قصيده العتيبي في ابن عبيان ورجال يام

[ناصر ال مهذل]

قصيده... إهداء لقبيلة يام وللشاعر عبدالله بن عبيان

هذه قصيده إهداء مني شخصياً لقبيلة يام العريقه كافه وللشاعر عبدالله بن عبيان خاصه اتمنى انها تحوز على رضاكم واستحسانكم ومها كتبت من الشعر تعجز الحروف عن الوفاء معكم

ياراكب الي مـاورد مثلـه ولاجالـه مثيـل=ألا مع رجالـن تفاخـر فالزمـن بأموالهـا
النوع لكزس فل كامل والمديل آخـر مديـل=مصنوع خصيصن لقومن تستغيض امثالهـا
وصفة ليا منه نطحك وجـاك قـدام المقيـل=شيهانن يشوف الفريسـة والعـرب تبرالهـا
ولونه ليا منه عرضلك لون ناقضة الجديـل=الي تهبـل عقـل ناسـن ماتعـرف هبالهـا
واليا قفاك وراح مقفي كنـه المطـرود ليـل=والقوم من خلفـه بنادقهـم يثـور إشعالهـا
ماكمل أسبوع التجـارب تـو ورده الوكيـل=في ديرتن فيها المواتـر مايعـرف اشكالهـا
عليه روح يانديبي وأنـت فالمسـرى دليـل=للديرة الي غيـر عـن كـل الليـال ليالهـا
ديرة هل الطالات وأهل الجود والفعل الجزيل=ياميتـن بيـن الخلايـق عاليـن منزالـهـا
وصل سلامي للنشاما مرويت حـد الصقيـل=أهل الفعول الي تنومـس والعـرب تعنالهـا
وقل للزميل الي حشى ماشفت جاء مثله زميل=عبدالله عبيـان نسـل المرجلـه ورجالهـا
الله يبارك في حياتك يالاصيل ابن الاصيـل=وقفتك بيضـاء والنشامـا تفتخـر بأفعالهـا
ولاهو غريب الطيب منك ولاعليكم مستحيل=دام الجدود الطيبـه طابـت جميـع عيالهـا
انتم هل الوقفه وأهل فعلن مثل وبل المخيـل=لا ثارت الهيجاء وبايـن للرجـال رجالهـا
تشهد لكم ماض الليالـي بالحقايـق والدليـل=وتشهد جميع الناس في شرق الدول وشمالها
شهادة لركان ابن حثليـن كسـاب الجميـل=اسطورة التاريخ شيـخ الطايلـه وأبطالهـا
وشهادة لربعه هل الوقفات والسـاس النبيـل=وأهل المكـارم فالمواقـف ماتبـت حبالهـا
قلته وانا ربعي ذوي زراق مزبـان الدخيـل=العزوة الي في سنام المجـد محـدن طالهـا
من روس قومن فالمواقف لاتكـل ولاتميـل=قومـن تطابـق فالليالـي فعلهـا وأقوالهـا
عتيبه الهيلا هل الوقفـات والفعـل المهيـل=الشجرة الي في شداد العـز ظـل ظلالهـا

مع تحيات...ابراهيم خلف الزراقي العتيبي

[مانع الوعيلي]

لاهنت ياناصر ال مهذل على النقل وصح الله لسانك ولسان العتيبي ويعطيك العافيه
اخوك
مانع الوعيلي

[الغروب]

ناصر ال مهذل

كل الشكر وصح لسانك ويستاهلون يام

كل التقدير

[ابونايف الوعيلي]

لاهنت اخووي ناصر


وصح لســان الشاعر ابراهيم خلف العتيبي






ابونايف الوعيلي

[عبدالله آل عامر]

صح لسانه وبيض الله وجهه ولا عليهم زود عتيبة الهيلا

لاهنت يا ناصر على النقل

[سعود الخويطري]

صح لسانه وبيض الله وجه ابراهيم الرازقي


ولا عليهم زود عتيبة الهيلا


ولاهنت يا ناصر على النقل

[بندر العجمي]

ناصر ال مهذل

كل الشكر وصح لسانك ويستاهلون يام

كل التقدير

[محمدالعتيبي]

صح لسانه ويستاهلون يام

[مسعطر]

انتم هل الوقفه وأهل فعلن مثل وبل المخيـل=لا ثارت الهيجاء وبايـن للرجـال رجالهـا
تشهد لكم ماض الليالـي بالحقايـق والدليـل=وتشهد جميع الناس في شرق الدول وشمالها
شهادة لركان ابن حثليـن كسـاب الجميـل=اسطورة التاريخ شيـخ الطايلـه وأبطالهـا
وشهادة لربعه هل الوقفات والسـاس النبيـل=وأهل المكـارم فالمواقـف ماتبـت حبالهـا
قلته وانا ربعي ذوي زراق مزبـان الدخيـل=العزوة الي في سنام المجـد محـدن طالهـا
من روس قومن فالمواقف لاتكـل ولاتميـل=قومـن تطابـق فالليالـي فعلهـا وأقوالهـا
عتيبه الهيلا هل الوقفـات والفعـل المهيـل=الشجرة الي في شداد العـز ظـل ظلالهـا

الله الله ,,

صح لسان العتيبي و ما عليه زود ,,

و نعم به و بربعه و يستاااهلون ,,



ولاهنت يا ناصر آل مهذل على الإهداء ,,


تقبل مروري ,,
أستودعك الله ,,

[عويضه الوقدان]

ناصر ال مهذل


لاهنت يالذيب


صح لسان الشاعر ابراهيم خلف العتيبي


ونعم فيه وفي ربعه العتبان يستاهلون



تقبل تحيتي ومروري