مآهو غـرور ولآ توآضع .. كـل مآفي آلمسأله ... !

[عايض الوقدان]

مساء الخير على الجميع




عجبتني اتمنى أن تعجبكم /

الصاحب اللي كان مشغلني برد الأسئلة =حتى سكتّ .. وبعدها صار السكوت أفضل جواب
كم قلت له : مثلي عن ألوان العمر لا تسأله =أنا تساوت عندي ألوان السعادة و العذاب
أنا حياتي مالها إلا لون واحد .. واجهله =خليط من لون الهوى و النار و الماء و التراب
ما مر في عمري مراحل .. كل عمري مرحله=في كل عمري كنت طفل وكنت كهل وكنت شاب
أصير شايب ما شعرت..إن المقابيل أرمله =وإذا شعرت إن المقافي طفلة أعود شباب
أنا الغريب اللي جميع الناس في الدنيا هله =وبرغم هذا خاطره من قرب كل الناس طاب
أبكي على حالي لأني ما قدرت أبكي وله =واضحك على حالي لأني ما قدرت أضحك اعجاب
مالي شبيه إلا السكوت اللي يثير البلبله =ومالي نقيض إلا الكلام الكذب و الفعل الهباب
بين الأماني الماضية و الذكريات المقبله=أمشي وخطوات الحضور أرسم بها جرة غياب
أتمهل إن مرتني أيام الرخا مستعجله=وأقول لو تقبل علي بالمال : يا مال الذهاب
قدرت أعيش الواقع اللي ما قدرت أتخيّله =مدري أصبت العذر أو في عذري أخطيت الصواب
بس المهم إني قدرت اضرب لغيري أمثله=وشلون ما يرجي ثواب الصدق أو يخشى العقاب
ما هو غرور ولا تواضع .. كل ما في المسألة =يا صاحبي .. إني رفضت أحسب لغير الله حساب
طرد السراب لمن يحسبه ماء .. ما هي مشكله =المشكله .. طرد السراب لمن يعرف إنه سراب

للمبدع/


رشيد الدهام

[وافي بن وافي]

طرد السراب لمن يحسب انه ماء ماهي مشكله..المشكله طرد السراب لمن يعرف انه سراب
هذا البيت عن قصائد عده
شـكــ وبارك الله فيك ـــرا لك
وصح لسان رشيد الدهام

[ليــه يازمـــن]

لاهنت على القصيــده

والله يعطيك العافيه

[ناثرة الورد]

{{ عـايـض الـواقـدان }}
,
,
آآبداع غير مستغرب
دمـت بهذا الرقي
تقديري ..,

[نيَـة فراق ..!]

عايض

توقّف [ ذائقتك ] امام هذا النص ..
دليل على مرتبه عاليه من الذوق ..

صح لسان / رشيد

ولاهنت


تقبّل تواجدي هنا

[البندري القحطاني]

مالي شبيه إلا السكوت اللي يثير البلبله
ومالي نقيض إلا الكلام الكذب و الفعل الهباب

الله .. رشيد دهام رقي شعري .. من نوع اخر .!

تسلم يميــنكـ و لاهنت

[نوفاتي]

بيض الله وجهك عالقصيده

[عايض الوقدان]

المشاركة الأصلية كتبت بواسطة وافي بن وافي

طرد السراب لمن يحسب انه ماء ماهي مشكله..المشكله طرد السراب لمن يعرف انه سراب
هذا البيت عن قصائد عده
شـكــ وبارك الله فيك ـــرا لك
وصح لسان رشيد الدهام

مرحبا يا وافي /


مرورك سعدني .. وعطر المتصفح


وفعلاً البيت روعه

[عايض الوقدان]

المشاركة الأصلية كتبت بواسطة ليــه يازمـــن

لاهنت على القصيــده

والله يعطيك العافيه

حيآك الله


ومنور الصفحه



تسلم على المرور /

[عايض الوقدان]

المشاركة الأصلية كتبت بواسطة ناثرة الورد

{{ عـايـض الـواقـدان }}
,
,
آآبداع غير مستغرب
دمـت بهذا الرقي
تقديري ..,

ناثرة الورد



نورتي الصفحه


الابداع هو مرورك الكريم


أحترامي