بغيت المساعده من أهل الشعر

[سارونه]

السلام عليكم ورحمة الله وبركاته

أخواني ..

عندي أستفسارات أتمنى ألقاها عندكم ..

الشاعره الراسيه المريه ..

هل تقيم امسيات مختلطه

؟؟

يعني بالعربي أقدر القى لها صورة شخصيه ؟؟

..

اهي أقامه امسيه بالدوحه قبل اسبوع تقريبا ..

منو يقدر يزودني بقصائدها ..؟؟

وان شاااااء الله يكون هذا المكان المناسب لموضوعي ..

واسفه على الازعاج ..

[محـMـد الـMـري]

عليكم السلام ورحمة الله وبركاته

حياك الله يالمطيريه
بخصوص الشاعره الراسيه

اما عن الصوره الشخصيه فعذراً بغمكانك سؤال الاخت الراسيه هذا السؤال
اما عن القصاءد فتفضلي بعض قصائدها وعندي لها المزيد


لــــفــــتــــة الأعــــــنـــــــاق

الا يالـلـي تحسبـنـي ورى الشـهـره ابــي انـسـاق=انا ما انسقت للشهره ولا شهرتـك تغوينـي!!
انـا حــواء وساقتـنـي عـلـى تفاحـتـك الأشــواق=ونا ديتك تطعّمها 00غريتك وانـت تغرينـي
خرجنـا للسعيـر وحـتـت غـصـون القصـيـد اوراق=ثمرها جمـرةٍ بثـت رمـاد الذاكـره فينـي
لبسـت مـن الـورق ثوبـا يعـزز رغـبـة المشـتـاق=يداري ما يداري من ثمره ان صـح تخمينـي
سترنـا مـا فضحنـا وكـل سـتـرٍ يـغـوي الخـفـاق=تثنينـا علـى عـودٍ ثنيتـه وانثنـى لينـي
انـا مـا غرنـي حــب الظـهـور ولفـتـة الأعـنـاق=ولكن00غرني وقتٍ طموحه ما يساوينـي
غـرور الشـعـر ماهـمـن ولاهمـيـت لــه بعـتـاق=ولا همتني الشهره 00وقلـبٍ مايدارينـي
حلفـت انـي مـا ازيـد اليـوم واحـد واخلـف العشـاق=حلفت ان فاتني ركبه لامـول ليـل ياعينـي
حلفـت ان الهـوى كـذبٍ فعـيـن الراسـيـه مــا لاق=حلفت وما حلفت اني اخالف صدق تكوينـي
حلفـت ان الشعـر فينـي مـثـل قطـعـة جلـيـد وراق=حلفت اني حويت الصدق في شعري ويحويني
حلفـت انـي مـع عمـري اعيـش فلحظتـيـن اسـبـاق=حلفت ان ما سبقت العمر لأدفن وانـت تبكينـي
امانـه خلـنـي والــروح اطــوق ظهـرهـا بعـنـاق=امانه خلني احيـا وعبـد الحـب يرثينـي
انــا مــاودي الشـهـره واكــره ضيـهـا الـبـراق=واذا منك بغيت الجد ترى شهرتـك تكفيني

