مجاراة الصقور(النجمة السداسية و....) لناصرالفراعنة(نوت وملوك الجن)

[الاصيل اليامي]

بسم الله الرحمن الرحيم



القصيده سميت (النجمة السداسية والزئبق الأزرق ) للشاعر فهد بن فريك الصقور اليامي
- كمجاراة

لقصيدة ناصر الفراعنه السبيعي ( على قبر اليتيمه ) او ( نوت وملوك الجن )

والتي تجدونهــــــــــــــــــا على الرابط التالي

نوت وملوك الجـــــــــــــــــــــــن


والتي قيل عنها أن الشاعر ناصر قد ((سفل)) مع أحد الجان وقد مر به هذا الجني على مناطق كثيره حتى وصل إلى نجران ( بلاد يـــــــــــــــــــــــــــــااااااااااااام )

فما كان من الأخ الشاعر ((فهد بن فريك الصقوراليامــــــــــــــــــــي ))

إلا إمتطاء بنات أفكاره وترك العنان لقبائل الجن المتلاطمة بمخيلته إلا أن يجاريه ويسطر بكلمات الخيال الحقيقي والإحساس الملموس والشواهد اللامرئية في حدود اللامعقول ....
ملحمة شعريه لن تجد له معنا إلا لدى شاعرنا أو الرفيعين في...............

