اكتب اسم الشاعر واللي بعدك يكتب قصيدة لهذا الشاعر ~

[نيَـة فراق ..!]

يالبيه

على قلبي زعلت شلون يوم اقول : طيعه ، طاع !=ياقلبي ماهو كل شي اباقوله لك تطيعه
ياليتك قلت : لابالله وفجوج الحياه وساع = وش يحدك على طيشه ، وتطنيشه ، وتلويعه
عطر سيد جنيد الجخ ماله فـ / الكويت اسناع = يجي فأرض المعارض وقت ، ويصفي عل البيعه
مع غير اهله لاهو بـ / لايشرى ولا ينباع = يعتق في خدود الغيد لين يعاد تصنيعه
وانا خلي خذاله من عطر سيد جنيد اطباع = خذا سحره ، وخلاله مبيعاته وتوزيعه
يالبيه وفمان الله في لحظه لقا ووداع = رحمني يوم ما خلاني استاجع بـ / توديعه ..!
اصوت له ، ادور له ، ابي فيه ، اتلفت ، ضاع = فقدته من ثلاث سنين والضيعه هي الضيعه !
فـ / لامني سمعت ايّوه ، انا قلبي عليك التاع ؟ = دريت ان الهوى ضيعاته اكثر من منافيعه

8
8
8

ياحبي لها



تيب عطني محمد بن علوش

[لبيك]

^
^
^
صباح الخير طيب اسلتمي القصيده

يانفـس لا تزعليـن ولا تضيقـيـن=منتي بنفس(ن) من انفوس الصحابـه
لامن لقيتـي ربـع مـا تستحقيـن=من واحـدِ مرجلـة راسـه هبابـه
مثلس يعذره وذى طبـع المساكيـن=فـي كـل ديـره طبايعهـم تشابـه
تحمدي دامس ابخير(ن) لا ذلحيـن=غيرس حداه الزمـان ايليـن جابـه
انتـي تعشيـن فالواحـد وعشريـن=قرنـن عسـى الله يعدينـا مصابـه
دامس خلقتي وعشتي عـام الالفيـن=انسي خـراج السحابـه والسحابـه
خليه لابليـس واعيـال الشياطيـن=أليـن يفتـح لـس الرحمـن بابـه
مهمـا تشوفيـن ماكنـس تشوفيـن=حتـاس تنجيـن مـن جـو الكأبـه
هذا عصر تختلـف فيـه الموازيـن=فيه التقـي ينقلـب ريّـس عصابـه
عصر(ن) هله والله ان ماهم بصاحين=دام اختلافـه وصـل حـد التشابـه
عصر(ن) هل الدين فيه اتهمش الدين=ينـذر بيـوم القيـامـه واقتـرابـه
عصر(ن) ويملك زمام اموره اثنيـن=واللـي بقـا مثـل مذنـة الخرابـه
يامشين الشين لا زيّن وهـو شيـن=ولا قامت النفس تجلب لـه اجلابـه
والله مـاحــن ذلان ورديـيــن=حنـا رجـالٍ لنـا عـز ومهـابـه
وشلون نحمل مسمـا إنّـا مسلميـن=ونسيرنا بأسـم مايحسـب أحسابـه
حنـا المسلميـن واسـلاف النبييـن=اهل الكرم والشجاعـه والصلابـه
الصايميـن المزكـيـن المصلـيـن=ذرىً ينجـي وينجـي مـن لجابـه
وراثـة الديـن واحافـد السلاطيـن=تاريـخ ينبيـك عـن شيبـه شبابـه
انكانهـا بالعـدد حـنـا ملايـيـن=حنـا هـم اللـي لا قالـو يندعابـه
والله مايضحك مـن ادمـوع باكيـن=رجلن يخـاف الله ويخشـى عقابـه
الخشم لالطم اكيـد ابتدمـع العيـن=حتى لو انـه سبـب مابـي ومابـه
اما حيات(ن) نعيش ابهـا عزيزيـن=ولا معاش(ن) واخّيـر ألنـا ذهابـه
العبد له يـوم مـال العبـد يوميـن=كل(ن) ويومه مسجـل فـي كتابـه
وعدٍ من الله ونصر(ن) لو بعد حيـن=مـدام معـنـا ملايكـتـن تهـابـه
متا ومن وين يالامـه علـى ويـن=يامـن لكـم دعـوة الله مستجـابـه

طيب ابي الشاعر ضيدان بن قضعان,,,

[نيَـة فراق ..!]

