الشيب ... فلاح بن راكان ال حثلين

[مسفر مبارك]

الشيب يا خالـد بـداء قبـل حلـه=
فنكـان ذا كبـر فلانـي بجـزاع =
مدري يلاه امفـارق الخـل خلـه=
والا البنادق يوم ناتي لهـا انصـاع =
يا ما نطحنا مـن جمـوع مضلـه=
وياما عشقنا من حسينـات الاقنـاع=
ويامـا خذيـنـا دق ذود وجـلـه=
معاد ينفـع فيـه صايـح وفـزاع =
تشعـاة قـوم صابحـت مدهـلـه=
مثل السباع اللي مضاريـم وجيـاع=
ولحقو هل الابل مـا نوونـا بذلـه=
على ظهور مجاذيت كل مصـراع =
وقداها ورانا واحتما الهـوش كلـه=
ثم اعترض بالسوق شاري وبيـاع=
وردو بنـى عمـي بخيـل وسلـه=
ترجف حوافرها ويرجف بها القاع=
اليا اقبلـت كنهـا القنـوف المهلـه=
ولا زعزعو مرزوق ياتنك اريـاع =
راحو هل الابل خلـوا المـال كلـه=
من ضرب قوم لا احما الهوش بتاع=
ترمي الجنايز مثل رمـي الاجلـه=
يشبع بها ذيب الدويـه اليـا جـاع=
اقفـا كبيـر القـوم كونـه يشلـه=
امـا قـدم ولا صويـب ومرتـاع =
من ضـرب قـوم للمكاتـل امدلـه=
عجمان اليامنه وقف عابر الصـاع=
نواسـة الحربـي الياشـان دلــه=
لينه يجي عقب الصعا طير مطواع=
خصيمنا جمعـه غـدا فيـه خلـه=
لاهـوب للجـه ولا هـوب للقـاع =
اقفـا وعطبـات الضرائـب تملـه=
خلي السواد وهمـل الـذود رتـاع =
ومن الفشـل مالـه عظـام تشلـه=
نعطيه من مر العنـا بـاع وذراع =
حرب مشينابـه علـى كـل ملـه=
بفرنجي ضربه يجي لـه تنيـزاع =
وسيوف الهنـادي جالهنـه اضلـه=
يكشف سناها كنـه البـرق لمـاع =
وان بكر الوسمي بحسبـت الاهلـه=
نزعى الخطر غصب على كل طماع=
حريبنـا يقفـى وكـبـده مغـلـه=
اليا ذكرنا في حلـى النـوم يرتـاع=
واليـا عقـد عقـدا لـزوم نحلـه=
وليا ذرع ذرعـا جزينـاه بالبـاع =
وان صاح صياح علـى راس تلـه=
جينا على قب سريعـات الافـراع =
وان جا نهـار فيـه شلـه وخلـه=
يوم على العـدوان جالـه تمريـاع=
والطير الابـرق مـا ينجيـه ذلـه=
لاجاه حراٍ لا برق الريـش شـلاع =
ونستاهل الفنحـال لامـال ضلـه=
في دلة يعبى لهـا خمسـة انـواع =
في مجلس رعى الشرف مـا يملـه=
وسوالف يطرب لهـا كـل سمـاع=
ونـار تواقـد مـا حطبهـا بجلـه=
ونجر يصوت كنه الذيـب لاجـاع =
وهاذي طرأة الروح من قبـل حلـه=
ولأجل مالـه غيـر مـولاه دفـاع =
مع لابه تسقى العـداء كـاس علـه=
لباسـة الجـوخ المشكـل ولا دراع =
وان عاش راسي والسعد مقبـل لـه=
اني لافضوبهم على كـل لاسنـاع=
اعزهـم وادمـج لهـم كـل زلـه=
عزي وزرعي لا حصد كـل زراع=
وكـل علـى فعلـه للسانـه يدلـه=
وقول بلا فعلا مثل ضايـع ضـاع=
وصـلاة ربـي عـد وبـل بهلـه=
علـى نبـي للمخالـيـق شـفـاع =

[الملكة]

الله يرحم ..راكان بن حثلين..يمكن يعجز الزمن يجيب مثله..
شكــــــــــــــــــــــــــــــــراً..مسفر.. والله يعطيك الف عافيه...
وكل على فعله لسانه يدله --- وقول بلا فعلا مثل ضايع ضاع

[مسفر مبارك]

صدقتي أختي الملكه
والله لايهينك على المرور

[نشميه من حايل]

لاهنت أخوي أبومبارك
راكان رجل عجزت النساء أن تلد نفسه

[كعام الضد]

:3rbe30: °ˆ[size=4]~*¤®§(*§*)§®¤*~ˆ° لاهنت طال عمرك على ذا القصيده الرائعه

وعلى ما اظن ان قايلها هو فلاح بن راكان بن حثلين°ˆ~*¤®§(*§*)§®¤*~ˆ°[/size]

[سعود الخويطري]

ارحب يابومبارك



صح الله لسانك وسلمت وسلمت يمناك



والقصيده بالفعل هي قصيدة : فلاح بن راكان بن حثلين - وهي تعتبر من نوادر الشعر



وتقبل سلامي واشواقي

[عـسـاه خـيـر]

رحمه الله ولاهنت يا مبارك على هذا النقل الرائع

[مسفر مبارك]

الله يعطيكم العافيه جميعا على المرور والله لايهينكم....

[مبارك الجوفان]

الله يرحم الشيخ راكان بن حثلين
مشكور اخوي على القصيده

[مسفر مبارك]

أشكرك على المرور أخوي مبارك