بسم الله الرحمن الرحيم

بوجـه الله وأنـواره زبرجـد خاتـمـي سمـيـت=علـى درب(ن) بـه الآثـام لـه الأطـوار ملويـه
ببرج إمن البحر حوت(ن) وطالع قوس أنا قد جيـت=بسلمـى هوبـر وهـوجـل طوالقـهـا سمـاويـه
بقبر بحضرموت وسدره(ن) دمهـا كمـا الكبريـت=سـواده فـي حمـاره فـي زراقـه نـار مصليـه
بعلم إمن الصحن هاروت وشيوخ(ن) لهـا جمشيـت=عقايقهـا ذماريـه بـطـوق أهــرام مصـريـه
من إقصور الصحاري في جنـوب الخاليـه بلهيـت=من المغرب من السـاق الغرابـي جـات مرضيـه
من السدره من البلقاء مـن الدلهـي مـن أم بشيـت=من المشـرق مـن الغـردق فحيـح الجـن وحشيـه
من إقصور آل سلمى من جزر قلزم بحـور الميـت=مـن إدروب إبـن خـدام الرمـاح بمـاس مبريـه
من الوادي بنـأ مـن وادي السـردد مـن البلقيـت=من المارب مـن الزرقـاء مـن إسلـوس التهاميـه
من الفيلق من الشرشق ومن شوذ(ن) ومـن تصنيـت=مـن أبنـاء الصلاطـم مـن هبيـد إبـن اليهوديـه
من إستبرق من الخندق رعوم ومـن خيـام الخيـت=من السفاح إبـن رقـراق مـن أحـزاب المجوسيـه
سـلام الله وأمـان العقـل بأنـواره مـع التوقيـت=بإنجيـلـه وتـوراتـه وفـرقــان الـزبـوريـه
أمـان إمبردخـا توشـا هشـيـك الله والتشتـيـت=بـزردا هردقيـل إيـمـان شـاكـو دو الإلهـيـه
أولوا هاتي بدريـا جنقـل إستـارا جهـو درنيـت=سمنـدر داتشـي سانـب شترمـرغ إنصولوغـيـه
بهـارا أونـت ريقستـان دارا نـي نهـي قنديـت=بهـو تـاره جهـودري نـرش نرمينـا بـداريـه
بجرنـص ماهتاكـوا جلدشيـر الجنجنـق كمتيـت=قدومـا رنفديـن أنجـي مـن اللهجـات عبـريـه
سرت روحي معا برق(ن) تلالا بالسمـاء وإحييـت=علـى ظهـر الظليـم إللـي هقـل بديـار روميـه
خطامه من جديل أشمط وله مرخـي ولا قـد ريـت=مثل ذاك الـذي الأرضيـن تحتـه جـات مطويـه
صحبني مسحل السكران إبـن جنـدل ولـه حييـت=ومدرك إبـن واغـم مـن شيـوخ الجـن الأزديـه
ولافـظ إبـن لاحـظ بالنظـر لـدد ولـه لـديـت=وهـاذر إبـن ماهـر مزمـر إلـسـان الهلالـيـه
بحـق الله وبوجـه بحـق أوجيـه أهــل البـيـت=قتلـت إمـن الهياكـل سبعـه وسبعـيـن مبنـيـه
من إللي حبهـا فينـي كمـا نـار(ن) عليهـا زيـت=مـن الـوادي لجـب تنعـا وعزوتـهـا بيامـيـه
مـن إللـي تشلـع بقلبـي لهـا لاينبغـي التثبيـت=عطيبـات الشلـوع بكيـه(ن) مـن فوقهـا كـيـه
من إللي بالألف والـلام ميـم وصـاد أنـا فزيـت=مـن إللـي سـورة الأعـراف فـي هلهـا ثبوتيـه
ثلاثيـن الليالـي لحقهـا عـشـر(ن) إذا عـديـت=عددهـا بإثنـتـي عـشـره بأسـبـاط العبـوديـه
دعاء موسى دعـاء هـارون يامـن للهدى صديـت=بـأن الـرب واحـد وأرسـل الطـوفـان بعثـيـه
جهنم والحطب نـاس(ن) تمنـى ليـت ثـم ياليـت=إليـن إنـه يلـج ذاك الجـمـل ســم الخياطـيـه
طرائق فـي قـدد ذيـا بهـا حـي(ن) وذيـا ميـت=وقـد كانـوا لبـد متراكـمـه وآيــات متلـيـه
يصيح إمن النمل صايح ومن هدهـد ومـن عفريـت=ومن صرح(ن) ممـرد مـن قواريـر(ن) زجاجيـه
شربت إمن اللبن قدحـان سبعـه بالظمـأ وإرويـت=من إللي قرهـا مثـل الحـدج مـن فيـض رمليـه
