***(( أجمـــل مـــا قيــــل فــــــي وصـــــف القهــــــوه))***

[نسل الأحرار]

تحضير القهوة العربية ذو ميزة دقيقة ولابد من الانتباه بتحضيرها بكل احتساب سواء في وقت عملها او في طحنها او كمية القهوة ومقياس الهيل وتطبخ القهوة البن بالماء المغلي لفترة من الوقت وبعد الغلي يضاف اليها الهيل بمقياس معين دون زيادة او نقص ثم تترك لعدة دقائق من الوقت حتى تصفى القهوة وبعدها تقدم الى الضيف في الدلة بنكهتها الفريدة وطعمها المميز انها القهوة العربية التي سطر فيها الابيات الكثيرة ووصفها الكثير من الشعراء ووصفوا الاواني التي يتم فيها تحضير القهوة المعاميل ومنها النجر والمحماس الدلة والمبرد والفنجال وبعض أوانيها.
أخي اليك بعضاً من الابيات التي ذكرت فيها القهوة لمجموعة من الشعراء:
الشاعر محمد السديريوأحمس لنا يا بجاد ما يقعد الراس
ودقه بنجر يا ظريف العيالي
يجذب لنا ربع على اكوار جلا
وزله الى منه رقد كل سالي
وخله يفوح وقنن الهيل بقياس
وصبه ومده يا كريم السبالي
يبعد همومي يوم اشمه بالانفاس
فنجال يغدي ما تصور ببالي
روابع تضرب به أخماس وأسداس
* وهذا الشاعر الفارس تركي بن حميد حيث يصف القهوة وصوت النجر
يا ما حلا يا عبيد في وقت الاسحار
جر الفراش وشب ضو المناره
معدلة تجذا على صالي النار
ونجر الى حرك تزايد عياره
النجرب طق وجاذب كل مرار
مالفه الملفوف من دون جاره
في ربعة ماهيب تحجب عن الجار
لامن ولد اللاش ما شب ناره
* وكذلك القصيدة المشهورة للشاعر: دغيم الظلماوي في القهوة:يا كليب شب الناريا كليب شبه
عليك شبه والحطب لك يجابي
الوالمه يا كليب عجل بصبه
والرزق عند اللي ينشي السحابي
حنا علينا جيب ماها وحبه
وعليك تقليط الدلال العذابي
ادغث لها ياكليب من جزل خبه
وشبه الى منه هباكل هابي
باغي إلى شبيتها ثم قبه
تجذب سراة منبعيد غيابي
بنسرية يا كليب صلف مهبه
متلطمين وسوقهم بالعقابي
صبه لقرم صرفته ما حسبّه
يوم البخيل مدنهر الوجه هابي
وعده عن اللي مايداري المسبه
اللي يدوربالقصي الغيابي
لا جاضع المتروع خطو الجلبه
يا حلو تالي الليل خبط الركابي
اقحص لهم وابدي سلام المحبه
لا شح بالهين كبير العلابي

الى أن قال:


من لا صبر يا كليب في حكم ربه
هذاك يوم البعث ماله ثوابي
* كذلك قول الشاعر: سعد بن حمد بن ضويان في القهوة:ياحسين لاكني على الجمر مجضوع
من فقد خلاني وفقدي ربوعي
قم سو فنجالٍ ترى الراس مصدوع
صفه وزله عن سريب الخموعي
فنجال فيه مخموس الكيف مجموع
بدلال يشدن الخباس الوقوعي
ونجر دلاله ماو بالصوت مفجوع
يا زين حسه والخلايق هجوعي
وانجاك بالمجلس سنافي وبالوع
عده على الطيب وكب البلوعي
* يقول محمد العبدالله القاضي عن القهوة والاواني التي تجهز بها القهوة:
دنيت لي من غالي البن مالاق
بالكف صافيها عن العذق منسوق
احمس ثلاث يا نديمي على ساق
ريحه على جمر الغضى يفضح السوق
واياك والنيه وبالك والاحراق
واصحا تصير بحمسة البن مطفوق
دقه بنجر يسمعه كل مشتاق
راع الهوى يطرب الى دق بخفوق
لقم بدله مولع كنها ساق
مصبوبة مربوبة تقل غرنوق
خله تفوح وراعي الكيف يشتاق
الى طفح له جوهر صح له ذوق

إلى أن قال:


زله على وضحا بها خمسة ارناق
هيل ومسمار بالاسباب مسحوق
مع زعفران والشمطري إلى انساق
والعنبر الغالي على الطاق مطبوق
إلى اجتمع هذا وهذا بتيفاق
صبه كفيت العوق عن كل مخلوق
* وهذا راكان بن حثلين في قصيدة مشهورة:ياما حلا الفنجال مع سيحة البال
في مجلس ما فيه نفس ثقيله
هذا ولد وهذا ولد خال
وهذا رفيق ما لقينا مثيله
* هذه قصيدة للشاعر: شليل بن عواض من بني عمرو من قبيلة حرب يقول:


يا سعود قم هات الدلال المهانيف
في ليلة ناخذ سهرها قطوعه
إحمس وكيفها ترى طاب لي كيف
واستدن (مزعل) ياشفاتي وصوعه
إلى تهيض بالعوى والزعانيف
يشدي عوا ذيب شكا حر جوعه
يشدي عواذيبٍ بروس المشاريف
حادية حادي والهبايب تلوعه
حتى يجيب مسيّر البيت والضيف
مثل العقيد اللي تلافت جموعه
مخصصٍ الى صار جماعه مواليف
ماركز الشيطان معهم بكوعه
يا زين سجتهم وزين السواليف
ما دوّروا واحد بالاخر طموعه
والى احدث الجهال بعض التخاليف
إستدركوها قبل تكثر فزوعه
تلقى لهم سمعة وهيبه وتصريف
وكلٍ يجي فعله على قد نوعه
هذي بعض ما قيل عن القهوه العربيه ولا تنسوني بالتشجيع لو فنجال من
الردود الجميله والمرور وشكرا

[الغروب]

نسل الأحرار

اشكر جميل اختيارك لـ ((أجمل ماقيل في وصف القهوة )) والتي هي من اهم عاداتنا لإكرام الضيف

بل واصبحت ضرورة اليوم

دمت بخير .

[العـــسر]

نسل الأحرار


لاهنت على هذا النقل المميز وهذه القصائد التاريخيه




تقبل مروري