السلام عليكم ورحمة الله وبركاته
هذي أول قصيده أنزلها في مجالس العجمان وأتمنى إن تحوز على رضاكم
وأنا جد أسف على إنقطاعي الطويل عن شبكه المجالس وأتمنى أن أكون
عند حسن ضنكم في الأيام القادمه إن شاء الله.
تقبلوا تحياتي
وإليكم القصيده.
من ديار الموت لي ديره خزاعه=سقت رجلي في طريق المقطعه
من مسيحي صرف لي من قينقاعه=وإللي مايفهم كلامي إمعه!!
لايغرك كبر كونك وإتساعه=وإترك الشيطان منك وإردعه
وإفهم المضمون وأنصت لإستماعه=رفقت الطيب تجيك بمنفعه
لانصيته أبشر بفزعه جماعه=يفرح بنفعت خويه يرفعه
ورفقت الخايب تجي مثل البضاعه=يسلب الناظر بريقه يخدعه
لافتشته بان لك مظهر خداعه=إقطع الدابر من أوله إقطعه
لايبارك فيه وقت وفيه ساعه=ولايبارك فيه رجل(ن) يتبعه
وإللي ماياخذ كلامي بإقتناعه=ماني ملزوم(ن) أفسر وأقنعه
وإحذر الرجال لا غير طباعه=وإترك الكذاب منك وإقلعه
الحروف إكثار والكلمه مباعه=بس وين إللي يجيب المبدعه
خاولك رجل(ن) أديب وفيه طاعه=خاولك حر(ن) كريم(ن) منبعه
لاطلبت الشور زادك من متاعه=حكمه وكلمه رزينه بصومعه
في ظلام الليل يظهر لك شعاعه=مثل نور الشمس بأرض(ن) شاسعه
لاعطيته سر أبشر بالوداعه=وقلبه أبيض مثل صفحه ناصعه
والردي خله غريق(ن) في ضياعه=الفيافي كبار والدنيا سعه
من رماح الموت لي مزبن خزاعه=جبت قافي في دروب المعمعه
من مسيحي صرف لي من قينقاعه=وإللي مايفهم كلامي إمعه!!
بــقــلم: مــحــمــد الـــمـــجــول
05-01-2007, 08:15 PM
العرض العادي