وأخذت من النظر عين اليمامه صايب(ن) ماأخطيـت=مثل نقش الحروف إللـي علـى صمـان صخريـه
ومن شوك السلـم نجنـي عناقيـد العنـب شكليـت=ومـن داء السمـوم إجلودنـا بالـزيـت محمـيـه
رجمت إللي شياطين(ن) بلا رؤس(ن) ولين أعميـت=قوافـل وسمهـا الحـيـه بكـرعـان الصليبـيـه
تلاحقنـي عصـاء بقعـاء وجـرة ساقهـا جريـت=إليـن إنـي قريـت آيـه بـهـا الأرواح مكفـيـه
وريت إللي عصاه إعظـام جـده يـوم بـه مريـت=جنـت الأبنـاء ذنـب أبآءهـا سبعـيـن مسنـيـه
ويوم إني لعجت الصـوت خـرت لـي ولا خريـت=مداغيـش الرمـاح إللـي لفعـل الخـيـر منهـيـه
وجيت الكاهن إللـي بالعمـر عمـرد ولـه سريـت=إللى أين الاسـود تمـت ودار(ن) منـك منسيـه
ألا إما وكم قرن(ن) تصارع بـك وكـم أرديـت=وأي الفـلـك تسبحـهـا وأي أدوار مـرعـيـه
وعمر(ن) أنت تحملـه ينـادي شيبـه التصويـت=إلـى أيـن ومتـى هـل كيـف نبـدأ الإنتهائـيـه
فقال: إن كربلاء بيشل جنته قبـور فـي تكريـت=وتوحيـد الإلوهيـه لــه أسـمـاء وربوبـيـه
فقلـت: إلا رعـاك الله أخبرنـي عـن الحلتيـت=فـخـر يبـكـي بالـدمـوع إلـلـي كبوتـيـه
فصاحت والرمـاح بهـا بقيـد الحـزن والتكفيـت=بعكفـان الضلـوع إللـي بهـا قطفـيـن مثنـيـه
ولينه يابري حالـي مـن إللـي شفـت بـه حنيـت=كـلاء أبنـاءه السبعـه وعـاش بــدون ذريــه
بكاء الميلق تخاريـص الثيـاب إللـي لهـا رديـت=علـى رؤس الغراميلـي بتـابـوت الجحـوديـه
مليت المجندة بسهـوم بـرق(ن) بالنضـاء وأغليـت=بجاثوم(ن) علـى جلحـوف سـدر وريـف مرويـه
وشفت إللي بكاء قافـه رمانـي بالنظـر وأخطيـت=على كبـد الغـراب إيصـوم يـوم بليـل شهريـه
تدق الطـار والمزمـار صيـرف دندنـه جريـت=علـى بنـت السليـل الجرهمـي الأعمـال بالنيـه
وأنا أدري من بناء تدمر صفاح ومن عمـد وإلقيـت=قبيلـه مذهـب بتسعـه عـروج الـذود حوشيـه
وقالوا: جللـت مـن حوشنـا ببكاركـم فـي عيـت=إبل من عسجـدي وإبـل(ن) بعيـدي ثـم عمانيـه
وقال: إللي ظلم: طاعون عمـواس الـذي قـد فيـت=رمـاح الجـن شنـت حـرب بالمسمـوم مسقـيـه
غسـق ليلـي وأعنـان الشياطيـن التـي قـزيـت=من أعطان الإبل فإحذر صلاة أعطـان الأرضيـه
وموج(ن) والزبد الأسود جزر موجـه وأنـا مديـت=ولينـه تنكويـر أعظـم ملـوك الـجـن هنـديـه
فقلت: أعطي جواب(ن) صادق(ن) فينـا إذا رديـت=من أعظـم جـن والوجهـات بالتحديـد شاميـه
فقـال: إنـه يسمـى دركـازاب الشـام ماسميـت=تسمـى مـن طلاسـم كاهنـة الإغريـق طوكـيـه
هـي إللـي حسبتهـا بالمنـادل والنجـم وإغبـيـت=ومنهـا صـار جبـروتـه مشـاذيـب الدمشقـيـه
ومن أعوانه الشنقنـاق بـن عملـوق ذو الجرنيـت=يليـه الشيصبـان إللـي عميـق بــروج مائـيـه
فقلت: أجسادكم: جاوب من النـار السمـوم إحميـت=خلقنا مـارج(ن) مـن نـار ودار الإنـس مغويـه
وتدعيني عجوز(ن) مـن يريـم وجيتهـا وإسهيـت=مـن إللـي عينهـا فـي راس نهديـهـا حقيقـيـه
فقلت: أعوذ بالله منش قالت: ويـش بـك سويـت=تعـوذ خلقـنـا ولا مــن الأعـمـار الألفـيـه
حن إللي بالعمـر الألفـي طغينـا يافهـد وإغويـت=قبايل حـن سعالـي حـن قطاريـب(ن) وغوليـه
