أقرب ياسعود المهلكـــــــــي !!!!

[عويضه الوقدان]

أحسب أنك ياعميلي على الشده صبور=مير مالك قلب فأقصارها وأطوالها
ياسعود المهلكي لا تحفرون القبور=جاء معك رجال يعرف لفتح اقفالها

[سعود المهلكي]

انتبه ياورع ياورع ابو سبعة شهور=حافظك فاليد بايمينها واشمالها
من عيال البطن والا من اعيال الظهور=أحسن الشجره عليكم يظل اظلالها

[عويضه الوقدان]

ياغليم توك صغير في سن الزهور=تتبع الورقا تغني على موالها
كل شجره ياعميلي لها غصن وجذور=والردية لعنبوها على منزالها

[سعود المهلكي]

لو شايب عمر يمكن تموت ولاتشور=الرجال الي سواتك تموت اشوالها
ماش شجره شفت ماغير شفت أربع بذور=يرحم الله حالك ويرحم الله حالها

[نسل يام]

صحت السنتكم ..... والله الله لا احد يتغير ..!

[عويضه الوقدان]

المشاركة الأصلية كتبت بواسطة نسل يام

صحت السنتكم ..... والله الله لا احد يتغير ..!

نسل يام


صح بدنك

أسعدني مرورك وتواجدك

تقبل تحيتي

[عويضه الوقدان]

سعود المهلكي


صح لسانك يا أبو عايد تشرفت باللعب معك

تقبل تحيتي

[سعود المهلكي]

الله يعطيك العافيه ياعويضه
ماقصرت صح لسانك

تصبح علي خير

[عايض الوقدان]

صح الله ألسنتكم ولا قصرتو ..


انا استمتعت بمتابعة المحاوره ..



تقبلو مروري وتحياتي لكم يا مبدعين

[عويضه الوقدان]

المشاركة الأصلية كتبت بواسطة عايض العجمي

صح الله ألسنتكم ولا قصرتو ..


انا استمتعت بمتابعة المحاوره ..



تقبلو مروري وتحياتي لكم يا مبدعين

عايض العجمي


مرحبابك يا أبو محمد

صح بدنك

تشرفت بتواجدك ومرورك الرائع

تقبل تحيتي