منســـاك دام الروح يجــري نسمــها ...!!!

[الرحال2006]

سلام الله عليكم

اشغلتنا الدنيا ومشاكلها الله يكافينا وياكم شرها

هذي جديده حبيت اطرحها لكم والعذر والسموحه

من القصور بها

اقووول

القــلب عنّا الفكـــر والفكـــر واني
حتى لذيذ النوم عيني حرمها

امسي وانا في شان واصبح بشاني
وليا غفت عيني فهمّي زهمها

يتواردن صادر ووارد دنـــــــــاني
ما كنّ حد في الكون غيري وزمها

اضجك مع العــالم وهمّي بلانـــي
صابر واقول الصبر يكشــف غممها

ما بي يقول فلان شف يا فــلانـي
يتباشرون بما يرونـــه رخـــمهــا

رغم انه اخر همّ قول الهــدانــي
ما همّني حتى ولو هــو فهــمهــا

شامخ براسي فوق عالي مكـاني
واغنم مع اللي للمراجل غنـــمهـــا

وانا احمد الله ما تعثّــــر لســاني
ما اقول كلمه واجنــي بها ندمهـا

الحر ما ينـزل بقــــاع الطمــاني
ما هو يحطّ الا بعـــالي قـــمـمهــا

امّا انت يا ماضي وحاضر زماني
محبّتــك في قلبي ربّك قســــــمها

لو شانت ايامي وبعـــدك طــواني
وظروفك تحـــدّك ونفسي رغمــها

اقسم بعــلاّم الخفا والبيــــــاني
منسـاك دام الروح يجـــري نسمها

هويت قلبــك وانت قلبك هــواني
من بين كل الناس ربــــّي ولمــها

الله عطــاك من الــغلا ما عطاني
يا طــبّ نفسي كل ما جــا سقمـها

ما غبت عن بـالي ولو هي ثواني
ذكراك في عقلي وقلبـــي وشمــها

يا ريف في ماضي وحاضر زماني
منســـاك دام الروح يجري نســمها

،،، للـ : الرحــال ،،،

[نطاحت الجيش]

السلام عليكم ورحمة الله وبركاته
اخي الفاضل \رحال صح السانك وقصيده جزله وتقبل مروري

[الشيخه]

صح الله اللسانك وزان حالك عليها

بانتظارك جديدك القادم

تحياتى لك

[خلاوي الشمالي]

اضجك مع العــالم وهمّي بلانـــي
صابر واقول الصبر يكشــف غممها



صح لسانك ع الجزله والله يوفقك

لاهنت

[شيخة الغلا]

صح لسانك يالرحاال

لاهنت ع القصيده الجزله

أتيت واتى الإبداااع


لاتحرمنا وجودك و إبدااااعك


دمت

[الرحال2006]

نطاحت الجيش
شكرا ع ذا المرور الطيب وصحت ابدانش

[الرحال2006]

الشيخه صحت ابدانش
لا عدمت مرورش بمتصفحي بيض الله وجهش
وابشري

[الرحال2006]

الشمالي

صحت ابدانك يا غالي ،،،،، الجزل حضورك هنا

ويوفقك اخوي

[الرحال2006]

شيخة الغلا

صحت ابدانش ،،،،، وانتي ما تهونين

شرفني تواجدش هنا والابداع مرورش

ابشري

[&آهــــات الحــــزن&]

امّا انت يا ماضي وحاضر زماني
محبّتــك في قلبي ربّك قســــــمها

لو شانت ايامي وبعـــدك طــواني
وظروفك تحـــدّك ونفسي رغمــها

اقسم بعــلاّم الخفا والبيــــــاني
منسـاك دام الروح يجـــري نسمها

هويت قلبــك وانت قلبك هــواني
من بين كل الناس ربــــّي ولمــها

صــــــــــح لســـــــــــانك اخوي الـــــرحال

لاعــــدمناا جديدك