قوقل ايرث/توه وردنا هالخبر من دياره //اخبار توفي باللقاء للمحبين

[محسن الحجرف]

اليكم هذا النص وارجو ان يجوز على الرضى

عنـدي لكـم يأهـل المحبـه ابشـاره =اطـراف موجـز والتفاصيـل بعديـن
تـوه وردنـا هالخبـر مـن ديــاره= اخبـار توفـي باللـقـاء للمحبـيـن
برنامج القوقـل مشـي فـي مسـاره = يكشـف ديـارن ساكنتـه السلاطيـن
علـيـك تنزيـلـه ودق اخـتــاره = وتحديد خط الطـول ماينشـدك ويـن
دقـه وخلـه بالفضـاء فـي قـراره = ومنيـن ماقلـت اتجـه قـال ومنيـن
يـا بيـض الله وجـه منهـو ابتكـاره = يجـزاه ربـي عـد تعـداد هالصيـن
وضعيتـه اقمـار تمـشـي بـمـداره = تكشف مـدار الارض حـدن بحديـن
والدق عنـده... كنهـا وصـف قـاره =قصدك يجيبه.... شوف اقرب من العين
كنه اشقـرن يعجبـك شوفـة اطيـاره = وليا انخـرط وسـم الحبـار بشقيـن
الاشقـر الـي فارقـن مـن الجيـاره =صلفن ويفرق بالمـداوس علـى بيـن
يأهـل المحبـه لابقـيـتُ أزيــاره =وكلٍ شفق ابشوف خلـه يبـي الحيـن
عليـه بالـي .... لطلبـه مستخـاره =قال الطلب امرن وعطنـي العناويـن
ثم جاب خلـه وسـط مسكـن اديـاره = وخـلاه قدامـه ونظـم فيـه بيتـيـن
راحو العـواذل فـي مهـب الغبـاره =معـاد ينفـع فالحكـي نقلـت الشيـن
الشوف حاصـل وان ذبحهـم جبـاره =ولا صار خلي طيبن... خاطري زيـن
يالله عسـى قوقـل يجيلـه ازيــاره =حرام يذبح له مـن الضـان كبشيـن
هذا الخبر تـوه وصـل مـن اديـاره =اخبـار توفـي باللـقـاء للمحبـيـن

وسلامتكم

[سعود الخويطري]

صح الله لسانك يامحسن الحجرف ولاهنت يالقرم

[محمد الشامري]

صح الله لسانك يامحسن

قصيده جزله كعادتك

لاهنت يالقرم

[شيخ قحطان]

صح لسانك يامحسن لاهنت

[محسن الحجرف]

تبقون وصح ابدانكم