8
8
8


يا صباح النور

فمان الله يا أول من سكن بين الضلـوع العـوج=عسى دربك سفير و يا عسـى الله مـا يخلينـي
توكل لا توادع رح عسى درب الجفا المسهـوج=يصادف درب فرقى عقبها مـا تلمحـك عينـي
سمحت من الهوى ومن القصيد ومن زراق الموج=ورميت أغلى مجاديف الغـرام وجيـت بيدينـي
أبغرق في عذابك لا رحلت و يصبـح المنتـوج=قصيد في حياتـي سلوتـي و أن مـت يرثينـي
واذا هبن بنات الريـح للذكـرى بـدون سـروج=أبسرج مهرة النسيان و أرحـل مـن عناوينـي
وبنسى لين أسج و برسل الونـات فـوج فـوج=وبنسى دمع عيني ينتثـر و أنسـاك مـن حينـي
صبور ؟ أي و الله اني ما ثنيت العزم قبـل أدوج=بريضان الجفا و أظمـا لوصلـك ليـن تسقينـي
شجاع ؟ اي و الله اني ما عرفت الذل قبل أسوج=قدم رجلـي علـى درب لبيـت أهلـك يودينـي
كريم ؟ اي والله اني ما عرفت الشح قبل تـروج=دموعي في عيوني ثـم أشـح بحسرتـي فينـي
أحبك ؟ حسبي الله ليت مالك في سمـاي بـروج=و لا لك بالبسيطـه كـود شـي بينـك وبينـي
دخيلك لا تلتفت رح بفالك و أتـرك المرجـوج=تغانم ما بقى لـك و لا أنـا مـا عـاد يمدينـي
فمان الله سق ركابك على درب السنيـن العـوج=و لكن طالبـك لا أقفيـت عنـي .. لا تخلينـي

تيب ابي [ رحيَم الغ ـنامي ] ..

[لبيك]

^
^
^
القثامي وين القاه

[نيَـة فراق ..!]

امممم شاعر مرقابي

تيب بـ / اغيره

عطنا لـ [ ناصر القحطاني ]

[لبيك]

طيب هذا ناصر القحطاني ,,,,

جيت يا كثر السوالف والقصايد=الدلال مبهره لعيون غاده
جيت اسمرها واحط لها وسايد=من شجون قتلها للبرد عاده
جيت اغني والغلا كله ودايد=عل ذيك النار ما تصبح رماده
جيت ابي من وصلها جروح جدايد=القديمه ملها الليل وسواده
مثل ما ملت عتيقات القلايد=وجيت البسها من اشعاري قلاده
غيرها ما ابي رخا وقت الشدايد=ولا تبي لحدن بعاشقها شهاده
ان رظت ما اظن يرظي الناس كايد=لو تظايق ظاع مفتاح السعاده
كم لقيت اللي لقيت من النقايد=من نصيب طولت كبوة جواد

محمد القثامي,,,ابي اقراله قصيده منك <<< خابر ذوقك رهيب

[نيَـة فراق ..!]

محمد القثااامي ...؟؟؟!!

انا كاتبه [ رحيّم الغ ـنامي ] ..

وهذي لـ / رحيّم :

يا ساكنه .. بين الضلوع الحدب بعدك .. لا يطاق=لازال .. قلبي من هطول امطار مزنك .. مارتوى
انا .. دخيل الحاجب المدقوق و الرمش .. الدقاق=والمبسم .. اللي يبعث الاعجاب شكل .. و محتوى
و الناظر .. اللي منه للعشّاق ختله .. و انسراق=و العاتق .. اللي لو تهب النود من يمّه .. عـوى
و الصارم .. اللي يفرق اللي ما يبنّ .. الافتـراق=و الوردتين .. اللي سواقيها على عدّ .. الـروى
و الناحل .. اللي حال بين اثنين يجمعهم .. وفاق=في .. كل شي الا الوظيفه و الاسم .. و المستوى
و الاسود .. اللي كنه من الليل منشقّ .. انشقاق=يرسم .. حدود الصبح مع حدّه ليا منه .. ضـوى
كوني .. معي لا تتركيني مع همومي .. في سباق=وأعنّ .. خيلي بين خشم العان و عيون .. الجوى
لو .. يصدق الميعاد في عيد المحبّه .. و الصداق=هو .. والله العيد و محلّ القيد و الدا .. و الـدوى
ماني .. موافق معك في نقض العهد .. و الاتفاق=لو كان .. في بعدك مواثيق وولا .. مالك لـوى
للقرب .. عند اهل الهوى جنّه و للبعد .. احتراق=ولا يجهل .. الاثنين غير المستريح من .. الهوى
لا تقنعيني .. ما على الاحباب احب من .. العناق=ولا .. عليها اكره من اكثار التأنـي .. و النـوى
الشوق .. ياخذنا سوى لاخر حدود .. الاشتيـاق=و هناك .. ينثرنا على حدّه و يجمعنـا .. سـوى
و يرجع .. بنا للنقطه اللي تمّ منها .. الانطـلاق=و هكذا .. لين الله يدبّـر و يفعـل .. مـا نـوى

8
8
8

نقطه من [ بحره ]

تيب عطنا لـ / بندر بن محيّا

[لبيك]

