عامر ابن نوطان في الشيخ فيصل ابن شريم

[مسعطر]

الشاعر عامر ابن حمد ابن نوطان في الشيخ فيصل ابن شريم :

اليوم بلعب و المثل تو ما زان=و السد جاني ما كشف خافياته
يا الله يا اللي كل يوم ولك شان=علام ما بالكون من كايناته
إنك تمهل في ليالي كحيلان=يا اللي لك المخلوق يحسن صلاته
ابن شريم اللي له المجد عنوان=عون الضعيف اللي تهل أعبراته
يزبن بوجهه كان وجه الدهر شان=عنده ليالي العسر كنها غناته
مشهور في كسب الجمايل و الإحسان=و عن كل عيب مثبتين براته
يا اللي تعرفون المثايل و الألحان=غنوا بفيصل و أشهروا طيباته
عز الله إني بمدحه سر و إعلان=النادر اللي ما تعد إحسناته
ما هوب في ماله شحيح و منان=جزل عطاه و عارف موجباته
ما كل شيخان القبايل بشيخان=الشيخ فيصل طول الله حياته
ما أذم خلق الله ولا أقول رديان=لا شك فيصل من يسوي سواته
كل يمد يديه و الجو ميدان=و من قدم الجودات يظهر أصياته
شيخ على خيه عمام و جدان=و كل الصفات الطيبة من صفاته
ما هوب خاطي واحد تو ما بان=يبغي يشيخ و شيخته وين جاته
إذا تردى الساس ما شال بنيان=و مبنى بلا ساس قليل ثباته
و مدحك بمن يستاهل المدح برهان=و مدح الردي ما ترتفع شايعاته

[سعود الخويطري]

ما هوب في ماله شحيـح و منـان = جـزل عطـاه و عـارف موجباتـه
ما كل شيخـان القبايـل بشيخـان = الشيـخ فيصـل طـول الله حياتـه
ما أذم خلـق الله ولا أقـول رديـان = لا شك فيصل مـن يسـوي سواتـه


الله الله



عز الله انه شاعر علم وجزل



وسلمت يمناك يامسعطر




وتقبل سلامي واشواقي

[مسعطر]

أشكرك أخي سعود الخويطـــري
و يسعدني مرورك الدال على
ناجح مواضيعي

[اميرة الرووح]

اخوي مسعطررر صح لسااااااااااااااااان الشاعر
لاهنت على نقلهااااااااااااااااا تقبل مروري

[بندر العجمي]

صح السانك



ولاهنت على الجزاله


ودام حضورك


اخوووووووووووكـ

[مسعطر]

حياش الله أختي أميرة الروح
و أشكرك على المرور.

[مسعطر]

حياك الله أخي بندر ابن خضير
و أشكرك على المرور.

[عـسـاه خـيـر]

لاهنت اخوي مسعطر على هذا النقل الطيب وصح السان شاعرها ,,

[مسعطر]

لا هان من قال و أشكرك على المرور
أخي عساه خير

[علي آل زايد المري]

لاهنت يالجــــابري وبيض الله وجهك,,


ويستــــاهل أبو محمد ,,,


والله ونعم بك والجـــابر وهاذي ماهي غريبه عليكم,,يالسعيد

وبيض الله وجهك يامسعطر
وتقبلوا مروري