بنت الفقير

مــن يــذوب فــي غــروره صفـاتـه يـــا أمـيــر=طــق صــدرك للمـراجـل وذوب والـديـه
مــن رحــم فــي سـاعـة الـذنـب تجـريـح الضمـيـر=يرحـمـه رب يـلـبـي لـعـبـده مطلـبـيـه
مــا ارفــع حجـاجـي باأصـلـك وانــا بـنـت الفقـيـر=ساعـة الهلكـه لفتـنـا وكـلـن لــه يـديـه
عـلـمـو مـــن لا تـعـلـم تـــرى مـالــي خـشـيـر=النزاهـه فـي يمينـي وانــا بـنـت النـزيـه
مــا احـنـي الهـامـه لعـبـد وانـــا ذنـبــي كـبـيـر=ولـو سجـدت اسجـد لـرب يلـبـي داعيـيـه
يـاولـد شـيـخ القبـيـلـه تـــرى فـراشــي حـصـيـر=والـدي لاأمسيـت جنبـه ثنـى لـي ساعـديـه
لا تـلـحـفـت بـحـرايــر ولا شــفــت الـحــريــر=ولا لبسـت الذهـب الأحمـر ولانـي برتجـيـه
زينـتـي ياشـيـخ مــا هــي مــن زكـــاة الـوزيــر=ولا ثمنهـا فـي زمـنـا "ريــال ولا جنـيـه"
زينـتـي مــن ربــي الـلـي شـفـا عـبــد ضـريــر=نعمـة ينعـم بـهـا الـلـي هنـيّـه وسعـديـه
مــا اتبـاهـى فــي جمـالـي عـلـى الجـمـع الغـفـيـر=لكنـن روحـي جميلـه! وشكلـي مـا عليـه!!
مــا عـرضـت السلـعـه الـلـي لـهـا شـانـن خـطـيـر=ولا تغطرسـت بجمالـي علـى هـذي وذيــه
ولا نـسـيـت الـيــوم سلمـي0وعـرفـي 0والـسـعـيـر!!=لعنبـو مـن ضـاع عرفـه ويلعـن شاهديـه!!!

التحدي

يميـن الله يميـن الله لأعلمـك التحـدي كـيـف ؟
:::::::::: واعلمك القصيد شلون يخضع لي وانا بنيـه


واعلمك السمـا وشلـون تمطـر والليالـي صيـف
:::::::::: واعلمك المذاهـب الأربعـه وتبيـت النيـه


انا بقولهـا لـك جد00تـرى مـا ينفعـك ياحيـف
:::::::::: واذا انك "انس" ياعمي تراني سـاس جنيـه


انا ما ارد لك شوري وشـوري مثـل حـد السيـف
:::::::::: اليا منه بتـر يبتـر بوقـت السلـم والهيـه


يقولون السما زرقا وانا اقـول البحـر والسيـف!!
:::::::::: بهم نفس الزراق اللي نشوفـه بالسمـا زيـه


يقولون الفضا واسع وانا اقـول المـدى مـا شيـف
:::::::::: اجل وشلون لا شافو فضاهم للمـدى فيـه!!


مداي اكبر من وجيـه بهـا كـذب ونفـاق وزيـف
:::::::::: وصداي ارحب من نفوس الرجال وكل نشميه


امد الكـف واراهـن واعـرف صيغـة التعريـف
:::::::::: مدام ان الوجيـه السـود والكفيـن مقريـه


وضوحي مثل عين الشمس مـا يحتـاج للتوصيـف
:::::::::: واعرف ان الجهامه عن وجيه القوم مطويـه


ترى هذا قصيـدي جـاك بـلا غـش ولاتحريـف
:::::::::: واذا منك لمست سهيل 00تعال وصافح يديـه

العطش المتورط بالحلال

امــا تـمـوت لظـمـاي00او تشـربـن كـلـي
................. والا نتلاقى وكلـن يشـرب الثانـي
كـم ليـلـة مــا رشـفـت الـمـاي ياخـلـي؟؟
................. يبسن حنايا الضلوع وجيـت شفقانـي
اهـرجـك لا مـتـى ياصاحـبـي0000 قـلـي؟؟
................. الى متى الموت لا شفتـك تغشانـي
ياعلقـم الحـب لا عــز الشـهـد مـن00لـي؟؟
................. وياهمي اللي يهز اعمـاق وجدانـي
جيـت العـب الحـب هلـي بـي وانــا اهـلـي
.............. جيت ارمس شوي واسمع صوتك الحاني
واضحـيـت واثــر الليـالـي سيفـهـا سـلـي
................. يامسرع الوقت كنه رعشـة اجفانـي
وهمسـت لـي بالغـرام وصحـت لــك عـلّـي
................. علي ترى الهمس يامضنوني اشقانـي
تكـفـى دخيـلـك تــرى حــرم اللقـاحـلـي
................. تعال00غن القصايـد بـس علشانـي
تـعـال زل الـهـوى مــن رعشـتـي زلــي
................. زل الهوى ما تحمل سكـرة اعيانـي
يـاخـل والله لــو انــك شـــاربٍ ذلـــي
................. يموت قلبك عطش ما يمـوت ريانـي
تـعـااااااال اشــرب ظماك0اواشـربـن كـلـي
................. خلنا نتلاقى وكلـن يرشـف الثانـي

