أخواني أخواتي هذه مصافحتي الأولى اتمنى ان تحوز على رضاكم وهي من جديدي
بعنوان (شاطي أبحر)
أتمشى في وسـط جـده وأعايـن فـي بحرهـا=وأتقهوى في جنوب أبحر وشاطيهـا الشمالـي
بس أنا قلبي يدوج فـي وسـط نجـد وزهرهـا=من سبـب فدعـا تتـل القلـب تـلات الحبالـي
بنت شيـخ زلـة الأدنيـن لـي جاتـه طمرهـا=ون تحققهـا مـن العـدوان طبعـه مايمـالـي
وجدها من صوب أبيها كم وكـم قـوم كسرهـا=وجدهـا الثانـي يوقـف دون خلفـات متالـي
وربعها اللي تكـرم الضيفـان واتثنـي ذمرهـا=من سمـان الضـان ولامـن مفاريـد الجمالـي
شيب عيني لي تهادت وأقبلت وأرخـت نظرهـا=كن وقع اسهومها في خافقـي ضـرب السلالـي
ولي أقبلت كن القمر والشمس تشرق من نحرهـا=فتنة تسلب اعقـول الخلـق وأتجيـب الهبالـي
ولي أدبرت تكسف خيوط الشمس من سبة شعرها=وكـل ماقـام ايتثـنـى عـودهـا ياهمـلالـي
وياوجـودي كـل ماتقفـي وتعطينـي ظهرهـا=وجد عـود طايـح مالـه اخـوان ولا عوالـي
أعطبـوه ابنـدق كـزوه باللـي فـي سحرهـا=وأغدروبـه طالبيـن الثـار وأقفـوا بالحلالـي
عيـدت بـي قبـل ماياتينـي القلـب ابخبرهـا=ويش جالي يومني صدقت نفسي ويـش جالـي
حظ منهـو ماخـذ رشفـة غـرام مـن ثغرهـا=جمرتين فـوق حبـات البـرد وتـذوب حالـي
والبنـات اللـي بجـده بـدوهـا ولاحضـرهـا=فـدوة لعيونـش الثنتيـن ياسـيـد الجمـالـي
والعهد مادوج في جده ولا أشرب مـن بحرهـا=دام أمينك يالجنوبـي لامسـت كـف الشمالـي