خالد الصليمي + بندر العجمي

[بندر العجمي]

بندر العجمي

:

سلام الله سلام مايضيـق بصـدر راعيـه=على قاف القصيد أسوقها والعطـر فواحـي
من أول نحتري رايٍ من اشيوخ السعوديـه=وبعد بكره طبيعي نحتري من جورج قرداحي

^^^^^^^^^^^^^^^

خالد الصليمي

هلا يامرحبا باللي على الطالات محريـه=على قاف القصيد اعدها والدرب سماحي
الا يابندر العجمي تبى تروى مـن يديـه=وأشوفك ياعميلي راغبٍ في قرع الاقداحي

^^^^^^^^^^^^^^

بندر العجمي

يدوم الك البقا ياللي تراحيبك عموميـه=ياخالد سرها والقفل حكمه عند مفتاحي
أبغني على المسحوب وتغني هجينيـه=وراعي العود دقه يوم دق العود منباحي

^^^^^^^^^^^^

خالد الصليمي

تراحيبي عموميه ولك عملـه خصوصيـه=ليا صكيت بيبانـك نقـول السـر ماباحـي
شكيل الناس يابندر فقـارى مـع غناويـه=يبى يضرب له الطبله وصوت الطبل فضاحي

^^^^^^^^^^

بندر العجمي

انا خابرك حر (ن) معتلي فوق الدناويه=ولكن الحرار النادره طارت بلا جناحـي
اللي نظرات شرعيه والك نظرات شرعيه=ولكن الربا يبقى ربا يـاراع الارباحـي

^^^^^^^^^^^^^

خالد الصليمي

كبير القوم يعقلها بحكمـه ونارنـا حيـه=يقولون التعجل ما يفيد اليـوم ياصاحـي
الك صفحات مطويه واللي صفحات مقريه=وحسب الشرع والسنه لنا ميقاف وسلاحي

^^^^^^^^^^^^

بندر العجمي

اعرف هذيل في مكه وتقرا ايـات مكيـه=ولكن يوم سارت عاكستنا بسيد الاصلاحي
الا ياللي تشيد في البناء لجـل الغناويـه=ترا شيوخ القبايل قبلكم قد شالت ارماحي

^^^^^^^^^^

خالد الصليمي

هذيل أهل البلد والمجد وتاطـا الـداب والحيـه=وتري القابض على دينه ذكر في سنْد الاصحاحي
ترى رماحك علي ظهرك مـن العربـان مثنيـه=لكن ابشر تبـا تفـرح يجـي للحـق نصاحـي