لاتوردني على ميراد طايح سوقه=وأنت خابرني وعارف طرقتي وأسناعي

[عبدالناصر آل عبدان]

أحبابي أعتذر منكم على الغياب


وأصااافحكم بهذه المتواضعه علّها تحوز على رضاااكم

\
/
\
/
\

بتحدا الشوق فيني وأكسره وأعوقه=وأذبح القلب الرهيّـف وأبـْـدِلـَـه بصناعي
والعيون الدّمع منها أغسله من موقه=لين يجف الريق فيها والغلا يرتاعي
والحنان يموت قسوه يابسات عروقه=والهشيم اللي بصدري مقبرته أضلاعي
لا بغيت أكون قاسي جملتي المنطوقه=الغلا وشهو الغلا شــيّ ٍ وما له داعي
الجفا بانيه طابوقه على طابوقه=وإن هجرت أعلّقك بين السما والقاعي
شفت نومك من عيونك والله إن أبوقه=لذة الغفوه تخونك ساهرن ملتاعي
والبعاد أفل حبله وأطلقه من طوقه=مايرده كسر خاطر والفجوج وساعي
لا تقول يحن قلبي ينثني من شوقه=والجفا والهجر مايركب على أطباعي
وإن قلبي وسط صدرك قافلن صندوقه=وإن مفتاحه مضيّـعه الزمان وضاعي
لين غنـّـالك على موّالـه وطاروقه=يطربك مرّه .....ومرّه يبكي الأسماعي
لد لي شوفك وفكرك لا تلوح بروقه=واكتبه بيت القصيده يختصر الأوضاعي
لاتوردني على ميراد طايح سوقه=وأنت خابرني وعارف طرقتي وأسناعي

وسلاااامة قلوووبكم

[الملكة]

لا بغيت أكون قاسي جملتي المنطوقه=الغلا وشهو الغلا شــيّ ٍ وما له داعي
صح لسانك..عبدالناصرالفهاد..قصيدة تحدي..
دام تواصلك بالمجالس..

[عبدالعالي العجمي]

صح لسانك ياعبدالناصر الفهاد

والله لايهينك على القصيدة الرائعه.

[مسعطر]

صح لسان أخي عبدالناصر الفهــــــــــــــاد.


قصيدة رائعة جـــداً تقبل مروري.

أخيك : مسعطر

[مهرة النسيان]

شفت نومك من عيونك والله إن أبوقه=لذة الغفوه تخونك ساهرن ملتاعي
والبعاد أفل حبله وأطلقه من طوقه=مايرده كسر خاطر والفجوج وساعي

ررررائعه صح لسانك يارب وعلا شانك ..

[عبدالناصر آل عبدان]

المشاركة الأصلية كتبت بواسطة الملكة

لا بغيت أكون قاسي جملتي المنطوقه=الغلا وشهو الغلا شــيّ ٍ وما له داعي
صح لسانك..عبدالناصرالفهاد..قصيدة تحدي..
دام تواصلك بالمجالس..

اختي الملكه



مرحباا ومسهلا ومرورك يسعدني




صح بدنك ولاهنتي على التواصل



في أمان الله

[الفرس]

والعيون الدّمع منها أغسله من موقه ***************لين يجف الريق فيها والغلا يرتاعي

والحنان يموت قسوه يابسات عروقه *****************والهشيم اللي بصدري مقبرته أضلاعي

صح لسانك وعز الله ابيات رهيبه ... وقافيه صعبه اتحفتنا..


تقبل مني التحيه واعجابي بالقصيده

[الشيخه]

اخى الكريم والشاعر المتالق : عبدالناصر الفهاد

صح اللسانك ولا هنت على القصيده الجزله

بنتظار جديدك القادم

تقبل منى خالص التحيه

الـــــــشــــــيــــــخه

[فهد بن محسن]

الاخ الشاعر

عبد الناصر الفهاد


صح لسانك ولا هنت على هذه الرائعه


تحياتي لك

[عجمي ولي الفخر]

صح لسانك

ابداع ياعبد الناصر

والى الامام دائما

تقبل مروري

سلآلآلآلآلآلآم