00قالت اخيرا بيـّن بعينك الشوق؟؟‍‍‍‍‍‍‍00

[محمد فهد العرجاني]

صباح الخير للجميع



بويتات متواضعه................


صلو على النبي,,,,,,

للعز وقفاتٍ وللحكي منطوق = والشـّعر وهبه لا طلبته يجيني
جاني وعدلته على كل طاروق= واجنّـنه حتى يقبـّل يديني
لأني احشمه عن حكي كل مطفوق=اللي يدوّر هفوتي ويهجيني
من لااحتمى الميقاف ياجعله العوق= ياويني ووينه ووينه وويني
دامه ردي موقف وشاربه محلوق=طبعه وجينه غيرطبعي وجيني
ومادمت لاسارق ولاني بمسروق=ماقدّره ربـّي رضا به جبيني
مؤمن بكلمة كل مطرود ملحوق=ولو مالحقته مانتثر دمع عيني
مادام عزّي حي والذل مشنوق=ماجا يميني تستحقه يميني
لكن شغلني بد هالناس مخلوق=كنـّه موصّى ياعرب يبتليني
وصرنا ياحبه تحت ياحبةٍِ فوق =وأكبر تناقض صارفي حاجتيني
لابه وصل بيّن ولابه جفا وبوق=كنها تحرّض بين قلبي وبيني
واللي دبل كبدي وخلابي فتوق=تقول شاريتك فهل تشتيريني؟
وأقول انا مشوّش ولاأدري متى اروق=خلي الاجابه في خبايا سنيني
الحب ماهو سلعه تباع بالسوق=ولاقلت احبـّك بالك تصدقيني
وحن وضعنا غامض ولاهو بمرموق=وطاري الغموض ابغضه ودينه وديني
والوضع مزري حيل والصدر مخنوق=لن الغبا ماهو طموح الذهيني
ثم غبت عن أحلى مسمّى لغرنوق=عل الغياب يحل لغز الخديني
ومن بعد غيبه جيتها وقلبي يتوق=وعلى الوعد لقيتها تحتريني
قالت أخيرا بيّن بعينك الشوق=وأقول انافي خاطري سِعد عيني
وقالت لي فِقت وقلت من ويش بفوق=قالت شكوكك والحزن يحتويني
قلت اسمعيني وافهمي الهرج يا شوق=انا رجل كثر الهموم تحَـديني
لكن للعليا أ سوق القدم سوق= وابن امـّه اللي يقوللي ياعويني
وبموت ماحدن حط في دنيتي طوق= تفزع يميني لعقدة الحاجبيني
لكن شفتك واصبح الطوق موثوق=حبك وطوقه صرت وسطه سجيني
وحبك اعيوبه لا طعم له ولا ذوق= ماشفت منـّه غير...قلب ٍ حزيني
لا طلت أنا تمره ولاطاحت اعذوق= ووجه الغموض اجابته ماتجيني
أما إعرفي ان المحبه لها احقوق= وان الرجال ليا قست ماتليني
واللابة اللي شانها في السما فوووووق= ماتقبل الزلاّت في كل حيني
واليوم جاش العلم والطاق مطبوق=امّا اشرحي لي الوضع ولاّ اتركيني
قالت فديتك بس برفوق برفوق= الاّ الفراق يصير بينك وبيني
الحب ماهو سلعه تباع بالسوق= فأمي وابي انك غلاي وحنيني

سواااااااااااااااالم

[شبيب بن فنيس]

الحب ماهـو سلعـه تبـاع بالسـوق
فأمـي وابـي انـك غـلاي وحنينـي


سلامه


ذكرتني بواحد من الربع


رائعه يا العرجاني

صح السانك ملاااايين ولا تحرمنا جديدك

[وردة القحويان]

الله الله درك يا محمد العرجاني

جزله مثل راعيها صح السانك ملايين

[سالم ال مخلص]

صح لسانك ياسليماني

وافيه من راس وافي

والطيب مايجي منه الا طيب

لاهنت

[فهد بن محسن]

الاخ الشاعر

محمد بن فهد


صح لسانك ولا هنت على كتابة هذه الرائعه


تحياتي لك

[بندر العجمي]

صح لسانك على القصيدة الجزلة




والله لايشينك وننتظر جديدك طال عمرك



اخوووووووووووكـ

[العيدروس]

قالت فديتـك بـس برفـوق برفـوق
الاّ الفـراق يصيـر بينـك وبيـنـي
الحب ماهـو سلعـه تبـاع بالسـوق
فأمي وابـي انـك غـلاي وحنينـي



عسى بس ردها جازلك ياخوي^ـ^

صح لسانك وامتعتنا بالقصيده

تحيتي لك

[! شيخـــــة المنتــــدى !]

مادام عـزّي حـي والـذل مشنـوق
ماجـا يمينـي تستحـقـه يميـنـي


ماشـــــــــاء الله كان ، ابـــــــــداع بلا حــدود ، قريتها اكثر مــره مابيهااا تخلص
ابو فهــد فأمي وابي انك مبدع ، صح الله لســـانك وتسلم يمنــاك وبانتظـــار جديدك بكل شــوق

تقبل تحياتي ووافــر اعجابي

شيخــــة المنتــدى

[صـــبـــــــــآ]

صح الله لسان شاعرهاااااا


لاهنت على طرحك المبدع


تقبل تواجدي

[عبدالله بن دريب]

صح لسانك يا فهد .. على

القصيدة الرائعة.. ولاهيب بويتات متواضعة ..

دمت مبدع.. أخيك..