العراق.....؟!!

[صقر الشمال]

ياجماعة خيـر ياكبـر المصيبـه
بيّنـه للعيـن بالشعـب العراقـي
شعـب مسلـم مالقيبـه مايعيبـه
لاغـرور ولاإحتيـال ولانفاقـي
صامديـن وطامعيـنٍ بالغليـبـه
ما انحنوا بالذل ببطـون المتاقـي
رغم حرب الغرب من شافه يهيبه
من عتاد ومن سلاح ومن نطاقـي
حي شعبٍ قام وظروفه عصيبـه
وقفةٍ صدوا بها حمـر الطواقـي
والسماء من فوقهم والـع لهيبـه
والشوارع بالدمي مثل السواقـي
بين عزّل قاصرات وبيـن شيبـه
ماوطتـه القنبلـة مالـه بواقـي
يابـلاد الـرزق يـادار الحبيبـة
يابلد من كرمت سبـل الطراقـي
من يدافع لين يقتـل مـن نصيبـه
فوزها يلقاه فـي يـوم التلاقـي
ياعراقٍِ صمدتـه ماهـي غريبـه
دون دجله والفـرات أم المذاقـي
يابـلادٍ شاهـدت روسٍ منيـبـه
بالحضارة تعتبر من شعب راقـي
يابـلاد العلـم وأقلامـه وأديبـه
يوم بالتاريـخ مـرات انزلاقـي
معهم التاريخ لـه قصـة عجيبـه
كد غزوه أهل الحسد والانشقاقـي
واجدعم وسط النهر ماب الحقيبـه
نهر دجله راح من حبره زراقـي
وكـل شـئٍ لـه ايـلاهٍ يعتنيبـه
رجّعه واليـه للحصـن الوثاقـي
ياشعوب الرافديـن بكـل صيبـه
في مآسي جرحكم فالكـل شاقـي
ربطنا بالديـن وأصـولٍ عريبـه
والتلاحـم واجبـه بالإنعـزاقـي
ياعـراقٍ هقوتـه ماهـي قريبـه
وإن هقيبه .. يخلف ظنون المهاقي
ياعـراقٍ قـدَّوا العـدوان جيبـه
في نهارٍ فيه ياصعـب الفراقـي
يومٍ أسود .. بالمـراره يندعيبـه
موقفه يركي على الكبد العراقـي
لاعطيَّـه للـغـزاه ولا نهيـبـه
كن فـي بغـداد للغـزو اتفاقـي
يابطل بغداد هرجي فيـك غيبـه
يوم جاك السيل من حدر الرواقي
ياالشجاع الصيرمي ملفى نجيبـه
ذخرها المذخور لاضاق الخناقـي
من خبر ماضيك مايظلـم نصيبـه
ضلعٍ أملس مايحصَّل به مراقـي
لكن الموضوع به شكَّـه وريبـه
ماتضيَّعنـا مزاهيـف السبـاقـي
تبحل الجهيـل .. وقلـوبٍ لبيبـه
بين راح ،، وبين في بغداد باقـي
واجبه معروف واضـح يندريبـه
دم جوفه يسقي الرمـل الرقاقـي
يوم ماجت منه .. من عزه وطيبه
مايلاقي شعبـه الصامـد يلاقـي
والخـتـام الله يكافيناالمصيـبـه
نستجيرك جيرنـا ياخيـر واقـي

الشاعر / غازي الحربي



تحياتي / صقر الشمال