هذه المحاورة قبل خمس سنوات في المغتره امام صاحب السمو الملكي الامير فيصل بن خالد
بـيـن الشـاعـر فــلاح القـرقـاح و الشـاعـر ضـيــدان بـــن قـضـعـان
يالامير اسمح لي ابا آخذ مع ضيدان قالـه= طالبك يا سيدي لاحد يجـي بينـه وبينـي
اشرب الفنجال يا ضيـدان واكـب البيالـه= طيب يا صاحبي واحـب سلـم الطيبينـي
بالنيابه عن الامير اللي ترى حنـا خوالـه= مرحبا لو ما تسلم يا عشيـر الغانمينـي
يالعبيدي لا لقيت الهاجري واقـف لحالـه= صح لبن شايق وانا ربي على الدنيا عويني
بارك الله بالاميـر اللـي يظللكـم ظلالـه= وانتم اللي صيتكم بين القمـر والفرقدينـي
والله ان الهاجري بالضيق درع ينعنى لـه= سد دينك يا ولد قضعان وانا اسـد دينـي
يابن ريفه لا تعدى الحد والدعوى سهالـه= لد بابن مشيط لا تشبح يسـار ولا يمينـي
والله انا مـا وقفنـا الا نـدور للجمالـه= ميرلا تاقف على درب الثلاثـه والثنينـي
والله ان ماني لابن مرة مجـود بالكفالـه= والامارات العربية علـى راسـي وعينـي
التفت لي والتفت ولا بلاش مـن الزمالـه= ما تمشيها علي وانا ابن مفلـح مرتينـي
يا كثر ربعك بذيك الدار يـا راع الخيالـه= ميرانا مسلم وربعـي كلبوهـم مسلميـن
اعترفت بالاوله والثانيـه مالـك محالـه= احتملها في ظلال الحلف والقاسـي يلينـي
انت يم اقصى الديار اشفق من وليد الغزاله= انتبه لا يخرج الموضوع كله مـن يدينـي