يسألوني ليه أحبك ؟؟

[ثامر تركي]

يسألوني ليه أحبك ؟؟




نور عيني.. علميني كيف أبكتب لك شعـر؟
وانتي نظره من عيونك ضيّعت كل المعاني!

انتي كلماتك عذوبـه.. وابتساماتـك مطـر
وصوت ضحكك يحتويني وينثر الدنيا أغاني

أشهد إن العمر من بعدك ترى ماهـو عمـر
واشهد إني ماأطيق الغيبه من بعدك ثوانـي

من عرفتك لاحزن غطى عيونـي ولاكـدر
يابعد من شافته عيني وعن شوفـك خذانـي

جارت الدنيا علينا وحالت ظـروف الدهـر
لكن انتي ياأصيله دايم أكسب بـك رهانـي

واذكر إنك يوم رحتي صحت أنا صيحة قهر
ويعلم الله ماتركتـك ليـن ماربـي هدانـي

كل ليله تذكريني يضـوي ف(ليلـي) قمـر
وإن جفيتيني في ليله أظلمت حولي المبانـي

عند بابك ياغناتـي أنحـر أشواقـي نحـر
من عرفتك ياطموحي وانتي لي كل الأماني

"يسألوني ليه أحبـك حـب ماحبـه بشـر
"هذي الغنوه "لراشد" لك تعبّر عـن حنانـي

انتي ياعطر القصيد وطيش فكري والسهـر
والله ماغيرك أحد يستاهل أبياتـي وجنانـي

يابعد كل الخلايق واللي فـي بالـي خطـر
من دخلتي في حياتي مابقى لغيرك مكانـي

أقبلي يانور عينـي وتامريـن انتـي أمـر
يااللي ذكرك يهدي عمري والقصايد جو ثاني

مالي إلا أعتـرف بعيـون حسـادك وأقـر
إنك - أحلى مارأت عيني- وقابلت بزمانـي

قلت أبكتب لك قصيده وطاشت أبيات الشعر
ولا طرالي طاري اسمك ينعقد حتى لساني!!



الشاعر / عبدالله الظفيري

[هادي بن فهاد]

صح السان الشاعر
ثامر بن تركي تسلم على النقل
شـكــ وبارك الله فيك ـــرا لك ... لك مني أجمل تحية .

[" مــــابه جديــــد "]

لااهنت وصح لسان الظفيري

[ثامر تركي]

صــــــــــح بدانكــــــم

الله لايهينكم ع الحضور

[هتـــون]

مالي إلا أعتـرف بعيـون حسـادك وأقـر
إنك - أحلى مارأت عيني- وقابلت بزمانـي

قلت أبكتب لك قصيده وطاشت أبيات الشعر
ولا طرالي طاري اسمك ينعقد حتى لساني


الله الله .../

مشاعر مشاعر ../
صح لسان الشاعر وسلمت يمين الناقل ..

تحياتي ../

[ثامر تركي]

صح بدنك وشكرا على المرور