يا النشاما هاضني شعر النبط

[البركان الثائر]

عسي تحوز علي رضاكم

يا النشاما هاضني شعر النبط=لين حتي أصبحت شاعر به وأجيد
أربط اللي ف القوافي مأربط=والعنيده طايعه راسي عنيد
أنقل الحر القطامي ما غبط=واحد(ن) يملك عمارات ورصيد
هدته قبل العقارب والشبط=مع نبات العشب في روض(ن)جديد
لأعتلي جول الحباري ثم هبط=حر(ن) أشقر في وصوفاته فريد
لو حجم الحبروه وز(ن) وبط=صارم(ن) لحاق ما عنه تحيد
ما تذريها الثمامه والسبط=ولا يذريها الطويل ب ظل حيد
إن مسك فيها القطامي وإشتبط=له مخاليب(ن) علي الصيده حديد
لا ضربها ب المخالب ثم خبط=عادة(ن) في زيد ملزوم يصيد
أسمه وفعله زيد إرتبط=له شبيه ب النشاما ذاك زيد
وصف إبن هادي علي الحر إنضبط=يوم مقناصه يعادل يوم عيد
جعل يفداه العبيط اللي عبط=ما يروم المرجله قلبه بليد
معنوياته علي طول إتحبط=لا لفاه الضيف من دار(ن) بعيد
ما يحوش المرجله لو إختبط=ذا كلام الصدق والعلم والأكيد
وبخوا شين السوالف لا لبط=والنصيحه ف الردي ما هي تفيد
وأمسكوا راس العفن تحت الإبط=مزعل الضيفان ما فعله حميد
هينوا المعثور ثم بطوه بط=(أجلدوه )الجلد في خضر الجريد

[حبيب]

البررررررررررركااااااااااااااان

صح اللساااااااانك قصيده جزله وقاافية اجمل

عز الله انك مسخرر القووافي

سجلني متابع لكل ماتكتب ياالبركاااااان


تحياااااااااااااااتي

[البركان الثائر]

حبيب هذا والله من طيبك
لا هنت وبيض الله وجهك يا السنافي

[راكان اليامي]

يا النشاما هاضنـي شعـر النبـط
لين حتي أصبحت شاعر به وأجيد

الله الله والله يلوم اللي يلومك يالبركان
وصح لسانك ياذيبان

[العرجاني محمد]

البركان صح لسانك مليون ,,,,,,,,,قصيدة جزلة من شاعر جزل

[البركان الثائر]

راكان اليامي
لا هنت يا الطيب

[البركان الثائر]

العرجاني محمد
لا هنت يا الطيب

[ابومحمد الشامري]

لا هنت يا البركان على القصيد الرائعة صح لسانك يا السنافي

[البركان الثائر]

ابو حمد
لا هنت يا الطيب

[الهاوي]

البركان

اللّه لايهيينك ياالسنافي

تحياتي,,,