وإنسـان(ن) فجنيـه فأتـراب(ن) بـهـا صبـيـت=فعملـوق(ن) تسمـى مـن نتيـجـة الإختلاطـيـه
وجاني شايب(ن) يرغي ويوم إنـه رغـى فأوحيـت=شماريـخ القصيـد إللـي علـى عرجـون برنيـه
وشيطان الرقي شعـر(ن) يجارينـي ولـه جاريـت=بـوادي عبقـر المنطـوق بالمجـمـول شعـريـه
كمـا جهنـام والخطـار والطيـع فـلا حاكيـت=تفاصيل الجـواب إللـي بلاغـه صـرف نحويـه
وهي نجمـه سداسيـه عطونـي علمهـا وأحصيـت=رموز الكون فـي علـم الفلـك ماقبـل الإنسيـه
ودلوني على الشيـخ الجليـل أولـه ظليـم أهديـت=علـى قمـة جبـال السرنديـب العـلـم مـاريـه
فعلمني من المقعد مـن الحاسـر وقـال أصغيـت=وعلمنـي مـن الأعمـى وقلـعـة الأندولوسـيـه
وعلمني مـن الشاقـي مـن الأشقـى وقـد أشقيـت=وعلمنـي عـن الـسـد العظـيـم الإحتوائـيـه
وعلمنـي عـن الإمـلاء عـن الأمـال ماملـيـت=وعلمنـي عـن السبـع العقـول إللـي رئيسـيـه
وعلمني عن أضرار الضرر والمستضر إحضيـت=وعلمني عـن الضـراء وعـروض الضروريـه
وعلمني عن الهرمس وعقـد الصلـح ليـن إقويـت=مابيـن الإنـس هـم والجـن والأحقـاد كفـريـه
وكان المشكلـه نمـرود بـن جبـار يـوم أرسيـت=بدلـو المـاء مجانيـق الحجـج بالحـق مقضـيـه
وإضطر بن مايـان بـن كيـوان وغـرور الهيـت=ردعها علم آصف: في غضون إغضاض طرفيـه
وقال: إن الحكيـم إسمـه يسمـى بيرسـات إعليـت=ملقـب شـاه مـردان العـلـم بـآيـات قدسـيـه
وداره مملكه مـردان فـي البحـر الخضـر زليـت=جزيـره وإسمهـا صاغـون خـط الإستوائـيـه
وريـت البختـري نبتـه زماليـق(ن) ولا عديـت=نجوم(ن) تلتطم عرض السمـاء شظـف وعموديـه
فألا رد البـراء يإللـي تعاكـس وجهتـي وأشفيـت=دوانيـق الخشـب والـمـوج يلطمـهـا شمالـيـه
وجيت إللي علـى برخـوص هايـل دعوتـه لبيـت=يـدق إمـن الثنـادي دقــه المكـسـور قهـريـه
وجـر البيشنـه جـره قتيـل(ن) منهـا ضجـيـت=كمـا جـر الـزراف إسلالهـا وطعـون جنبـيـه
وقـال: الفارعـه والهرمـزان أقفـوا ولا مالـيـت=بشابور(ن) وإبـن سابـور وقتـل الحـر عمديـه
وأنا إللي حالف(ن) والثـار يقضـى كاننـي لاقيـت=جيـوش(ن) عيشهـا فينـي بوجهـي عـار مطليـه
فقلت: إصبر وذي الدنيا تدارج بالرحاء وإرحيـت=ومطحون الحزن تنسـف هبـوب الريـح فوقيـه
فقال: البندريـه فـي طـرف جـدي ولـه داريـت=وقلـت: الدايـم الله والحـيـاء فـتـره زمانـيـه
فقال: البئـس للدنيـا وحـال(ن) فيـه قـد أفنيـت=بمـا فيـه إختـلافـات الزمـانـات المكانـيـه
وقد كنا بعلم(ن) في السماء ندري ببعـض الويـت=ونعطيهـا بنـو الإنـسـان والقـربـان سحـريـه
فسحق(ن) معشر الإنسان من إللي بي بـلاء وإبليـت=كسحـق الزئبـق الأزرق لجـبـروت المجنـيـه
فقلت: إنا بنـي همـدان لا تجهـل فقـد وافيـت=سيـوف(ن) ترفـع الحجـه وتثبتـهـا أكيـديـه
تجاهلنـا وحـن نجـم(ن) تراقـي بـه وإذا راقيـت=فـلا ترقـى وإذا ترقـى فراقـي الشهـب رصديـه
نصيحه خل روحك جاثمه وإنسـى وإذا سجيـت=فـدور(ن) ينتهـي وقتـه وصبـر(ن) لا إتكاليـه
وعلـم الله والرحمـه لا تحصـى وإذا أحصـيـت=فأنـت الجاهـل إللـي زاد عقلـه كـم جهلـيـه
