قصيدة للشاعر الكبير بدر الحويفي الحربي بالطير والقنص

[صقر الشمال]

والله يالولا غايتي ما انقـل الطيـر00 مانقل على كفي خفـوق الجناحـي

أبي اليا فزت تقل شعـف معصيـر00 وقفت تعقـد مـع سهـال فياحـي

ليا تلني واقفى يخطرف له السيـر00 جايع وحاديه والزعل من صياحـي

لا طقهـا بالصايديـن المواخـيـر00 طاحت تدوس ونجم الطير صاحـي

وليا حصل جول رتـوع ومخاميـر00 في ماقع عن نشر الأدباش زاحـي

وتركزن له تقـل شـول معاشيـر00 وغزن غلبهن عقب ماهن مطاحـي

منهن علق باللي مثل بكرة الظيـر00 ونكد عليهن عقب ماهن ضواحـي

وجيته يمزرها على القـاع تمزيـر 00 يشلـق معلـق ثديهـا بالجناحـي

هذيـك والله منوتـي يالمناعـيـر00 ان كان انا مجنون وان كنت صاحي

وكل برايـه لـه تصـرف وتدبيـر00 ولأحد على الدنيا جلس واستراحـي

وأرزاق خلق الله وهايـب وتقديـر00 ورزقي على مجرري هبوب الرياحي

ولا ينقص الرجال كثـر المخاسير 00 لصار دون الوجه ماهـي سفاحـي

والقل ماعذرب رجـال بهـم خيـر00 والمال ماعـز الرجـال الشحاحـي

مار اتركونـي يالوجيـه المسافيـر00 هذا الذي وافـق عليـه اقتراحـي

تحياتي/صقر الشمال


تـــــحـــــيـــــاتـــــي

[حبيب]

الاخى صقر الشمال صح الساااااااااانك واللسان الشاعر المعروف الحويفي

شاعر اشهر من نار على علم عرف بجزالة قصائده وقوة معانيه

لاهنت على نقل هذه القصيده

[صقر الشمال]

صح بدنك ولاهنت ياحبيب