العذر والسموحه على التأخير
الله وأكبر يازمـن كيـف نقفـاك=قلنا الليالي سود وقلوبنـا السـود
الصد والهجـران ماهـي مزايـاك=ماتحول الجـوال وتحـط موجـود
ولاتغير فـي سلوكـك وممشـاك=ولاتوًفًي عهـود وتنقًـض عهـود
و لا تخيب ظـن منهـو ترجـاك=حنا عرفنا طبعك تـروح وتعـود
ماتكره اللي مايبي كـون لامـاك=ولا تجازي راعي الوصل بصـدود
اليوم أنا باشكيك وعلومي عفـاك=لاصار علم الطيب بالناس مجحـود
لاصار لك خل عزيـز و لا جـاك=يوعد وغلبا الناس ماتوفـي وعـود
يخلف وعوده عمد كنـه يتحـداك=ابا انشدك ياعود ويش تنصح العود
لاصار حبك ورده حوض الأدراك=من سبتك شافوا به الناس منقـود
إلى سمع صوتك على البعـد لبـاك=حبك بقلبه لانحسب مالـه حـدود
حطك بعينه وان رقـد ماتناسـاك=يشوف طيفك بين الأجفان موجود
إلى رقدت يزيـن الجفـن ممسـاك=الأسفل فراش وجفنه العالي مهـود
وإلى صحيت يفرش الـزل لخطـاك=يفرش عيونه لـك بساتيـن وورود
دايم بفعل الطيـب والعـز يجـزاك=يرخي الحبل منه وهو منك مشدود
أنا أخبر ان الطيب دين علـى ذاك=مثل السلف وان السلف دوم مردود
دوم الجمايل ذمه وديـن وأمـلاك=مايجحد المعروف من يفعـل الجـود
جحد الجمايل والقطع والتشكـاك=غريزة بيـن المـلا والمـلا شهـود
حن البلا بـك يازمـن وانتبـلاك=رفيقنـا لاغـاب ماعنـه منشـود
وسلامتكم