تقول: إن الشديد الله وأقـول: إيـوه معـك ماشيـت=وأقول: إنـه لـك أقـرب مـن لبـن الأم الحنونيـه
فخـل الله نصـب العيـن وزبـدة ماأنـا نصيـت=إلاهـي لاتكلـنـي نفـسـي الـضـراء لحظـيـه
وجيت إللي على جابوح سينـاء بالجـدى وأجديـت=وحتـى إنـي وصلتـه دون مركـوبـي برجلـيـه
فقال: إتشوف ذا الجرجوب في قاعـي وأنـا شكيـت=بـأن الشـق فـوق الأرض يعنينـي خصوصـيـه
فقلت: البيت طين وتنقله وأبطـاء معـك وأبطيـت=تجمرش وأنصـدع والقـاع فـي شـره عموميـه
فقـال: إلا صدقـت بعلـم طوقتـه وبـه كمـيـت=تجـاوب حسبمـا منهـج علومـات الجيولوجيـه
فقال: الفيض في وادي سماوه عـن أبـي قصيـت=وفاضـت بـه بحيـره سـاوه إبمـدات موجـيـه
وليلن(ن) وإخمدت به نـار فـارس مالهـا طفيـت=ورؤيا الموبـذان إبـلا(ن) صعـاب وخيـل دجليـه
وكان الإرتجاس إللـي رجـس الإيـوان ماراويـت=نزول الحـق فـي رؤيـا ملـك ساسـان كليـه
وألا ياجبـل قزويـن علـم(ن) بـه عليـك إفتيـت=تذلل ياجبـل وإخضـع مسيـرة جيـش كوفيـه
تذكر معركه صفين والحـرب الضـروس الصيـت=ورايـات الجمـوح إلـلـي تـرفـرف بالعقيـديـه
وقمت أجري على البيداء تعبت من الجري وإحميـت=وصيحات القبـور ألعـن علـي مـن طلـق ليبيـه
ولين إني على الحد الجنوبـي طايـح(ن) وإغشيـت=مـن جيـوش(ن) عمايمهـا تخاضرهـا يمانـيـه
وقال: إللي معي قص الخطـاء بعـدي ولا حسيـت=تشوف الجيوش إللـي تغطـي الشمـس حربيـه
ثمـان إميـه ثمـان إميـه يملينـي بهـا وإمليـت=وضربهـا علـى ألـف ألـف وتدبلهـا جماعـيـه
يجيك من العدد جيـش(ن) تباهـا باللـواء وإبهيـت=وهو ذا جيـش مـن قـاده مـن الأنسـاب مهديـه
على دار(ن) عبقهـا بالنسـم فرضـي وإذا صليـت=تخـر ودمعتـي الأخـدود تمسحـهـا الحصينـيـه
وألا لله درك ياقصـيـد(ن) بالحـشـاء كـنـيـت=يسابقنـي علـى خـط القلـم ويجـيـك تحتـيـه
وألا أدري هل خطيت الوقت ولا هو خطاء وأقديت=ولا أدري عقلـي الأمـي أو الدمعـات الأمـيـه
وحبري هو المحيط الأطلسـي يـوم إننـي داويـت=بريشـة طيـري الطـاؤوس الأقــلام العنيـديـه
وطرسي من جلود(ن) بالقـرض تدبـغ وإذا خطيـت=فعقلـي فيلـسـوف وفكـرتـي دبـلـوم نفسـيـه
وشعـري جامعـة وبهـا تلاميـذ القـلـم لفـيـت=وقولـي منهـج التعليـم وفـصـول(ن) دراسـيـه
حياتي والممات بـذا الزمـن شينـي بهـا ساويـت=ولا زد همنـي فـرصـه أخـيـره أو مصيـريـه
وليلي لندلـج جريـت صوتـي بـه وليـن أبكيـت=طواهيـش الغـداري والوحـش والبـوم والحـيـه
وأدرقـل لاحنـي محـزون وأجـره وإذا جـريـت=كسـوا الألحـان كلمـات(ن) عظيمـه وإرتجالـيـه
تعلمنـي وأعلمهـا تسامـرنـي وإذا خصـيـت=سؤالـي جاوبـت: مـادل فـي صيغـه بلاغـيـه
تزعلنـي وأزعلهـا وترضيـنـي وإذا راضـيـت=بكت لـي وأستبـاح الفـرع بالوجهـات الأصليـه
وهي ثنتيـن: وحـده تضحيـه وأخـرى إذا شليـت=فهي صيب ونصيـب وحسرتـي بالجـاش جوفيـه
صدى صيحاتهـا قلبـي وأنـا فـي بيرهـا دليـت=وألا ويلاه ياقصـه زمـان(ن) جيـت فـي طيـه
وهي مثل الكفن للميـت يـوم إنـي لهـا حبيـت=وأنـا مثـل السجيـن لحبـهـا والحـلـم حـريـه