امي والمرض

اماه من ضيم المـرض لا تونيـن=يون قلبـي مـن ونينـك ويرتـاع
يكفخ بصدري خافقي يـوم تشكيـن=كفخة طويرٍ فالسما فرخهـا ضـاع
امـاه دمـي ناشـفٍ فالشرايـيـن= ليت المرض فيني واسليك الأوجاع
اسهر وكل الخلـق يامـاه ممسيـن=اصطفقت نجوم السما في ثرى القاع
يالعنبـو حمـى تخليـك تبكـيـن=ويالعنبو حظٍ مـن البيـن مطـواع
افداك انا بالروح ذالحيـن ذالحيـن=واحط قلبي تحت رجليك وانصـاع
جيت كنك شحة الماي ما بليـت ريـق=ورحت كنك زاد يـوم ولاذقنـا مـذاق
من ورى عوج الحنايا على قلبي تويـق=كنك اللي يفرج الضيق يوم الكون ضاق
التويت بجمرة العشق واشتـب الحريـق=لين ذاب الثلج الأبيض وراق الموت راق
حالي اللي من عنا الحب ما سر الصديق=شارب كاس التلاقـي وافكـر بالفـراق
يرجفن سهم بقلبي غدا جرحـه عميـق=رمية من يد (شيخ) كسب رهن السبـاق
واهنيك في خفـوق غـدا دمـه يريـق=واهنيك في عيونن بكـت يـوم التـلاق
آه ياسيد الرجاجيـل وش عنـدي يليـق=كان قلبـي ماخذنـه ولا حـل الوفـاق
لامتى وانا على الجال مطروح غريـق=لا متى ودموع عينـي تهامـل للعنـاق
ارحمن يالله عسى القلب من نومه يفيـق=ارحم اللي من فراقك على قبره يسـاق
ارحم اللي مايبي الجاه والأصل العريق=بايع شعب الجزيره على شعب العـراق
ما غفت عيني ولا ذقت طعمـاً للمليـق=اشهد ان بعدك عـذاب وذل مـا يطـاق
آه ياشحـة مـزون لهـا لـون البريـق=ارعدت فوق الحنايـا ولا ذقنـا مـذاق

