محاورة صوتية بين الشاعر الكبير ( علي بن بلال ) و ( هادي الرزقي )

[راعي الحرشاء]

يامرحبا ترحيبـه ٍ مثـل العسـل=ترحيبـه ٍ فيهـا وقـار ومقـدره
يالعازمـي ياذيـب ولا ياعـلـي=واللي عقد روس الحبال ايحلهـا
الليله المعنى علـى راس الجبـل=واللي طلع راس الجبل ماحـدره
هبت على البيدا رياح ٍ صلصلـي=واللي عقد روس الحبال ايحلهـا
حييت من شاعر معاصير الـدول=كل ٍ نصيبـه لـه ولـو مـادوره
والذيب لي هلحين مافـك الطلـي=واللي عقد روس الحبال ايحلهـا
تراي ابيك اتصير بالتالـي جمـل=وان حملوك البدو حمـل ٍ تقـدره
تمشي على خطه حصاني واجملي=واللي عقد روس الحبال ايحلهـا
اليا صرفت اجنيه مانصرف هلل=والا الجنازه مالهـا الا المقبـره
والمبتلـي يلله تعيـن المبتـلـي=واللي عقد روس الحبال ايحلهـا
امـا درى بالسالفـه ولا جـهـل=ولا يموت الذيخ والناعـي مـره
ارتاح يبن بلال مانـت بالاولـي=واللي عقد روس الحبال ايحلهـا
اللي خذا الاجره يحاسب بالعمـل=مثقـال ذره يعملـه رزق ٍ يـره
وانتا غراب البين مانت امحجلـي=واللي عقد روس الحبال ايحلهـا