السلام عليكم ورحمة الله وبركاته
الشايب اللي بالحشا ذاق الأمرار =يبكي من الاوهام حزن ونكاده
يشهق على مافات واللي بعد صار =يوم الليالي في حشاها سعاده
يبكي عياله والعنى داخله نار =والهم يحرق والغثا في رماده
يقول ثاري ليتني آخذ الثار =منهم وانا بالصبر مالي جلاده
عيالي اللي طبعهم طبع الاشرار=محكوم انا بالحزن حكم الاباده
والله خسارة لوعوني بالاقدار =ونسو بلا ميعاد عطفي وزاده
بالدار خلوني وحيدٍ وباالدار =اشكي وهم دنياي وآخذ وكاده
لا احدٍ سئل عني ولوبس بأفكار=ياللأسف زادو عذابي زياده
انا ابوهم قلته بسر وجهار =لكن صدى الاصوات ماله افاده
والله انا ما اخطيت في حق الاخيار=مسلم واصلي قايم با العباده
واليوم انا ياناس بالدار محتار =ماغير اسولف للقهر والقراده
كبير سن والمرض زاد الامرار =أبكي قهر والحزن زاد بنكاده
فهـيــد البـقــعـــاوي