اول يوم صيام وشكلي بقضي عنه

[ملكعه بس غير]

عادت عليكم
ياهلا
ياهلا فيكم
ياهلا :D



هلااااااااا وغلااااااااااااااا
وش حالكم عساكم بخير
مبارك عليكم الشهر << بيخلص رمضان وهي للحين من جا في وجهي باركت له :D
انا كل مارحت مكان ولا صار لي شي فيه اخذ وعطا جيت وسردته هنا كالعاده لانووو مااقدر اسرده على اهلي اغلب الاحداث هم معي فيها يعني مايصحش اجي افلم عليهم
الوكاد ان يوم السبت تعرضت ليوم مأكشن وكان اول يوم لرمضان < مأخوذه من اكشن
على طاري اليوم ثالث يوم لرمضان الله يتمه علينا بس هذا بالنسبه حنا للسنه والله لايبلانا هالشيعه توهم يرمضون يادافع البلى وصورهم بالجرايد ابكيهم يتحرون الهلال والله انهم متخلفين
ولاوالمصري بعد يفتي على كيفه يقول من صام السبت باطل << احس انه معين بالواسطه ولا وجهه مووجه مفتي
عالعموم اللهم اني صايمه كليتهم استغفر الله :zip:
هذا ياطويلين العوومر اليوم بما اني انام بالصاله وعلى فراش وجوده زي عدمه احلف ان فراش خدامتنا ابرك من فراشي تقول نايمه على الكاشي والله مااقوم الا وضلوعي متخالفه
ايه عاد انا صحيت على ازعاج خواتي اللي بتروح للمدرسه واللي للكليه وطبع فيني احب اقوم اتفرج عليهن قبل يروحن << من النذاله اللي فيها تبي تحرهن هي قاعده وهن بيروحن للدوام :D
المهم يوم قمت الا انا ماني بصويحيه تعبانه
قالت امي بودي اختش للمدرسه ولارجعت الا انتي خالصه نروح للطبيب
والبس واروح انا وطويلة العمر مرينا اول الخياط مودين عنده ملابس من يومين علشان يصلحها يوم نجيه الا هو ماسوى فيها شي ونطيح في الهنيدي سب وهواش الين بلع العافيه :sad:
ويجيه تهديد ووعيد شديد اللهجه من امي ان ماخلص الملابس العصر مهوب احسن له
هذا اول خدش لصيامي انا وامي

ونطلع منه ونروح للمستوصف وبطاقتي المدنيه مهيب معي ماعندي الا الاصليه وخاشينها عند جدتي بالتجوري خايفين لاتضيع << والله لو انها ذهب :D
الموهم واجي للمستوصف الا هو زحمه والله واجي للكاتب واقول له بطاقتي بيجددونها مهيب معي << ثاني جرح لصيامي كذبت
الا هو وجهه وجه الايراني قال مايصير الا فيها قلت يعني وجهي وجه الهنديه ياخي والله كويتيه مشيني
عطاني نظرة يابلفيت ناقد واعصب زياده قلت بطاقة امي ماتنفع قال لا ادفعي دينار انا غثني ومشي وانا اقول اللهم اني صايمه واجي لامي قلت يمه عطيني بطاقه وحده من خواتي والله ماادفع دينار عناد
واخذها وارجع له ويفنقل عيونه ووده يطردني داري انها مهيب لي بس مايقدر ويمشيني مغصوب
واروح منه وانا مستانسه احس اني فزت عليه وغثيته << هذا وهي صايمه :D
واجي الا دوري مطول بزارين مرضى وعجايز وشيبان << قبل كانو حاطين للحريم دكتور والرياجيل دكتور والبزارين دكتور اما اللحين ياشينهم حاطينهم جميعا :sad:
ونقعد انا وامي وعقب الشين دخلنا عالدكتور اللي شكينا فيه انا وامي انه دكتور

وجينا للصيدلاني بس ماطلعنا منه الا ببنادول وحبة حساسيه اللي تخدر <ياشينها وباقي العلاج قال مافيه روحي لمستوصف ثاني << انا داريه لو اروح لمستوصف ثاني بيقول مافيه
والله حذفت الورقه قلنا الله يخلي لنا البنادول
وحنا طالعين من المستوصف ونشوف ذيك الشوفه الا هندية كلبه ومعها عجوز على كرسي متحرك تدزها وتهاوش العجيز ماخذيت الا امي يوم انفلتت عليها وتدزها هااااه وشفيش وش تقولين حق ماما يامال قطع اللسان يالكلبه << انا ساكته عاجبني المشهد لان الهنديه حرتني
اختلعت الخدامه مادرت من ذي وش تبي :D
ادبتها طويلة العمر خلت الكلب ابن الكلب يبلع لسانه بس والله مايندرى لو تستفرد فيها وش تسوي لها حسبي الله عليها ونمشي انا وامي وحش في عيالها وينهم امحق عيال وبنات مافيهم خير مادرو عن امهم وجايبين لها خدامه ملعونه :secret:
قالت امي بنروح للجمعيه وتقفل معي يماه ماتشوفيني يالله امشي خليها بعدين :sad: قالت امي لا بطريقنا هي وانتي اذا ماتبين لاتنزلين بس يوم شفت الجمعيه ماقدرت اقاوم :D وانزل انا وياها وكان فيه كم شايب وكم عجوز ويوم دخلنا الجمعيه دخلناها كذا mg:
مافيه شي وين الاكل وين الاغراض قال الهندي مافيه ماما كوولوو كلاااص
ياخي مدري هي عاده ولا وشهي بالضبط
لاقالو رمضان تحاشرو عالاكل يعني اشترو بس مو تكديس تاخذون من كل صنف 3 كراتين عسى ماشر كن رمضان شهر ترس بطون واكل
احلف ان بعضه بيقعد لبعد رمضان ويخيس بالدروج محد درى عنه بالدروج
والاسواق صحيح اني ماجيتها من جا رمضان ولله الحمد بس سمعت انه مايندخل والدعوه صايره مخامط هناك يعني ياليت مثل هالمزاحم اللي يصير يصير مثله مزاحم عالمساجد وصلاة التراويح ونترس قلوبنا ايمان ووجيهنا نور :angel:
ياويلي يامسجدنا لاجيناه الا قليل اللي فيه موفالحين الا في الاكل والتسدح عالتلفزيونات والمسلسلات

