اجمل قصائد الحكمة والنصح

[هادي بن فهاد]

السلام عليكم ورحمة الله وبركاته



اجمل قصائد الحكمة والنصح

[العـــسر]

يا الله يا اللي نبتهل لك ونخشـاك=يا خالـق الدنيـا ورافـع سماهـا
يا واحدٍ ما هي بتحصى عطايـاك=الخلق كل الخلـق محـدٍ حصاهـا
الجود من جودك وعطفك وحسناك=يا مستجيب الداعيه فـي دعاهـا
أنت الكريم اللي نخافك ونـدراك=لو لاك نفسي مـا تحقـق مناهـا
أنك تثبتني علـى غايـة ارضـاك=عبدك ولا غيـرك حياتـي ولاهـا
سجدت لك يا دايرٍ كل الأفـلاك=يا غاية الشكـوى ويـا منتهاهـا
لولاك يا رب السمـاوات لـولاك=ما تقبل التوبه علـى مـن نواهـا
يا العبد مالك غير ربّك ومـولاك=كل البشر تفنـى ويمحـى ذراهـا
اهْو الذي صوّرك سوّاك وأنشـاك=إعجاز ما وصل البشـر مستواهـا
لا تشمت العالم وتنسـى خطايـاك=احكم هوى نفسك وحاسب خطاها
حاسب ضميرك قبل لا تدفع خطاك=كم من قدم قلب المشقـى حفاهـا
عليك بالإحسان والـرب يحمـاك=من قدم الحسنات يلقـى جزاهـا
شيطان نفسك لا يغـرّك ويغـواك=قبلك غوى ناسٍ وكـدّر صفاهـا
من زمرة الطاغوت حذراك حذراك=لا تبتلي بجروح يصعـب دواهـا
وإلى مشيت اعرف دروبك وممشاك=احرص على نفسك وخالف هواها
أمّارةٍ بالسوء مـا هـي بتنهـاك=اقبض عليها ليـن يجلـى صداهـا
اقطع نواياهـا بدينـك وتقـواك=هلّل وعنـد الله سريـعٍ شفاهـا
والعين لا تنظر بهـا مـن تعـدّاك=المحصنه لو تلتفـت لـك وراهـا
اصبر على همّك وغمّـك وبلـواك=عف وتعفـف لا يغـرّك حلاهـا
واترك حرام القوت ما هو بيمـلاك=كل البطون الجايعـه مـا ملاهـا
رشفة حلال اتسد جوعك ومضماك=تسوى مشاريب الحـرام وغثاهـا
النار في جوفك وتصلـى حنايـاك=نار الجحيم تزيـد للـي وطاهـا
واحفظ لسانك لا يجـرك ويبـلاك=اخذ الثمينه لـو غلـى مشتراهـا
الهرج ميزانك ويكشـف خفايـاك=كلمـة تعيبـك لا تبيّـن نباهـا
صون الكلام وصون نفسك ومبداك=للنفس حشمة لا تفصّـم عراهـا
اصمت مدامك عارفٍ سير مجـراك=لا تنقل النّمـة وتبحـث خفاهـا
يزول قدرك عند أقـرب دنايـاك=لو هو ولد عمّك حياتـك جفاهـا
واحلم تراه الحلم يرفـع مزايـاك=هو سيّد الأخـلاق هـو مبتداهـا
وصّى به المبعوث ما هـو بيخفـاك=شفعينـا يـوم المـلاقـاة طــه
خل الجهل لا تجعل الغيظ ياطـاك=ترى الجهل سم القلوب وعماهـا
وإلى ابتليت ارفع إلى الله شكـواك=لا بدّها الأيـام تكشـف غطاهـا
اصبر يزين الحظ ويزيـن مرمـاك=الله يفرجهـا ويـدفـع بـلاهـا
لا تمنع المحـروم لا مـن تنصّـاك=الناس لأجل الناس وأحسن عطاها
ابـذل لوجـه الله والله يـجـزاك=مثل الغروس اتطيب للـي سقاهـا
لا ضاع معروفك ولا ضاع حسناك=إن كانهـا لله تلـقـى جـزاهـا
جارك ولو هو جار تسقيه من ماك=عليه لا ترفـع يدينـك عصاهـا
أحسن جوار الجار لو كان يشنـاك=ترى العرب تحشم كلاب اقصراها
بكره يشـد ويكتـب الله فرقـاك=عساه يذكر جيرتـك مـا نساهـا
الظلم شين ويجعل النـار مثـواك=راع الظليمه عيشتـه مـا هناهـا
فوقك إله العـرش عالـم نوايـاك=ينظر قلوب النـاس وش محتواهـا
يسمع بما تجهر وعـارف خفايـاك=بأمره شروق الشمس ترسل ضياها
هو عالمٍ غيبك وركّـب خلايـاك=هو خالقٍ فيك العـروق ورواهـا
والضيف له حقٍ إلى حـل بحمـاك=قلّط ضيـوف الله وأكـرم لحاهـا
لا تحقر الضيفان واتشـح بغـذاك=من ما عطـاك الله قلّـط عشاهـا
وعليك باللي حزة الضيق يفـداك=لا شانت الدنيـا ودارت رحاهـا
لا من زهمته لو على المـوت لبّـاك=عيني لجل عينك وروحـي فداهـا
ترى الخوي نبراس روحك وملْجاك=لا كلّحـت بقعـا وزادت غثاهـا
حذراك من بعض المخاليق حـذراك=بعض العرب ما تفرقه من نساهـا
تايه وضايع بيـن ذولا .. وذولاك=فيـه الجهالـة واصـلٍ منتهاهـا

يا سلام عليك ياهادي


إختيار موفق لاهنت عليه




تقبل مروري

[هادي بن فهاد]

العسر مرحبا ومسهلا
الله لايهنك صح الله يمينك
اشكرك على المرور

[هادي بن فهاد]

اشكرك على المرور

[ليــه يازمـــن]

لك أجمل تحيه

وشكرآ على موضوعك

[هادي بن فهاد]

ليه يازمــن
:
اشكرك على المرور

[ابوعبدالرحمـن]

هادي بن فهاد
إختيار موفّق والله لا يهينك

[حــســن الــعــذاب]

لاهنت يا (هادي بن فهاد )

على القصيدة الجزلة وتسلم يمناك يأبو فهاد

دمتم بحفظ الله

[هادي بن فهاد]

بوعبدالرحمن
:
مرحبا ومسهلا
:
لاهنت على المرور

[هادي بن فهاد]

حسن بن نعيس
:
مرحبا ومسهلا
:
لاهنت على المرور