطوالـي
تفرح أليا جوك ضيفـان ~ تعشيهـا = أصبر علي ثم أجيـك ايـام واليالـي
نفسك علي الدين والتقـوي مربيهـا = ومجنب أهل الردي والقيـل والقالـي
كل المراجل براسك ما اقدر أحصيهـا = عزاه من بعدكـم يـا زيـد عزالـي
يا أبن الرجال الذي معروف ماضيهـا = وقت الرخاء والجهاله شمر أبطالـي
يازيد سلم علي الخطـه ومـن فيهـا = لعلهـا بالعمـار ابقـدرت الوالـي
صغت البيوت وتفحصـت ألمعانيهـا = والعقـدة أيجيلهـا حـلال فتـالـي
يازبد جتك الرسالـه وأنـت راعيهـا = ترائ ما أرضي ترجعها علي الخالـي
والختم منـي علـي أولهـا وتاليهـا = سلام مني عدد مـا سائـل~ سالـي
وهذا رد الشاعر زبد الشمري
بأسم الـذي يعلـم النيـه وناويهـا = اللي عن أمره يسير الغيث بخيالـي
خـلاق بالكـون الأيـام ولياليهـا =المطلـع بالخفـايـا دق وجـلالـي
هذا ونفسـي لـرد القـاف أهييهـا = أبوح باللي بخلـدي كـان يطرالـي
من هيت جتني قصيدة يـوم أحليهـا = نقع المطر بالصفاء قراح وزلالـي
حي القصيدة وحـي اللـي مسويهـا = أبن منيخر عريـب العـم والخالـي
منصور يا شاعر القصه وراويهـا = تذكر غرابة قصيد~جـاك يجتالـي
يا نابغة جيلنـا الحاضـر وثانيهـا = نظمت عقب أنتصاف العمر الأمثالي
يا طالب الراي رائي دوك راهيهـا = لك يا عريب النسب بالكيل مكيالـي
هدفك اصبته وتنشد كيـف ترميها=علي صواب وقدا يا طيـب الفالـي
والكحل بالعين يا الممدوح أداريهـا = ما اعالج العين قبل أعرف مدخالـي
ماني كما قيـل حاميهـا حراميهـا = مستقبلك زاهر~يـا ذرب الأفعالـي
أخذت عدل القصيد وعفت خاطيهـا= علي الطريق الصحيح ولأنت ميالـي
وهائب~ خالـق المخلـوق معطيهـا = لا تتبع الياس يبعد عنـك الأمالـي
اللي رفع سبـع دون أعمـاد بانيهـا =اللي بسط سبـع وأرسـي كل الأجبالـي
وهبك من نقوة الأشعـار صافيهـا =وأبعدك عن ما يسمي غث وأحثالي
يا الطيب اللي خصال الجود حاويها = مدحك لربعي رفع راسي ومنزالـي
التاس الأجواد تعطي حـق عانيهـا = ولا هو كثير أني أكرم من تعنالي
المرجله مـا ردي العـزم قاويهـا = ومن كان له ماضي~ بالطيب له تالي
الأيدي الممسكه ما البخـل مغنيهـا = تقصر عن المرجله لو عندها المالي
أصابـع الكـف مختلف~تساويهـا = والناس مختلفة~في كـل الأجيالي
لك لابة~وافيـه والطيـب كاسيهـا = كما كسي الجسم ثوب~مسبل أسبالـي
نطاحة الكـون لا حلـت بلاويهـا = لا ثار صوت المشوَك تقل زلزالـي
هذا وأنا لابتـي تعـرف مغازيهـا = لهم بدار العداء بالخـوف مدهالـي
واليوم في ظـل حاكمهـا وحاميهـا = مليكنا جعل عمـره بالسعـد طالـي
أمن من الخوف حضره مع بواديهـا = الشخص يمشي بأمان وخاطره سالي
ومن حبكم يا السنافي هيـت نغليهـا = عساه يا مسندي ما تمحـل أمحالـي
تسيل من واطي أرضه لين عاليهـا = يمشي شعيبه ويمشـي كـل شلالـي
تخضـر بقديـر خلاقـه روابيهـا = ينبت بطينه أزهور ويكسي الجالي
ودي لأهلها تجـي خضر~مفاليهـا = وألا فأنـا ديرتـي كاظَـل تبرالـي
الخطه اللـي نفـوده فـي شماليهـا =من حائل~ لا بغيته تشمـل أشمالـي
وصلت أهلها السلام اللي أنت مهديها = بلغت يا أبـو محمـد كـل رجالي
من داني الخطه الخضراء لأقاصيها = ردوا بمثلـه قالـوا يقبـل أقبالـي
وعلي نبي الهدي ما هـب ذاريهـا = أفضل صلاة~ مع التسليم بالحالـي
وسلامتكم
12-05-2005, 10:21 AM
] 
العرض العادي