الى قبر والدي

تـخــايــلــي بـــــــروق يــا"عــلـــي" قــــامــــت تــخــاويــنــي
.............. تحـايـلـنـي عــلــى الـمــســرى بـلــيــلٍ تـنـطـفــي ضـــــوه
:
هـــمـــوم سـحـبــهــا تــمــطــر ويـــرعـــد جـــوهـــا فــيــنــي
....................هــــلا بـالـحــزن لامــنـــه لـفــانــي صـــــادق نـــــوه
:
نـصــيــتــك وادري انـــــــك راحـــــــل مــنــتـــه مـمـالـيــنــي
............... وغـتـرنـي حـظــي الـخـايــن بـكـونــن ضــــاق بــــي جــــوه
:
بـغــيــتــك يــايــبـــه عـــونــــن اذا ضــــاقــــت تـسـلــيــنــي
................. تـداويـنـي مـــن جـروحــن بـظـهــري جــــات مــــن قــــوه
:
ودريـــــت انــــــي وحـــيـــد بــالــمــلا مـــحـــدن ابـاغـيــنــي
.................. اخــايــل فــــي غـيـابــك لـهــفــة الـمــطــرود لـلــخــوه
:
وســـريـــت بــعــاتــم دمـــعـــه عـــلـــى خــــــدي يـبـاريــنــي
............ اجــــر الآآآآآآآآآه مــــن جــرحــن بـقـلـبــي مـاشــفــى تـــــوه
:
اهـــوجـــس كـــيـــف يــادنــيــا مــــــع حـــظـــي تـعـاديــنــي
................... رمــــادك مـاخـفــى جــمــرن لـهـيـبـه مـاكــنــن جـــــوه
:
عــلـــى جـــــال الــرمـــاد اشــكـــي قــريـــب جـــــا يـبـكـيـنـي
..................... قــريــب لـكـنــن بـيـنــي وبـيـنــه يــــا يــبــه هــــوه
:
نـسـانــي وســــط بــيــد الـقـيــض وشــمـــس الـقــيــض تـصـلـيـنـي
....................يـالـيـتــه يـايــبــه داوى جـــروحـــي لــيــتــه ولــــــوه
:
يـالـيــتــه مـــاخـــذا مـــنـــي وعــــــودا لـــــــو يـخـلـيــنــي
................. يـاويـلـي مـــن لـظــا بــعــدن تــــرك فــــي ضــامــري اوه
:
صـــــرخ فـــــي داخــلـــي جـــرحـــن صــيــاحــه مـايـنـسـيـنـي
.................. يــجــوز بـشـرعـكـم قـتـلــي واذا جــــاز الــشــرع ســـــوه

ويم ياك وين قحطانٍ ومُرّه

ضاقت الدنيا الوسيعه في عيونـي=واصبحت عندي مثـل مثقـال ذره
ياصباح الدمع الاسـود ياشجونـي=بالقدر آمنت فـي خيـره وشـره
اشهدان ها.. صدق ماخابت ظنوني=شفت في وقت الضحى كل المجره
واعدونـي واعدونـي واعدونـي=جعل مايبقى لهم ف الارض جره
جعل قومٍ جاو من دونـه ودونـي=ماتشوف عيونهـم لحظـة مسـره
هيضونـي لعنبوهـم هيضـونـي=بالقصيد اللي غـدا فالكبـد حـره
كـل ماواعـدت ربـعٍ خالفونـي= مابقى فالخُرج من حلفـي مبـره
وين ما وجهت يامكثـر طعونـي=كنها جيـشٍ تمركـز فـي مقـره
آه يا(بخـوت) صوبـه ماخذونـي= وين يام وويـن قحطانـن ومُـره
وين فزعة ربعي اللـي مانسونـي= وينهـا بقولهـا الفـيـن مــره
ضاقت فياض الوسيعه وابهتونـي=واصبحت عندي مثـل مثقـال ذره
ياصباح الدمع الاسـود ياعيونـي=بالقدر آمنت فـي خيـره وشـره

اسئله

قبـل اودي صاحـبـي فــي الــف سـكـة وانتفـاضـه
..................ودي اسأل من سرى بالليل لأطـراف المدينـه



منهـو اللـي كـل مـا غـردت يبـدي لــي امتعـاضـه
..................منهو اللي كل مـا صفقـت يصفقنـي بعينـه



منهـو الـلـي لا صــدع صـوتـي يبـالـغ فأنتهـاضـه
...................منهو اللي يوم وقف وقـف بحلـق الضغينـه



منهـو اللـي هاضـتـه دنـيـاي والا الشـعـر هـاضـه
...................منهو اللي زعزعه صمت الشفاه من السكينـه



منـهـو الـلـي فالشـدايـد ماتـحـدث عــن بـيـاضـه
................... منهو اللي يعرف الفزعـه ولا نـدى جبينـه




ليـه اخـاف المـوت والمـوت الحمـر حـنـا حيـاضـه
................... نارد حيـاض المنايـا والعـدو نبتـر يمينـه




صاحـبـي ياصاحـبـي بالله وش هـــذي الفـضـاضـه
................... علم الجاهل كذا00والاكذا00ترسي السفينـه




