عزايه اني واحد من ضنى يام

[فتى الرس]

بسم الله الرحمن الرحيم
السلام عليكم ورحمة الله وبركاته
مشاركه اتمنى ان تحوز على رضاكم
كما اتشرف بمروركم وتعليقاتكم ...


حسبي من الدنيا ودورات الأيام
اللي مافيهن واحدن مستريحي
إني بفضل الله من أهل الإسلام
لاني يهودين ولاني مسيحي
أتبع رسول الله في كل الأحكام
واللي ورد بالترمذي والصحيحي
وإني ليا ثارن علي غبر الأيام
وضاق بعيوني كل درب فسيحي
مارحت أدورلي حسابات وأرقام
ولانشدت اللي سواتي جريحي
عزايه إني واحد من ضنى يام
عجمي وراسي شامخ مايطيحي
باقي على مر الزمن مثل الأعلام
وماهمني لوصار حظي شحيحي
ربعي بحزات الشدايد لي حزام
وذرن ليا هبت علي كل ريحي
تاريخهم ماهب شيءً من العام
كم لابة منهم غداله نزيحي
ذا راس مالي والمقادير قدام
إلين يحطون جسدي في ضريحي

اخوكم العجمي / فتى الرس

[مسعطر]

المشاركة الأصلية كتبت بواسطة فتى الرس

ماهمني لوصار حظي شحيحي
ربعي بحزات الشدايد لي حزام
وذرن ليا هبت علي كل ريحي
تاريخهم ماهب شيءً من العام
كم لابة منهم غداله نزيحي
ذا راس مالي والمقادير قدام
إلين يحطون جسدي في ضريحي

الله الله الله ,,

على القصيدة الجزززلة صح لسااانك و لسااان شاعرها اللي ما عرفناه ,,؟؟


تقبل مروري ,,,


أستودعك الله ,,

[فتى الرس]

شاكر لك مرورك والتعليق اخ مسعطروالقصيده لي

[مسعطر]

هجل صح لساااانك مليوووون ,,,
ولا تحرمنا من خواتها

و تم النقل للمكان الصحيح ,,

تقبل مروري ,, مرة ثانيهة

[أبلج]

ابيات اكثر من رائعه نشكرك على وضعها لنا ونامل ان نرى اخرى..........تقبل مروري

[لــــــزًام]

الله الله الله الله
تسلم يمينك يا فتى الرس أفتخرت فأبدعت و الرائع التسلسل بالقصيده .....

تقبل مروري

[فتى الرس]

فخوره اني عجميه
شكرن على المرور

[فتى الرس]

اخ لزام
تسلم على المرور والتعليق
وشكر خاص لك بما انك من الرس

[الغروب]

فتى الرس

هلا بك .....وصح لسانك عالقصيدة الجزله

[فتى الرس]

لولين صح بدنك وطيب الله فالش