الشاعـــــــــــــــــــر

فهد بن فريك الصقور اليامي

[نبع الغلا]

صح لسان قايلها

وسلمت أيد ناقلهاااااااااااااا

وسلمت الايادي يالاصيل

[يام ابن يصبا]

فعلا رائعة من روائع الشعر بل هي ام المعلقات السبع فيها الكثير من الاسرار والرموز الكهنوتية الايمانية التي لا يفهم معانيها الا شاعر رباني مثل قائلها الشاعر الصقري اليامي,
شكرا لك اخي الاصيل اليامي , وفعلا قصيدة تستحق الاشادة والتثبيت في المنتدى

...

[اليامي في امريكا]

صح الله لسان الصقري
وشكراا على نقل هذة القصيدة الأكثر من رائعه

أخوكم اليامي في أمريكا

[النمــر]

صحححححححححح لسانه

واقسم بالله انها اطلق قصيده سمعتها

انا اشهد انه يجاريه ونص مااقول الله يعينك ياناصر على الرد عليها ههههههههههههههه

ونعم ونعم ونعم ياصقري ياابن عمي

والله يعطيك مليوووووون عافيه يااخوي اصيل

على النقل

كنت ابي اسمعها او اقرأها الله يبيض وجهك ،،

عز الله ان الحجاج يرتفع منها

واللي ماخذ عقلي انه في القصيده تكلم فارسي والفارسي ومن اصعب اللغات

كفووووو ياابن عمي

بيض الله وجيهكم ياعيال عمي

اخوكم النمــــــــــــــر

[ابن نصيب]

القصيده فعلا خياليه , وانصح بسماعها صوتيا .

وبالنسبة للابيات الاجنبية بداخلها هي من اللغة العبرية !!!!

[محمد الشامري]

ومن شوك السلم نجني عناقيـد العنـب شكليـت &&&ومـن داء السمـوم إجلودنـا بالزيـت محمـيـه

الله الله

قصيده رائعه ولاعليها حكي

صح الله لسان شاعرها ويد ناقلها

ولاهنت يااليامي على النقل لاهنت

[شبيب بن فنيس]

ايقوووووووووووووولووووووووووووووون المعنى في بطن الشاعر


وانا ودي افهم القصد منها ولا وش قصده


مدري هو ايحضر


الجن

هو ذكر القبايل وتكلم باللغه حقتهم


وذكر اسمائهم

ووذكروديانهم كلها

لاهنت على القصيده وصح السانك ملاااييين

وانا في انتظار التوضيح للي عنده توضيح