رحلة الدلع و الوناسه على الخطوط الاماراتيه

[سمو الرووح]

لطائرة الامارات

الإقلاع من الرياض 4:30 am

ال


إقلاع من دبي 10:15 Am



وقت الرحلة تقريباً 8 ساعات متواصله حتى الهبوط بمطار هونج كونج الدولي .

لو بجلس امدح الطائرة والدرجة الآولى فيها يمكن ماخلّص الا يوم الاثنين
بآختصرها بكلمتين دلع : فخامه .. والصور قد تغني عن الكثير .

صورة للطائرة قبل الركوب



صورة من الخرطوم



طبعاً فيه مضيفه بالباب واقفه يوم قربت منها قالت اسمي

قلت إي نعم أنا ،

قالت تفضل معي .. وامشي وراها وانا اهوجس وشلون درت .

وصّلتني للمقعد بتاع حضرتي وكنت ناوي أسوي تغطية مصوّرهـ شنيعة بس من هول الموقف
نسيت وما تذكرت الا عقب ما حست الدنيا بالمقعد

هذي اباجورة وفيه السلة اللي خلفها مليانه بأنواع الشوكولاتات والشبس



وهناء صورة للمقعد بشكل كامل ويتضح بالصورة الشاشة اللي عندي يدي اليسرى
للتحكم بكل شيء كأقفال الباب والنوافذ والكرسي والمساج والتي في وكل حاجه



صورة وأنا جالس من مقعدي




صورة للمقعد من الاعلى وبعدسه 10-20



جت يـمي المضيفة معها ورقه وقلم وقعدت تسأل :

تبي تنام ؟
متى اصحّيك ؟
متى تبي وجبتك ؟ وجبتين طبعا
هل فيه وجبة معينه تفضّلها ؟
تحب تأخذ شاور ، بإمكانك لو حبيت ؟
متى ؟ هل تفضّل قبل الهبوط بساعه او ساعتين ؟
هل لديك اقولك أخرى ؟ اذا رجعوّهـ للحبس


راحت وقمت اخذ جولة ع الدرجة الأولى تقول انت في CLUB بفندق هلتون ولا شيراتون
وهنا صورة لشلال بس مو واضح
الإنارة الصفراء عليها مويه تنزل من فوق لتحت



ومقابل هالشلال سلّم ينزل للطابق الأرضي




رجعت للمقعد عشان الإقلاع ولقيتهم حاطين كوب شاي .



صورة للشاشة يتضح فيها خط السير



وهذي كاميرا أمامية بالطائرة ويتضح طائرة برتش تبي تقلع ثم حنّا بعدها



وداعاً دبي .



بعد الإقلاع بشوي قمت لدورة المياه بصوّرها وقبل ادخل لقيتهم قالبين
الشلال اللي قبل شوي صاير كذا



دخلت دورة المياه اللي تطارد بها الخيول الله يكرمكم وهناء صورة للمغسلة



دورة المياه فيها تلفزيون



وهذي كريمات ماركة حق التدّهن



وهذي صورة عامه ويتضح فيها المروش( مكان الشور )



رجعت ونمت على أساس أنها غفوة لكن ما دريت إلا المضيفة تصحّيني تقول بالله موعد الشاور

قلت معقول اخذ شاور وأنا ما أكلت شيء . راحت وجابت ما لذ وطاب
شوفوا حتى الزبدة كيف تتقدم وين بعض الشركات ما تشوف وتتعلم
شلون يكون منظر الوجبة يفتح النفس قبل لا تاكل ولا يسألوك تبي
فول ولا بيض ولا تغير السؤال من 40 سنة ؟؟؟
يعني إثنين ما يمكن شايفينها كثير عليك!!!



اكلت واخذت شاور والغريب ان الشاور يشتغل 8 دقايق بس وبعدين يطفى حتى لو ما خلصت
وبعدها اعلن الهبوط لتنتهي رحلة الدلع و الوناسه . وكل رحلة وأنتو بخير


::


::


::


منقووول لجمااال الرحلة.