قديم...ماضي العضيمان

[وسيع البنايد]

السلام عليكم ورحمة الله وبركاته

هذه القصيده من قصائد شاعرنا الحاضر الغائب ماضي ابن عضيمان
وهي قصيده قديمه عثرت عليها في احدى المنتديات الادبيه
وانشاء الله تحوز على رضى الجميع

على وجهي تباشير الفرح من ليلة الاثنين=عسى ليل التباشير يتلطفبي ويلفيبك
كبير المنزله..عدم الوصايف..قبلة الحلوين=انا الله لايعاقبني خطير اجهل ولا اسيبك
تعال..ورد روحي يابعد روحي وشفني زين=على جمر النوى ما غير اطالع في مكاتيبك
تعال الله حسيبك لاتهمك هرجة الواشين=تعال وزورني قدم الملا والله لا اهليبك
هلابك..والعطايا حاتميه..والعمر يومين=هلابك..والخفوق الدار..وعيوني معازيبك
هلا..ماهي تقال الا على شانك يمين ودين=وحمامات الرسايل ما تهاجر غير تاتيبك
غظيظ العود سيد الخود واحد ما معاك اثنين=ابد ما يشبهك..غير المرايه يوم تظويبك
مراية غرفتك..يالعنبوها ماتملك لين=تروى من جمالك..ثم تبرى من عذاريبك
حبيبي ماهجرت الناس قاصيهم ولا الدانين=وصافيتك ياكود اثبت لعينك ويش ترتيبك
اغنيبك من اول ليلة الاثنين..لين الحين=وانا من لامني لا رحت اسولفبك واهذريبك

[مداهيـــل المـــوت]

صح لسانك..ولسان شاعرها

قصيدتن جزلة من شاعر جزل..

ولاهنت على النقل..

[محمد الشامري]

ارررحب ياوسيع البنايد ارررحب

صح الله لسانك ولسان شاعرها ماضي

قصيده جزله ومن راس جزل

لاهنت ولاتحرمنا جديدك يالقرم

[وسيع البنايد]

صح الله بدنك يامداهيل الموت

ومرحبا بك والله لايهينك على المرور

[وسيع البنايد]

اللله يبقيك يا ابومنصور

وصح الله بدنك

ومانجيب انشاء الله الى اليعجب النشاما شرواك