شاعر يام ( علي بن بلال ) يتحدى خلف بن هذال بابيات افحمته عن الرد

[محمد الهتلاني]

انتبه يا خلف ناطح لك جبل= يا جرادة كلا النار جنحانها
انشد الترك عنا وشعب اليمن= وانشد الدار واللي يحكمونها
اخضعي يا رقاب يا بشوت انزلي= المشالح لنا ثم للفيصلي

[فهد ال هادي]

صح لسان الشاعر الكبير شاعر يام علي بن بلال انشهد انه قضى على خلف

[عبدالله الوعيلي]

يعطيك الف عافيه اخي الغالي محمد الهتلااني
وصح الله لسان ابو ســـلطان


لك كل الغــلا طال عمرك
سلالالام .....

[محمد الهتلاني]

ومن قال يسلم يا فهد وتسلم على الرد يا الغالي

[محمد الهتلاني]

ومن قال يسلم يا عبد الله وتسلم على الرد يا الغالي

[عامر الحجرف]

[size=4]هذي القصيده :في سعد الروقي من عتيبه من الشاعر عامر الحجرف سعد الروقي من عتيبه وفعله غانم مع الشاعر عامر الحجرف يوم بعض الناس صد عن علوم المرجله ويستاهل سعد الروقي هذي القصيده .[/size]
الحقيقه واضحه مثل النهار @والقلوب اسرارها وسط القلوب
والبرى من بين خلق الله جهار @لاحصل بين القبايل والشعوب
والدسايس طبع من دونه استار @يامميزت الصدوق من الكذوب
دام نار العز تقدح من شرار@اقبس النيران والماء مايروب
انص بيتن فيه نور وفيه نار @وزل بيتن طافين من كل صوب
وامدح الوافين وطوال العمار @ولاتضيق ابك المنازل والدروب
وان تركت الدار تلقى لك ديار @رافعن راسك امقدر ومحسوب
واليمين اتمد قدام اليسار @ياسعد منته على الاش امغصوب
انتبه للي عطاياهم اكبار @لاحداك الوقت خباط الجنوب
بينن فرق الطوال من القصار @فالطعن ولا الصحن ولا الجيوب
يامسافر من مطار اليامطار @جيت من شاني وعن غيرك تنوب
النوايب للرجاجيل اختبار@فالكرم والعرف ولا فالحروب
ياسعد تبنى لك البيضاء شعار @فالنوايف مستوى عطر الهبوب
تستحق البن ممتاز البهار @وازرقن لافاح قطرانه يذوب
ولك حقوقن بالسنام وبالفقار @ولك ملابيس الثناء بشتن وثوب
واجب الطيب كمى شمس النهار @رغم عميان البصاير والقلوب ((( الشاعر : عامـــــــــــر الحجرف )))

[محمد الهتلاني]

صح لسانك اخوي الغالي عامر الحجرف ويستاهل الطيب اللي يفعل الخير المدح الف شكر لك على المداخله

[سعود الخويطري]

لاهنت يامحمد الهتلاني


والمحاورة معروفة وبين شعراء كبار



وللعلم /
اخضعي يا رقاب يا بشوت انزلي
المشالـح لنـا ثـم للفيصلـي .


هذا البيت ليس بالمحاورة المذكورة ولكن قد يكون بمحاورة اخرى بنفس اللحن



وتسلم يمناك ياخال


تقبل سلامي

[الـعــتــيــبــــي]

ياربعنا العجمان ماتحسون انكم بالغتو بالموضوع


وين يفحم خلف بن هذال


وابوكم هذا ابو هذال الذي لايقال شعره الا عند الملوك والامراء وروساء الدول



بعدين انت ياناقل الخبر ياخي الابيات اللي انت جايبها واضحه ياخوي

انتبه يا خلف ناطح لـك جبـل
يا جرادة كـلا النـار جنحانهـا
انشد الترك عنا وشعـب اليمـن
وانشد الدار واللـي يحكمونهـا

والبيت الاخير يقول

اخضعي يا رقاب يا بشوت انزلي
المشالـح لنـا ثـم للفيصلـي

وش جاب قافيت هاذي عند هاذيك ياخي لاتطرحون مواضيع الا وهي حقيقيه

تقبل الود والتقدير

[عبدالله الوعيلي]

المشاركة الأصلية كتبت بواسطة الـعــتــيــبــــي

ياربعنا العجمان ماتحسون انكم بالغتو بالموضوع


وين يفحم خلف بن هذال


وابوكم هذا ابو هذال الذي لايقال شعره الا عند الملوك والامراء وروساء الدول



بعدين انت ياناقل الخبر ياخي الابيات اللي انت جايبها واضحه ياخوي

انتبه يا خلف ناطح لـك جبـل
يا جرادة كـلا النـار جنحانهـا
انشد الترك عنا وشعـب اليمـن
وانشد الدار واللـي يحكمونهـا

والبيت الاخير يقول

اخضعي يا رقاب يا بشوت انزلي
المشالـح لنـا ثـم للفيصلـي

وش جاب قافيت هاذي عند هاذيك ياخي لاتطرحون مواضيع الا وهي حقيقيه

تقبل الود والتقدير

حياك الله يالعتيبي ..

وخير ولو ان خلف يقوول الشعر عند الملووك والأمراء
يعني اذا قصائده ماهي إلا عند الامراء .. ان على راسه ريشه ..
خلف انهزم قدام ابن بلااال .. ومهوووب عيب .. المحاوره غالب ومغلووب


عموما حيااك الله معنا اخووي العتيبي .. وسعدنا بوجودك معنا في الموقع الرسمي لقبيلة العجمان ..


ارق التحاااايـا
سلالالالالالالالالام ..