|
( من شيم العرب ) موقف العجمي مع الشمريه
تمضي الايام وتبقى المواقف والاحداث شاهدة على نبل صاحبها أو سوءهـ وتتأكد هذه المواقف ويخلدها التاريخ اذا كان معها قصيدة تحكي روعة المواقف او فضاعته فالشاعر المنكوب أو المسدى له المعروف لن يستطيع احد ان يكتم مشاعره الفياضه في رواية قصته وسردها عبر حروف يختلط معها دموع الفرح أو دماء الحزن
ابن الرس الاستاذ علي بن حسين العواجي العجمي سجل موقفا رائعا مع فتاة حارت بنفسها مع مصيبة افسدت عليها ايامها وليا ليها وجعلت ايامها سوداء مظلمة وحارت بنفسها بمصيبة جعلت من حولها يقف موقف المتفرج اما لعجز او لأنانية في نفسه
هذه الفتاة لجأت الى الله ثم لأبن الرس الاستاذ علي بن حسين العواجي وطلبت منه المساعة وقالت هذه القصيدة
صاح القصيد وقال ياعلي وين أنـت
وين أنـت ياكسـاب كـل الجمايـل
وين أنت ياللـي للصعيبـات لابنـت
دنـت صعيبـات العقـود الحلايـل
ياابن العواجي ماسواك أنت لاهنـت
إلا أنت ياللـي طايـل ٍ كـل طايـل
عليك سقت الشعر يمك وأنـا بنـت
من دون كل الخلق يـأبـو الفعايـل
آمنت لـن الحـرف لاجـاك آمنـت
أنـك حشـا لله مـا تـرد سـايـل
للشمريه ياعلـي أنـت لـه صنـت
تفزع بشيمه وانـت كلـك فضايـل
ياعلي كان الفرح لي يوم أنـا كنـت
في ظـل عـود ٍ ماتجيـه الخمايـل
ياعلي شان الوقت فينـي ولاشنـت
ولايشيـن الوقـت بنـت الأصايـل
واليوم صحت بعالي الصوت وين أنت
وين أنـت يافكـاك عسـر الحبايـل
الشاعره / شموخ المعنقيه
ابن الرس لم يتوانى عن مساعدة هذه الفتاة فمباشرة لبى طلبها
ودفع من حر ماله عشرات الآف من الريالات وفرج عنها كربتها وانهى مأساتها
فما كان من تلك الالشاعرة الا ان هاضت قريحتها بكلمات عبرت عما نفسها لصاحب اليد البيضاء فقالت
سـلام يافكـاك كـل الصعـايـب
يالنادر اللي ماحدن جـا يحاليـك
عليك سقـت النـادرات الغرايـب
والشعر لو حبره بحـر مايكفيـك
لو قلت أنت أنسان مابه عجايـب
لنك ملك رحمه على قلب ناخيـك
شباب لكن بالفكـر فكـر شايـب
والله يعين اللي نوى انه يعاديـك
لو يجمع لضدك أغـراب وقرايـب
ماحرك براسك ولو شعـرة ٍ فيـك
سبع ٍ وصيدك صيد من كل طايـب
وتترك هزال الصيد للـي حواليـك
ضرغام لاكبرت عليـك النشايـب
ماكنها ألا تقـل مسبـاح بيديـك
كريم مـد وكـم تسـد الطلايـب
ولاضنتي يبلش من الناس ناصيك
ياغيث هتـان ٍ عـلا بالسحايـب
عالي ولا احدن طال عالي معاليك
ياحاتم الطائـي بوقـت اللاهايـب
يالله عسى رب المخاليـق ياقيـك
يافزعة المضيوم لا صاح عايـب
وين انت ياللي رب الأكوان معليك
وين انت يالشغموم يابو الكسايب
وين انت ياللي لااظلم الصبح ناتيك
وين انت يامرجع جميع الذهايـب
وين انت ياللي وحدك الله صافيـك
عن كل خلق الله غُـرب وقرايـب
يالسامي الي سامي ٍ من تساميـك
ياشوق من فلة أن جيت الذوايـب
لاتحسب حساب الذي جاء يماريك
كانه نهر فأنت البحـر والغبايـب
ل/نك فعايل كل طيـب بحسانيـك
يالموج ياللي لازمى الموج طايـب
قل للنهر ماهـوب والله حواليـك
أنت العريب أبن الرجال العرايـب
والأصل ياخذ أصل من طيب جديك
كم من ضعيف ٍ ضيقته المصايـب
وزم الفرح بيديه من مـدة ايديـك
ياعلي غاب اللي بنا ماهو بغايـب
وانت العوض ياعلي ربي يخليـك
الشاعره شموخ المعنقيه الشمريه
احد الشعراء وبحكم تذوقه للشعر ومعرفته لجده وهزله قال هذه القصيدة الذي اثنى على هذا الموقف الجميل فقال هذه القصيده ثناء على الشيخ على ابن حسين العواجى وتفاعل مع موقفه مع الشاعره شموخ المعنقيه
بيض الله وجه من زبـن شمـوخ المعنقيـه
راعى الفزعات والوقفـات كسّـاب الجمايـل
وجب الى حايره ما بين شمـس وبيـن فيـه
شاعرة قطرالشمال وبنـت ماضيـن الفعايـل
ماعتـذر يـوم نختـه جعلـه تعـداه المنيـه
للرخـوم الـى عوايدهـم يفيـدون الفشايـل
يوم قالت ياعلى حالـى مـن الدنيـاء شقيـه
والزمان يضدنـى بالظلـم والحمـل متمايـل
قام واجهـد بالمقـام وفـك حبـل الشمريـه
واستراحت وارجهنت وافلحت عقـب الغلايـل
مايشيل الحمل غير الـى بعيـد عـن الرديـه
والعواجى يرتكـى للحمـل ويشيـل الثقايـل
والخطاء يرضابه المخطى على النفس البريـه
والعدالـه راجـح ميزانهـا يـوم الهـوايـل
يركض المفتون فى دنياءالورىمع درب غيـه
في مرابيع النفوس الباغيـه صايـل وجايـل
من حضى بالطيب فابن حسين ماخطا بالحضيه
والمواقف ثابته بشهـود هـا والهـا دلايـل
فزعت العجمى نهار الضيق ماهيـب انكريـه
تشهـد الهيـلاء وشمركلهـا وأولاد وايــل
وقحطان وحرب والغلبـاء حمـات الدوبليـه
والطفير ويشهدون مطيـر مرويـن السلايـل
والخوالد يشهـدون وكلمـة الحـق محميـه
من دخل بحماية العجمان عنه الخـوف زايـل
ياعربيـن المناسـب يارجاجـيـل الحمـيـه
ياهل الشيمات والنخـوات ياعيـال الحمايـل
فالشمال وفالجنـوب وفيـك يانجـد العذيـه
ياهل شرق المملكه واهل الحجازاهل الفضايـل
عـدوا الفنجـال للـى يستحـق الشـاذ ليـه
وارفعوله رايـة التمجيـد مـع كـل القبايـل
الشاعر : سعدون بن فهد بن عقاب الهرس العتيبى
ملاحضه للامانه منقول من منتدي قبيلة عتيبه للعضو ( النير)
التعديل الأخير تم بواسطة : عـســاف بتاريخ 23-04-2010 الساعة 03:29 PM.
|
23-04-2010, 03:24 PM
العرض العادي
المواضيع المتشابهه