اخرج من القلب وارجع لي بعد بكرة =اليوم ماني فـ حاجة شوفة عيونك
خذ معك نبض الحنين ودمعه وسُكره= وشي ٍ يشابه جنون ٍ يشبه جنونك !
يومين تكفي حزين القلب تفتكره=من بعدها ارجع لو انك ترجع بدونك !
ياللي غيابك عن الغيّاب تحتكره= أنا لو اني نسيتك كني آخونك !
بديت اخافك يامستهتر على فكرة!= غيري محبين من رمشك يخافونك
من يوم حبيتك أكثر عاجز ٍ لا اكره=والكره من (حُب) لاابطى جاب مكنونك!
و النادر اللي يذوق السجن في وكره = حريته معك لو ماهوب مسجونك!
لاتشكر اللي يقدّم للولي شكره=مااخترت احبك..عشان تقول مجنونك!
غب من حناياي وارجع لي بعد بكرة=اليوم ابا اكتب قصيدة حب فـ عيونك !

اسمحيلي ما هوب مني من السهر شبك معي محمد ورحيم كيف مدري

متعب التركي,,,

[نيَـة فراق ..!]

لاتنشغل فيني أنـا بحالـي ادرى=قلبٍ تعلّق فيك ينسى مـع الوقـت
اكثرمن اللي صارلي ويش يجـرى=بين الرجاء والياس فكري تعلّقـت
مثلي ولوشفته عن همومـه ازرى=ماقال ليتك في جروحـه ترافقـت
هاك القصايد لاتضايقـت واقـرى=شف وشكثر فيها لبسماتك اشتقت
أثرالوفا ينبـاع عنـدك ويشـرى=ماكنت اصدق فيك واليوم صدّقـت
يامشتهي فرقا المواليـف حـذرى=تبعد وأنا من سكرة الحب مافقـت
لاطافت الفرصه تحريت الاخـرى=وتروح ماكنـي عليهـا تشوقـت
ساري لو إن الليل مافيـه قمـرى=أشيل من حمل الهوى فوق ماطقت
لاصارحـظ أقشروالايـام قشـرى=مافيه احد عاقل يلومك إلياضقـت
صحيح بعض الناس فرقاه بشـرى=وبعض البشرلاغاب ليله تضايقـت
ليتك خذيت بليل الاحباب مسـرى=غربت من كثر الطواري وشرّقـت
السيل يبقاله على القـاع مجـرى=ويبقالـك التذكارلوكنـت فارقـت
اشوف لك من وين مارحت ذكرى=ولاشفتها صديت عنهـا ودنقـت
ماكل جـرحٍ لاخـذا أيـام يبـرى=بعض الجروح يزيد شره مع الوقت

ابي لـ / [ مطلق بن شويه ] ..

[لبيك]

اقبلت ياوجه الغـلا .. حـيّ iiهالـزّول=زول ٍ تغيب عبـاد ربّـي ليـا iiغـاب
تطلع طلوع سهيل مـن حـول لا حـول=وتشّخص لك عيون .. وتلافت لك أرقاب
ومن يوم جيت الله وكيلك على iiطـول=سلامك عتاب !! وسواليفك عتـاب ii!!
طوّل علي بالك عسـا عمـرك iiيطـول=ماكل موقـف تنشـرح فيـه الاسبـاب
عطني يدينـك وأنثـر الليـل iiمجـدول=خلّه يطير أسراب .. ويعـوّد iiأسـراب
وأضحك وفرّق جمرتينك عـن iiاللـول=بفتح لك سموعي قبل ما افتـح iiالبـاب
خمر الكلام اللي من شفـاك iiمعسـول=أبيه يـدرج فـي عروقـي iiوينسـاب
سوالفك فيهـا مـن السحـر iiمفعـول=تأثيرها علـى الجـوارح iiوالاعصـاب
بأملا عيوني مـن تهايـاك وأقـول ii:=ياوجه صبـح ٍ لبّـس الليـل iiجلبـاب
عذر القصيد إليا قصر عنـك iiمقبـول=أوصافك أكبر من مدى شعـر وإعجـاب
عـودك معـزّل ومتنهّـض iiومفتـول=اليا تعـدّل رمـح واليـا انحنـى iiداب
ومعنّقـك فـارع و زامـي iiومنـتـول=وصدرك جمـع مالـذ كلّـه iiوماطـاب
وسودك طلايع قوم وسيـوف iiوخيـول=خيّالها يـارد علـى المـوت iiماهـاب
ايّووووه من صحوة هدبها iiويحّووووول=وإن سلّهمت ( هذا بلا ابوك ياعقاب ii)
قريـب لكنّـك بعيـدٍ عـن iiالـنـول=وا حر كبـدي حـرّة الظـن iiلاخـاب
ماكـل مجـدٍ يبلـغ المـرء iiمعـقـول=اللي ماجاب حصان أبو زيد وش iiجاب
من لا جمع راسك براسه علـى iiطـول=والا يقضّـي تالـي العمـر iiعــزّاب

اي شي من ذوقك ...