مساكم الله بالخير والعافيه ياربعنا
قصيده كيبورديه والقصه وهميه واسمائها وهميه بمافيها اسم النائب الفاضل واسماء المناطق ايضا وهميه بالعربي لاحد يصدق
صلو على النبي,,,,,,,,,,,,,,,,,,,,,,,
قالت لي بتقدر على البعد شهرين=قمت اتثيقل قلت مانيب دراي
قالت لي رد بسرعه ارجوك والحين=الوقت ضيـّق والجواب اختياري
قلت ادري انش في كلامش تسلين=يعني ماهو جدا ضروري قراري
انااعرف أوضاعش عدل واعرفش زين=ولا انتي من اللي بالسياحه تماري
وابوش قلتي راتبه للديايين=ومن الزمان الشين شاف العزاري
مابين هم ودين ودرشق بزارين=يعني السياحه مالها اي طاري
وقلتي لي امس انه غدى بين نارين=جيبه مخبط به اخيـّش مشاري
ومن امس وهو صافط مقابل لبو زين=قصيركم اللي يبيع القواري
وابوش يقول ان مامعه غير عشرين= وحسابه منتف ولاهوب جاري
ويبغي يزود القرض لومبلغ ألفين=لكن رفض قرضه البنك التجاري
يعني شهر صعبه علي بتغيبين=بالله خلي عنش كثر الهذاري
انتي ان كشختي رحتي اسبوع يبرين=ويومين في الخفجي وجيتي اجباري
قالت تعرف النايب الفاضل حسين= قلت ايه قالت اشهدانه حضاري
ماعنده احاول ويمكن وبعدين= رجلن على العسره مجمـّل وضاري
قدم لنا على الحكومه كتابين= ووقع لنا سفرة علاج اضطراري
وهذي التذاكر شوفها صوب برلين=بروح انا واخوي واختي عذراي
وانا ماني مصدق ولكن بالعين= شفت الكتاب موقعه الاستشاري
هذي فوايدكم يالاعضا الميامين=تزوير وكذب وصوت بايع وشاري
لابارك الله فيك يالنايب حسين=والله ماصوت لك لو انك حضاري
وسواااااااالم
19-07-2006, 05:23 PM
العرض العادي
المواضيع المتشابهه
