كم واحـدٍ وقـت اللـزوم تهقابـه=وأليا نصيتـه غيـر الطبـع بطبـوع

[العطيب]

الروائع كثر ولاكن ليس كل روعة يدخل المزاج
ولاكن هذه القصيدة
دخلت مزاجي وارجو ان تفتحون امزجتكم لكي تدخل


تفضلو هاهى القصيده

الوقـت يامقسـى عنـاه وعذابـه=حطاب ليل ولـه معاويـن وفـزوع
أحد ٍ منـه يمكـن يعالـج صوابـه=وأحد ٍ يموت بعلته مـوت جربـوع
يروح مثـل مقـاط مااحـدٍ درابـه=لاحبل يرقابـه ولا صـوت مسمـوع
بغـا يجيـب رشـاه ورشـاه جابـه=من عالي الشفه ضرب به على القوع
هذا مقـاط اللـي رشـاه التوابـه=وأصبح مثل للناس في كل موضـوع
قصـت مقـاط وقصتـي ماتشـابـه=أسباب وقت وكل قصه لهـا نـوع
مقـاط صفـى فـي زمانـه حسابـه=وأنا بلشت بوقت طامـع ومطمـوع
نـاسٍ يحسبـون المراجـل نهـابـه=وهيه عليهـم كنهـا حبـة الكـوع
ودك بعضهم تربطـه فـي رسابـه=تصبح وتمسي فوق راسه بكرسـوع
كم واحـدٍ وقـت اللـزوم تهقابـه=وأليا نصيتـه غيـر الطبـع بطبـوع
الصاحب اللي صحبته ضحـك نابـه=يبيني أبقى له على الدوم مـزروع
لا شـاف وجهـي قـال يامرحبابـه=وإن غبت ينساني على راس الأسبوع
واليا نسينـي منـه حضـرة جنابـه=أنساه واجعل دونه الخـط مقطـوع
وعيـبٍ عليـه كـان طقيـت بابـه=لو إني أمسـي بالخـلا ميـتٍ جـوع
من خلقت الدنيـا تجـوع الذيابـه=بس المهم تعيش والـراس مرفـوع
وتكسب بعـز النفـس قـدر ومـهابه=وتمشي على خط ٍ سليم ٍ ومشـروع

[بدر العرجاني]

الصاحب اللي صحبته ضحك نابه
يبيني أبقى له على الدوم مزروع

لا شاف وجهي قال يامرحبابه
وإن غبت ينساني على راس الأسبوع


تسلم يالعطيب وتقبل مروري

[فهد بن محسن]

لاهنت اخي العطيب على نقل هذه المحاوره

وياليت تذكر لنا اسم الشاعر


تحياتي لك

[محمد بن دويش]

تسلم يالعطيب

[hadii]

تسلم يالعطيب وتقبل تحياتي .


أخوك / هادي.

[حبيب]

لا شاف وجهي قال يامرحبابه
وإن غبت ينساني على راس الأسبوع
واليا نسيني منه حضرة جنابه
أنساه واجعل دونه الخط مقطوع
وعيبٍ عليه كان طقيت بابه
لو إني أمسي بالخلا ميتٍ جوع
من خلقت الدنيا تجوع الذيابه
بس المهم تعيش والراس مرفوع
وتكسب بعز النفس قدر ومهابه
وتمشي على خط ٍ سليم ٍ ومشروع


العطيب صح السانك والسان شاعرها

عزا الله انها دخلت مزاجي

[العطيب]

يعطيكم العافيه

[محمد الشامري]

صح الله لسانك يالعطيب ولسان شاعرها

ولاهنت على النقل يالقرم

[العطيب]

ارحب يامحمد
حياك الله والساعه المباركه