رائعة من روائع نجل شاعر يام ابن بلال

[عاشق العليا]

رائعة من روائع الشاعر سلطان بن علي بن بلال نجل شاعر يام اتمنى أن تنال إعجابكم وتحوز على رضاكم :-


جادلٍ مرّت على قلبي على طــــول وعشقــــها
كــــــــن قلبي له سنين طوال كنه يحتريها
يوم شفت الورده اللي يشرب الساقي ورقـــها
قلت:بسم الله على قلبي وماشاء الله عليها
كنّهايوم استدارت والهوى الغربي صفقــــــها
ذعذعت نفحــــاتها والغيم حوّل يرتـــــويـها
والقصايد كن هدبها قال ياسلطان - سقــــــها
والشفايا كن همستها تقول - ايش قلت فيها
قلت فيها رحت فيها جل شان اللي خلقـــها
سرمدية زين وان وصفّت من وين ابتديها
ان تباهوا بالحلا عذرىً مخلاتٍ طرقــــــها
ليت وانها تنشرا وابيع عمــــري واشتريها
ماعرفت السر بين الليل والشمس وشفقها
لـين غطتها الجدايل والشـــفق بين اشفتيها
عطرها يوم اقبلت هي تسبقه والاّ سبقها
المهم الحين مدري وش يســــــوي اللي يبيها
وقّف المذهول قدم رجــل والاخــــــرى فهقـــها
قال من له حيلةٍ يحتــــالها - بامشي واجيها
جيت سلّمت اسكتت قلت: اثرني عشقت صقها
قالت:وش تقول قلت:اقـــول ردّي وافهميها
قالت:افهم ويش قلــت:العين يالبـــا روقـــها
الله مخيرك بين امرين واختــــاري حديها
ياتعالي عالجي كبـــدٍ ســــهم عينك فتــقـــها
اوتردين السلام ونظرة الشوق ارحميها
قالت: أهلاً قلت: كيف الحال ويديني عرقــها
والله ان ماقومه الشوق لمصافح ايديها
واضحكت لي والخجل والكبر والشوق يخنقها
إلاّوالله الدلال الله يجـــــــــازي والـــديها
دلّلوها لين صار ادنات ماســـــبّب زهقـــها
وماتبوح بسرها إلا لأمها والا لأبيها
قلت: كن في خاطرك حاجة لسانك مانطقها
قالت: انت احرجتي ما امدى عيوني تهتنيها
علّمتني كيف الوم الحظ يوم الله محقها
يوم راحت - وانا مدري وش يقربني اليها
قلت : خلك قال: تلتقي الدروب بمفترقها
والفرص ماتنتعوّض ياقصايد علّميها
انها لا من صـــــــدري كنّها والا شهقها
آعوي لي عويةٍ ماحدٍ سوى الذيب يعويها
وانها مرّت على قلبي على طول وعشقها
ومن هذاك اليوم وانا كل يومٍ احتريها

[@زايد بن ألغز@]

لاهنت ياعاشق العليا على النقل للقصيده الرايعه

وصح لسانك ولسان سلطان بن علي بن بلال ولا نستغرب الجزاله في القصيده فهذا الشبل من ذاك الأسد شاعر(يام)ماأجمل هذا اللقب وقد أخذه من يستحقه

@زايد الغزي@

[عبدالله آل عامر]

صح لسانك ولسان الشاعر سلطان ويكفيه إن إبيه شاعر يــام

لاهنت يا عاشق العليا على النقل الطيب

[فهد بن محسن]

دلّلوها لين صار ادنات ماســـــبّب زهقـــها
@@@@@@@@@@@@@وماتبوح بسرها إلا لأمها والا لأبيها


الله الله

صح لسانك يابو علي ولاهنت على هذه الرائعه

جزله من شاعر جزل

صح لسانك ملايييييييييين

ولا هنت ياعاشق العليا على النقل الرائع


تحياتي للجميع

[ஐالــكــايــدஐ]

الله مخيرك بين امرين واختــــاري حديها
ياتعالي عالجي كبـــدٍ ســــهم عينك فتــقـــها
اوتردين السلام ونظرة الشوق ارحميها


صح لسان الشاعر سلطان
القصيده رائعه ولهي بغريبه عليـــــــــــه
ولا هنت يا عاشق العليا على المشاركه الرائعه..........

[عاشق العليا]

زايدابن الغز،عبدالله آل عامر ،فهد بن محسن ، يامي والدرب سامي ارررررررررررحبوا ولاهنتوا جميعاً على المرور

[alwafi]

لاهنت عاشق الغلبا على نقل هذه القصيده الرئعه ولاهي غريبه على سطان بن بلال

[عاشق العليا]

ولا انت يالوافي ومشكور على المرور

[عايض ال مطلق]

لاهنت يا عاشق العلياء على النقل الموفق

وصح لسان الشاعر سلطان

فعلا على قولة المثل: ابن الوز عوام

والشاعر ابن بلال جزل وخبير بدروس الشعر وفنونه

وهذا ماننتظره من نجله

وننتظر منه أن يمشي على نهج والده في الأبداع الشعري الجزل

تحياتي

[عاشق العليا]

الأخ عايض آل مطلق لاهنت على المرور

وقال الشاعر:
لاني بعوام ولاني ولد وزه
حرٍ على حرٍ من مرقبٍ عالي