إبتدعت القوافي والجزالي مستحيله تعانق مستحيله....

[محمد المجول]

السلام عليكم ورحمة الله وبركاته

أضع بين يديكم هذه المواضعه متمنياً أن تحوز على رضاكم

أترحم على ذيك الليالي وأجهد النفس والطرقه طويله=سقت رجلي ولابه من فطن لي كل يومن يجي تزداد عله.
ما بقى من زمانن ماصفالي غير حملن ثقل نفسي تشيله=فوق حملي على متني يشلي ثلث هم العرب والضيق كله.
وأعتزي والعزاوي ماتبالي وأتصبر كما سوت بجيله=السنع يرفعك لا مايذلي والردي تكسره عثره مخله.
والرجل يتسم بسمى الخصالي والطروق السويه هي دليله=يرتفع في مقامه لايدلي فرته للطمان اللي يذله.
وقفت وإستدارت من شمالي والثقيله نجيب إلها ثقيله=أرتكي للحمل والحمل حملي وأحمل حمول منهو ضاق حمله.
خال مال العيال إلا الخوالي لاإستشك الصبي بأصله يجيله=مايتوّه تراه أصلي وفصلي من نسل يام مايحتاج دله.
مفلحي مذكري والراس عالي منبعي يام إبن يصبا الأصيله=فدعجان العريبه زود أصلي من عتيبه وفالهيلا محله.
إبتدعت القوافي والجزالي مستحيله تعانق مستحيله=مثلها كالمزون اللي تهلي تروي وتغسل كبودن مغله.
ماسبقها أبو زيد الهلالي ماإنوجد منها في ألف ليله=وإزدرت عنتره وأبكيت خلي ثم غزيت المحيط بجور دجله.
خل خاوا خليله من خلالي من بيوتي تغزل في خليله=كم حكيمن تنغنى ثم حكم لي بالنصيحه وأنا نفسي تجله.
وأقدح البيت من ثورة خيالي وأعتلي لابدا فالوقت ميله=من فكر لايمل ولايكلي والرجل ماتهزه أي زله.
جل من يعصمه رب الجلالي النبي والشيوخ أهل الفضيله=وأحمد الله خطاي إن زاد حملي مايضر البشر .. بحتال حمله.

تقبلوا تحياتي

[مسفر مبارك]

عز الله صـح لسانـك ياذيب وجزل من عرفنـاك دعلك تحيـا .

[محمد المجول]

مسفر مبارك

صح الله بدنك طال عمرك

والله لايهينك على مرورك الكريم

اللي زادني شرف

تقبل تحياتي

[راكان بن فيصل الحثلين]

الأخ..محمد؟.صح الله لسانك القصيده جزله وتسلم يمينك
وتقبل مروري

وشــكــرا..؟؟..؟؟

[محمد المجول]

راكان بن فيصل

صح الله بدنك طال عمرك

والله لايهينك على مرورك الكريم

اللي زادني شرف

تقبل تحياتي

[عبدالله بن دريب]

صح لسانك يا محمد .. على

القصيدة الرائعة

دمت مبدع.. أخيك..

[محمد المجول]

عبدالله بن دريب

صح الله بدنك طال عمرك

والله لايهينك على مرورك الكريم

اللي زادني شرف

تقبل تحياتي

[الفرس]

صح لسانك اخوي محمد قصيده اكثر من رائعه .. وكلمات قمة ..


تقبل اعجابي بما كتبت .



ولك مني التحيه ازكاها واحلاها..

[مسعطر]

و الرجل يتسم بسمى الخصالي والطروق السويه هـي دليلـه=يرتفع فـي مقامـه لايدلـي فرتـه للطمـان اللـي يذلـه

أعجبتني طريقة القوافي الداخلية .. ـالي .. ـيله .. ـلّي .. ـلّه..


صح لسااااانك على ذا الرائعة .. ولا تحرمنا من جديدك ..

تقبل مروري ..

[راشد العتل]

محمد المجول

صح لسانك على القصيده الجزله
وبيض الله وجهك


تقبل اعجابي وشكري
اخوك راشد