ولي حديث في صلاة التراويح ومايصاحبها من سلبيات في موضوع ثاني<< مايمديكم عاللغه :D

المهم بالاخير رجعنا للبيت وانا وامي نقول ماخلينا بحاله ان عاد طلعنا في نهار رمضان :D

نقاط تؤخذ بعين الاعتبار من السالفه :
1- مبارك عليكم الشهر << ماقلت بيخلص رمضان وانا ابارك :D
2- ملاحظين ان الاخلاق تقفل في نهار رمضان وتشوف خشش العالم مبوزه ومتعفطه وماغير يتأففون وكل كلمه والثانيه اللهم اني صايم << للامانه انا منهم
3-علاج المستوصف ماش ماينفع
4-ياحلو الجمعيه تدرون اني اعتبرها مكان ترفيهي وخصوصا اذا كان بالنهار لان بالليل نلاقي الجماعه كلها هناك ماغير نمشي ونسلم ونطلع ماشرينا شي :D
5- رمضان فرصه للتزود من الاجر بقرائه القرآن والتسبيح والدعاء وتصفية القلوب ووصل الارحام المقطوعه طول السنين :angel:
6- لاتطلعون في نهار رمضان اذا كنتو ماتضمنون اعصابكم
7- شفتو الخياط الهندي المقرود ترى يوم جا العصرعطيناه دينارين رضاوه :D
8- كتبت سالفتي وانا صايمه فيارب يغفر لي ذنبي واللهم اني صايمه
9- اذا عندك سولافه او موقف صار لك وتحس انك افطرت الا شوي قوله الله لايهينك :D
10- مبارك عليكم الشهر << ودي اكمل للرقم عشره ولاادري وش اقول غيرهالكلمه خخخخ

تراني فكرت وين احط موضوعي ولا دريت قلت يمكن هنا مكانها والله مدري شبيب احس انك انت اللي دايم تنقل بمواضيعي يامال العافيه ان كان موضوعي موفي مكانه انقله الله لايهينك
يالله اخليكم بروح للمطبخ :D

[بدر العرجاني]

هلا وغلا يا ملكعه

عز الله إسمش ما ظلمش <<<<<< ملكعه صدق

وثاني شيء مبروك عليش الشهر

والله يستر من مزاجش وأنتي صايمه<<<< خايف يجيه ما جاء الهندي

وش لونش ذلحين عقب البنادول؟؟؟؟؟؟؟؟

[ملكعه بس غير]

هلا ومرحبا ببدر
انا افكر مااجي للمنتدى الا عقب الفطور
عاد وش اراضيكم فيه :D
وابشرك الحمدلله احسن من اول يامال العافيه ماقصرت على مرورك وسؤالك

[ضيدان بن مترك]

	[اول يوم صيام وشكلي بقضي عنه] ألأخت..ملكعه وبس.. ألحمدلله علي سلأمتك.وماجا أبن أدم وبنت حوا في ألدنيا تخفيف ذنوب ألله يعفوا عن ألجميع ويوفقنا لمرضا ته أجمعين أمين........

[الوافـي]

والله يا عليش قصص عجيبه يا الملكعه
وجعلش ما تشوفين شر
ولاعاد تطلعين وانتي صايمه
عشان ما تجرحين صيامش

[ملكعه بس غير]

هلا بك غالب وحياك الله وتسلم عالمرور

[ملكعه بس غير]

قطنان انا مايزين لي موضوع الا بردك ومرورك يامال العافيه
وانشاءالله ماعادني طالعه الا عقب الفطور :D

[فيصل أل هتلان]

>>> فطس من الضحك

نقاط تؤخذ بعين الاعتبار من السالفه :

1- مبارك عليكم الشهر << ماقلت بيخلص رمضان وانا ابارك

جعلش الخير انتي من قبل رمضان بيام وانتي تباركين . لوووووووووووووووول

موضوع فكاهي . تحياتي يابنت الشايب

[ملكعه بس غير]

ارررررررررررررحب ياعزوه :D

>>> فطس من الضحك

دوم يارب :D

نقاط تؤخذ بعين الاعتبار من السالفه :

1- مبارك عليكم الشهر << ماقلت بيخلص رمضان وانا ابارك

جعلش الخير انتي من قبل رمضان بيام وانتي تباركين . لوووووووووووووووول

ياخي فرحانه برمضان وشبلاك كل ماشفتني تكسر فيني ياشينك بس

موضوع فكاهي .

توني ادري :D

تحياتي يابنت الشايب

وتحياتي انا وشايبي لك انت واخوانك جعلهم مايبكونك