قصيده محزنه وارجوا منالجميع الدخول والتعليق

[الصقران]

هذه قصة بنت كانت تطالع واحد بعين قويه ولا تلف عنه لا يمين ولا شمال .
المهم الرجال طلع شاعر وما قصر فيها عطاها كم بيت عشان تتأدب .
لكن المفاجأه هي ؟؟؟؟



تدرون وش صار؟؟




وش صار ؟؟





ما راح أقول لكم .
لكن تلقون اللي صار في آخر أبيات القصيدة !!! يقول الشاعر :


كل شبـــــر بها الوسيعـه ملـك ربـي تعلمــيـن
وأعلم إن اللي خلقني هـــــو خلق لك هالعيون

لكن انتي من جلســــتي وانتـي فينـي تحدقــيـن
كن ما به نـــاس غيري بهالكراسـي يجلســون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـــــــــون

عـــ الأقل ليا نظرتك سـوي روحـك تستحيـــــن
غضي طرفك مثل غيرك خوف ربعي يلمحــون

الـــركادة عاد زينة والحياء فـي البنـت زيـــــن
وفيـك جـــآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! مــا أذكـر إنــا ملتقـيـن
لا أعرفك من تكوني و لا تعرفـــي مـن أكــــون

وإطمأني إن كان قصـــدك بس فينـي تشبهيــــن
ما هـو أنـا اللي تعرفيـه والبشـر يتشـــــابهـون

مـا دريتـي مــــن التشابـه يخلـق الله أربعيـن
وأعرف أربع يشبهنــــــك بـس والله يستحـــون

وإن كان قصدك شي ثاني عاد قولي وش تبــين
خايف إنا نصير فرجة واللي ماشتروا يتفرجون

وإذا ببالك عاجبتنـي لا يحـــــوشـك !!! تحلميـن
صــح ربعي من جمالك فيـك صـار يمـــدحـون

بــس وش لي في حلاتك دام فيهـا ترخصيــــن
حشمة البنـت وحياهـا والكــــرامـة يلفتــون

ولو توفـر فيك هـذا مـع حلاتـك تبشريـــن
ما هــــو أنا ألـــف غيري بـاب بيتـك يطرقون

وش علامك ؟؟؟ رغم كل اللي أقولـه وتسكتيــن
مو طبيــعي هالسكوت وهالبـرود وهالسكـــون

إنتـي خرسـا أسألـك ؟؟؟ ولا مانتي تسمعيـن ؟؟؟
قالوا ربعي ((ذي كفيفـة)) قلت لا لا تمزحـون

لين شفتـــــك يوم رحتـي يمسكونـك باليديـن
ما دريـــت إلا عيونـي أربـع أربـع يذرفـــون

آه يانــي منه مشهـد يـوم شفتـك ترحليـــن
جيت اشوف عيون ربعي لقيت الكل يدمعووون

يالكفيفـــة يالعفيفـة إن قلـت آسـف تقبليـن ؟؟؟
يغفر الله ذنوب عبده ليا خطا وهـل تغفـرون؟؟؟

ما رأيك بمثل هذا الموقف ؟؟؟

موقف يهز القلوب ، ويحرك العيون لتخرج ذرافة للدموع ..


سؤالي للجميع و باختصار شديد :

ما هو (تعليقك / تعليقكِ) على هذا الموقف ؟؟؟
منقول ,, لـ روعته

[shmoo5_ al_ajmy]

من جد موثر وصعب الظن السيئ

تسلم علي القصيده المواثره

[المرزووقي]

وـألله قصيدهـ رـأئعه بالقـأفيهـ ،، والموووقف والله مررهـ يحزز بالخـأطررُ ،، عشـأن كذأ الوـأحد ـلآزم يصفيُ ـألنيهـ

ومشكووور والله يعطيك العــأفيهـ ،، تقبل مرووري ـأبووو تركيُ البقمي

[فالك طيب]

صقران

لاهنت علي القصيده المؤثره

وحياء مطلوب من مرآئه وبنت وفتاة

الان حياء البنت هو جوهرها

وأحسان النيه مطلوب

شكرا لك وعلي اختيارك الطيب

وفالك طيب

[النـوف]

ان بعض الظن إثم
موقف يعور القلب
والمفروض الواحد مايتسرع
بالحكم على الناس
اياً كانت تصرفاتهم



صقــران
لا هنت ع القصيدة والموقف
يعطيك الف عافيه ع الطرح

دمت بسمو