قال الشاعر وبران ال كليب(سجين بدولة قطر) وابن مطارد

[يامي وراسي حامي]

قال الشاعر وبران ال كليب(سجين بدولة قطر):

ورد عليه الشاعر فاران مطارد ال مطارد قائلاً:
[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
ياليمامه علميني من علامه
الشجاع اللي ربوعه فاقدينه
ياصغيرٍ ما اكتمل باقي فطامه
لايعم الهم قلبك والغبينه
عاد ربك جاليٍ جور الندامه
واحدٍ كل الخلايق عابدينه
بشريه ان القمر يجلى ظلامه
والصبر مفتاح صندوق الخزينه
لايقول النفس يلحقها ملامه
والقدر مكتوب في عالي جبينه
كان ناوي العز يرقى في سلامه
في البحور المظلمه قاد السفينه
لكن الحظ الردي خرب مقامه
خانته الانذال وارقام الكبينه
تحت راية حاكمٍ شيز نظامه
لابسٍ درعه وسيفه في يمينه
حزنت بيروت منه والمنامه
واصبحت نجران من حزنه حزينه
والحباري في الصحاري والنعامه
حرمت ذوق الخضر دامه رهينه
وصلوا مكتوبنا وازكى سلامه
واطلبوا منه العذر يازايرينه
يشتكي فاران من كثر التزامه
يطلب الدنيا جواهرها الثمينه
لو سمح وقته يعاند له دوامه
مايغادر من جوازه مانعينه
ياليمامه لاحني طير الحمامه
لايعم الهم قلبك والغبينه
بنت من هو شد للعليا حزامه
من رجالٍ ترهب الغازي رزينه
والرجوله والبطوله والشهامه
جات ملكه والتصرف في يدينه

[/poet][/QUOTE]

[العجمي العراقي]

الاخ اليامي لاهنت على نقلك لهاتين القصيدتيين

واللة يفك قيد الشاعر ان شاء اللة

[العجمي العراقي]

الاخ اليامي لا هنت على ذكر القصيدتين

ونسال اللة يفك قيد كل مسجون

[زبن المجنا]

صح الله لسانك يا وبران والله يفك أسرك انه سميع ً مجيب ..!!

صدقت يا فاران وصح الله لسانك يالقرم

ولا هنت يا يامي ورأسي حامي
وبيض الله وجهك

[فهد بن محسن]

لاهنت ياليامي


والله يفك اسر وبران ال كليب

تحياتي لك

[القطامي]

لا هنت يا وجه ياااااااااااام وصح لسان وبران وفك اسره وفرج همه وصح لسان ال مطارد
وانا عندي له قصيده في ابن سحمان بازودكم بها في القريب ان شاء الله

[يامي وراسي حامي]

ومن يقول يابن قطام والقصيده موجوده في المنتدى في قسم الصوتيات