علـم اللـي كــل مافيـهـم مــن الدنـيـا استعـاضـه
................... علم اللي يذبحون الصـدق ماسمعـوا ونينـه




علـم اللـي لاهـرج ماغـيـر يـبـدي لــي اعتـراضـه
................ والله ان يبطي 00ويبطي 00لين يصبح لي رهينه


(بـــيـــت الــشــعــر)

بيت الشعر عنـك مانوّيـت بالتوبـه= ولانويت أبتعد عن حمر الأطعاسـي
أستهوي الضو بوجه البيت مشبوبـه=وأستهوي البن يحمس وسط محماسي
وأشفق لشوف الغضى يبسٍ ومحطوبه=وشوف الدلال الصفر يبري تعوماسي
وأفرح بقرم(ن)يكر النار فـي ثوبـه= وريحة غضاها يرد الروح لأنفاسـي
وأسعد بشوف الحلال وحزة غروبـه=الى ضوت للعشا تقرع بالأجراسـي
والبل تبغي العشا ترغـي ومشعوبـه= والراعي اللي مع الحيران محتاسـي
يازين شوفة نجوم الليـل مصحوبـه= مع بدرها اللي ينور عتم الأعماسـي
ينعش فؤادي نسيـم البـر وهبوبـه= وريح الخزامى الياهبـت بنسناسـي
والمهره اللي عسفها العـود بسلوبـه = من دون سرجٍ ركبها عالي الساسـي
وشيهانةٍ للقنـص تطلـع ومطلوبـه = تطلع بعيـد وغلاهـا مالـه قياسـي
بنت البدو شيخـة فطنـه ورعبوبـه= تعوذ مـن كـل شيطـانٍ وخناسـي
الى لفا الضيف مثل البـرق لهلوبـه=سيفٍ تصاقل فملعب كل الأجناسـي
ماعمرها جات مخزومـه ومغلوبـه=غنـدورةٍ والعقـل أنفـوذه سياسـي
مرغوبـةٍ حيـل ايـوالله مرغـوبـه=من مجلسٍ النشامـى فيـه جلاسـي
يا نار أكلي حطـب00 ماعندناتوبـه=حنا بدو دايـمٍ نمسـي فالأطعاسـي

[مهرة النسيان]

ياهلا بش يالمطيريه ..

محمد ماقصر معش بقصائد الشاعره الراسيه وحسب ماسمعت منها في لقاءها الاذاعي بصوت الخليج انها ترفض اي ظهور اعلامي لصورتها ..

ودمتي بحب ..

[الرسام]

والله مدري


بس حياش الله والبركه فالراسيه اللي جابتش لنا


ومحمد كفا ووفا



تحياتي

[الشيخه]

اختى الغاليه المطيريه


حياش الله وبخصوص الراسيه لا تقيم امسيات خاصه الا للنساء فقط واذا على قصايدها موجوده فى اشرطه كاست متوفره فى محلات تسجيلات الى بالفحيحيل اذا انتى من اهل الكويت ولا من قطر .....

بالغريب العاجل سوف اوافيك بما هو جديد عن اقامت امسيات لها .

تقبلى منى خالص التحيه

الــــــشــــــيــــــخه

[سارونه]

ماتقصرون والشكر موصول لأخوي محمد ..

بالنسبه للشيخه ..

أنا من أهل الكويت ..

أذا تقدرين تدليني وين القى قصايدها ..

بالنسبه لأشرطتها سألت محل التسجيلات قال ..

أشرطتها حسب علمي تجي بالخشيش للكويت ..

مافهمت شيقصد ..؟؟؟!!!

تسلمون على الردووود ..

[ابومحمد الشامري]

مرحبا بالاخت القديرة مطيرية هاذي قصائد الراسية بالصوت:
http://www.dwaihi.com/hm/37alrasia.htm

[سارونه]

تسلم يالشامري ..

جااااري

البحث عن

الموقع ..