صحين الشولاني ينصح الشباب

[جابر البطان]

هذه قصيدة للشاعر/ صحين بن عبدالله الشولاني العجمي

يصف فيها حال الشباب في هذا الزمان ويوجه لهم النصيحة :

	بعض شباب اليوم ضايع وخسـران=لا هوب لا صاحي ولا به هبالي وقت العمل يرقد وبالليل ســهران=موضة خذوها فاشلين الرجـالي لا جاء العمل يمشي مع الناس كسلان=وأخلاق كنها خاربات النعـالي و إلا يجيب سواة طير ابن برمــان=اللي على راعيه جاب الهـوالي يصيد حياتــا وبومــة وفـيران=ومثلة كثيرا في رخوم العيــالي سلام ياطير السعد طير حـــوران=صيده من الجزلات ماهي هـزالي وسلام يارجلِ يلقب كحيـــلان=من شبته ماكت وادي الدحـالي مقسم وقته بحكمة وميــــزان=ولا يماشي من براسه خبـــالي ياحيف ياللي رافق فلان وفــلان=وأخلف من العمان ومن الخـوالي واللي يبي العليا يماشي خويــران= ياليت ماله عد حصمى الرمـالي يفرح يلا من جاه بالبيت ضيفـان=يفعل فعول الطيب ماهو يبـالي و إلا البطان صرير هيف على الضان=هيف السمين اللي زواها الحيالي ياليت له بالبنك كنزا بلاطنـــان=كريم والله ما يحسب الريــالي من ساس ربعٍ تشري المدح بأثمـان=الطيب يشرون ولو كان غـالي أقول قولٍ ثابتا فيه برهــــان=أفعالهم تذكر قديمٍ وتـــالي من لابتٍ بالضيق عسرين شجعان=لا جاء نهار الهوش تروي السلالي ولا أقصر بحق الناس ذربين الايمان=بالناس وافينٍ وفيهم حثـــالي والمعذرة لصار بالقول نقصــان=الكامل الله هو عظيم الجــلالي وصلات ربي عد ماصــب ودان=على النبي عداد وبل الخيــالي

وأرجو أن تحوز على إعجابكم

.

[حبيب]

اللي يبي العليـا يماشـي خويـران............=........ياليت ماله عـد حصمـى الرمالـي
يفرح يلا من جاه بالبيـت ضيفـان..............=.........يفعل فعول الطيـب ماهـو يبالـي

و إلا البطان صرير هيف على الضان....=..هيف السمين اللي زواهـا الحيالـي
ياليت له بالبنـك كنـزا بلاطنـان............=.....كريـم والله مـا يحسـب الريالـي
من ساس ربعٍ تشري المـدح بأثمـان.....=..........الطيب يشرون ولـو كـان غالـي
أقـول قـولٍ ثابتـا فيـه برهـان..............=......أفعالهـم تذكـر قـديـمٍ وتـالـي
من لابتٍ بالضيق عسريـن شجعـان......=......لا جاء نهار الهوش تـروي السلالـي

ابو عمير صح السانك

والسان صحين قصيدة جزله ..
وخويران كفووو
اما صرير البطان الله يرحمه ويسكنه الجنه كان مثلا في الكرم وحسن الخلق..

وعز الله انه صدق الشولاني

تحياتي

[عذابك]

صح السانه والله يجزاه ويجزاك خير على النصيحه

[النـــادر]

لاهنت على النقل وصح لسااااان صحين الشولاني ..

[سعود الخويطري]

بيض الله وجهكـ ووجهه




وصح الله لسان صحين الشولاني




وتسلم يمناك ياجابر



تقبل سلامي واشواقي

الخويطري

[راكان اليامي]

صح لسان الشولاني ونعم في ال بطان

ولاهنت يابو عمير

[جابر البطان]

ولسانك يابوسعيد

والله يرحم والدينا والديك

ولاهنت على الرد والمرور

[جابر البطان]

لاهنت ياعذابك

والله يجزاك خيرا على الرد والمرور

[جابر البطان]

النادر

لاهنت على المرور

[جابر البطان]

سعود الخويطري

لاهنت على المرور